അഡ്മിൻ ആയാലെന്താ കൊമ്പുണ്ടോ..! ഇനി വാട്സ്ആപ്പ് ഗ്രൂപ്പ് അഡ്മിൻസിനെ ബ്ലോക്ക് ചെയ്യുക എളുപ്പം, ഇതാണ് വഴി...
ഇന്ത്യയിൽ എന്നല്ല, ലോകത്തിൽ തന്നെ വാട്സ്ആപ്പിനോളം ജനപ്രീതിയുള്ള മറ്റൊരു മെസേജിംഗ് ആപ്പും നിങ്ങൾക്ക് കാണാൻ കഴിയില്ല. അത്രത്തോളം ആളുകൾക്ക് ഇടയിൽ ഇറങ്ങി ചെന്ന ഒരു ആപ്പാണ് ഇത്. എങ്കിലും ഇപ്പോഴും പല ന്യൂനതകളും ഈ ആപ്പിനുണ്ട് എന്ന കാര്യത്തിൽ ഭിന്നാഭിപ്രയമായില്ല. പക്ഷേ അതൊക്കെയും പരിഹരിച്ചുകൊണ്ട്, അവ മാറ്റാനുള്ള ശ്രമങ്ങൾ അവർ കൃത്യമായി നടപ്പാക്കുന്നുണ്ട് എന്നത് അഭിനന്ദനീയമായ ഒരു കാര്യമാണ്.
പലപ്പോഴും വാട്സ്ആപ്പ് ഉപയോഗിക്കുന്നവരെ സംബന്ധിച്ച് ഏറ്റവും കൂടുതൽ ബുദ്ധിമുട്ട് നേരിടുന്ന ഒരു കാര്യമാണ് സ്വകാര്യത. എങ്കിലും സ്വകാര്യത ഉറപ്പ് വരുത്താനായി കഴിഞ്ഞ കാലങ്ങളിൽ അത്യാവശ്യം നല്ല രീതിയിൽ തന്നെ ആപ്പിന്റെ ഉടമകളായ മെറ്റ ഇടപെടുന്നുണ്ട്. ഇതിന്റെ ഭാഗമായി വ്യക്തിഗത ചാറ്റുകൾക്ക് മാത്രമല്ല, വാട്ട്സ്ആപ്പ് ഗ്രൂപ്പുകൾക്കും സുരക്ഷാ ഫീച്ചറുകളിലും സ്വകാര്യത ക്രമീകരണങ്ങളിലും മെറ്റ അടുത്തിടെ ചില മാറ്റങ്ങൾ വരുത്തിയിട്ടുണ്ട്.
വേലി തന്നെ വിളവ് തിന്നുക എന്ന ചൊല്ല് നാം പലപ്പോഴും കേട്ടിട്ടുള്ള ഒന്നാണ്. ഉത്തരവാദിത്തപ്പെട്ട സ്ഥാനത്തിരിക്കുന്നവർ, അതല്ലെങ്കിൽ ഏതെങ്കിലും ചുമതല വഹിക്കുന്നവർ തന്നെ അവിടെയുള്ള നിയന്ത്രണങ്ങൾ ലംഘിക്കുകയും, അവ പാലിക്കാതിരിക്കുകയും ചെയ്യുമ്പോഴാണ് പൊതുവെ നാം ഈ വാക്ക് ഉപയോഗിക്കുന്നത്. അത്തരത്തിൽ വാട്സ്ആപ്പിൽ ഗ്രൂപ്പുകൾ നിയന്ത്രിക്കാനും മറ്റും ചുമതലപ്പെട്ടവരാണ് അഡ്മിൻസ്.
അവർ തന്നെ നിരന്തരം നിയമ ലംഘനം നടത്തിയാലോ..? അങ്ങനെയുള്ള സാഹചര്യങ്ങൾ പലപ്പോഴും ഉയർന്നുവരാറുണ്ട്. ഈ ഘട്ടത്തിൽ അവരെ ബ്ലോക്ക് ചെയ്യുക അല്ലാതെ മറ്റൊരു വഴിയുമില്ല. എന്നാൽ ഇതെങ്ങനെ സാധിക്കും എന്നതാണ് ചോദ്യം, അതിനുള്ള വഴിയുണ്ടെന്നതാണ് ഉത്തരം. ഒരു ആൻഡ്രോയിഡ് അല്ലെങ്കിൽ ഐഒഎസ് ഉപയോക്താവ്, ഫോൺ ബുക്കിൽ നമ്പർ ലഭ്യമല്ലാത്ത വാട്സ്ആപ്പ് ഗ്രൂപ്പ് അഡ്മിനെ ബ്ലോക്ക് ചെയ്യാൻ ആഗ്രഹിക്കുന്നുവെങ്കിൽ, ചെയ്യേണ്ടത് ഇത്ര മാത്രമാണ്.
ആ പ്രത്യേക വാട്ട്സ്ആപ്പ് ഗ്രൂപ്പ് ചാറ്റിലേക്ക് പോകുക.
ഗ്രൂപ്പിന്റെ പേരിൽ ടാപ്പ് ചെയ്യുക അല്ലെങ്കിൽ ക്ലിക്ക് ചെയ്യുക.
അംഗങ്ങളുടെ പട്ടിക സന്ദർശിച്ച് നിങ്ങൾ തടയാൻ ആഗ്രഹിക്കുന്ന അഡ്മിന്റെ പേര് കണ്ടെത്തുക.
പോപ്പ്-അപ്പ് വിൻഡോയിൽ നിന്ന്, സന്ദേശം (ഫോൺ നമ്പർ) ക്ലിക്ക് ചെയ്യുക.
അഡ്മിനുമായുള്ള വ്യക്തിഗത ചാറ്റ്ബോക്സ് സ്ക്രീനിൽ ദൃശ്യമാകും.
ചാറ്റ് സ്ക്രീനിന്റെ മുകളിൽ പ്രദർശിപ്പിച്ചിരിക്കുന്ന നമ്പറിൽ ക്ലിക്ക് ചെയ്യുക.
മുകളിലേക്ക് സ്ക്രോൾ ചെയ്യുക, തടയാനുള്ള ഓപ്ഷൻ നിങ്ങൾ കണ്ടെത്തും.
ഫോൺ കോൺടാക്റ്റിൽ ഈ വ്യക്തിയുടെ നമ്പർ നിലവിലുണ്ടെങ്കിൽ ഒരു അഡ്മിനെ ബ്ലോക്ക് ചെയ്യുന്നതിനുള്ള മാർഗം സമാനമല്ല. ഈ സാഹചര്യത്തിൽ, വാട്ട്സ്ആപ്പ് ആപ്ലിക്കേഷനുകളുടെ ഇന്റർഫേസിലെ വ്യത്യാസങ്ങൾ കാരണം ആൻഡ്രോയിഡ്, ഐഒഎസ് ഉപയോക്താക്കൾ പ്രത്യേക രീതികൾ പിന്തുടരേണ്ടതുണ്ട്.
Click it and Unblock the Notifications
Sign in with Google