ആപ്പിൾ ഒരു ജിന്നാണ്; അമ്മാതിരി ഓഫറല്ലേ കൊടുത്തേക്കുന്നത്, ഐഫോൺ 15 വെറും 32,780 രൂപയ്ക്കോ? അറിയാം
സ്മാർട്ട് ഫോൺ വിപണിയുടെ സ്പന്ദനങ്ങൾ അടുത്തറിയുന്നവർ ഒരു മടിയും കൂടാതെ പറയും ഇത് ആപ്പിളിന്റെ കാലമല്ലേ? എന്ന്. സംഗതി ഒരു തരത്തിൽ പറഞ്ഞാൽ വളരെ ശരിയുമാണ് അത്. എന്തെന്നാൽ സ്പെസിഫിക്കേഷനുകളുടെ കാര്യത്തിൽ അത്രയധികം പ്രത്യേകതകൾ ഉള്ളൊരു കമ്പനിയാണ് ആപ്പിൾ. ആപ്പിളിന് ലഭിക്കുന്ന പ്രീമിയം പരിഗണന പലപ്പോഴും മറ്റ് കമ്പനികൾക്ക് സ്വപ്നം മാത്രമാണ്. അതാണ് അവരെ വേറിട്ട് നിർത്തുന്ന ഘടകം.
മുൻ കാലങ്ങളിൽ നിന്ന് വ്യത്യസ്തമായി അടുത്തകാലത്ത് ആപ്പിൾ ഫോണുകൾക്ക് വലിയ രീതിയിൽ ഡിമാൻഡ് വർധിച്ചു വരുന്നത് നിങ്ങൾക്ക് കാണാവുന്നതാണ്. ചിലഘട്ടങ്ങളിൽ പ്രധാന എതിരാളികളായ സാംസങിനെ പോലും കടത്തിവെട്ടുന്ന പ്രകടനമാണ് ആപ്പിളിന്റെ ഭാഗത്ത് നിന്നുണ്ടാവുന്നത്. വിൽപ്പനയിലായാലും സ്വീകാര്യതയിലായാലും ആപ്പിളിന്റെ വളർച്ച അസൂയാവഹമാണെന്ന് നിസംശയം പറയാം.
വരാനിരിക്കുന്ന ഐഫോൺ 17 മോഡലിനെ കുറിച്ചുള്ള ചർച്ചകളും വാർത്തകളും കൊണ്ട് നിറയുകയാണ് സോഷ്യൽ മീഡിയ മുഴുവൻ. സെപ്റ്റംബർ മാസത്തിൽ ഈ സീരീസ് അവതരിപ്പിക്കുമെന്നാണ് കരുതുന്നത്. എന്നിട്ടും മുൻ മോഡലുകളുടെ വിൽപ്പന കണക്കുകൾ അനുദിനം കുതിച്ചുയരുകയാണ്. പുതിയ മോഡൽ വന്നെന്ന് കരുതി ആപ്പിളിന്റെ പഴയ ഫോണുകൾ പിൻനിരയിലേക്ക് പോവുമെന്ന് കരുതിയവർക്ക് തെറ്റി. അത്തരമൊരു രീതിൽ ഐഫോണിന്റെ കാര്യത്തിൽ ഇല്ല.
ഐഫോൺ 15 ഈ കൂട്ടത്തിൽ ഏറ്റവും ആരാധക പിന്തുണയുള്ള സീരീസാണ്. അതിന്റെ വിൽപ്പന എടുത്ത് നോക്കിയാൽ നിങ്ങൾക്ക് അത് മനസിലാവും. ചിലരൊക്കെ പറയുന്നത് അവസാനം ഇറങ്ങിയ ഐഫോൺ 16 മോഡലിനേക്കാൾ ഒരുപടി മുകളിലാണ് ഈ ഫോണിന്റെ സ്ഥാനം എന്നാണ്. അതിന് അവർ പറയുന്ന കാരണം അതിന്റെ ഫീച്ചറുകളും ശക്തമായ സ്പെസിഫിക്കേഷനുകളുമാണ്
ആ സ്നേഹത്തിന്റെ ഏറ്റവും വലിയ ഉദാഹരണമാണ് ഐഫോൺ 15 സീരീസിലെ ഫോണുകൾക്ക്, പ്രത്യേകിച്ച് ഇവയുടെ ബേസിക് മോഡലുകൾക്ക് വേണ്ടി ആളുകൾ കാണിക്കുന്ന താൽപര്യം. ഈ സീരീസിലെ മോഡലുകളിൽ ഏറ്റവും കൂടുതൽ വിൽപ്പന നടത്തുന്നവയിൽ ഒന്നാണ് ഐഫോൺ 15. നിങ്ങൾക്ക് ഒരു ഐഫോൺ സ്വന്തമാക്കാൻ ആഗ്രഹമുണ്ടെങ്കിൽ ഏറ്റവും പറ്റിയ സമയമാണിത്. ഈ ഫോണിന് വമ്പൻ ഡിസ്കൗണ്ട് ലഭ്യമാവും എന്നതാണ് കാരണം.
ഇപ്പോഴിതാ ഈ സീരീസിലെ ഫോണിന് കിടിലൻ ഓഫറുകളാണ് ലഭ്യമാവുന്നത്. അത്തരത്തിൽ ഓഫർ നൽകുന്നതാവട്ടെ രാജ്യത്തെ പ്രമുഖ ഇ കൊമേഴ്സ് സ്ഥാപനമായ ആമസോണാണ്. കമ്പനിയുടെ ഏറ്റവും പുതിയ ഓഫറിൽ വളരെ മികച്ച വിലയിലാണ് നിങ്ങൾക്ക് ഈ മോഡൽ സ്വന്തമാക്കാൻ കഴിയുക. ഐഫോൺ 15ന് ലഭ്യമായ ഓഫറിനെ കുറിച്ച് കൂടുതൽ അറിയാം.
ഐഫോൺ 15 ഓഫർ
ആമസോൺ നിലവിൽ ഐഫോൺ 15 (128 ജിബി, കറുപ്പ്) വെറും 32,780 രൂപയ്ക്ക് വിൽക്കുന്നു. ഇത് ഈ മോഡൽ വാങ്ങാൻ ആഗ്രഹിക്കുന്നവർക്ക് ഒരു ആകർഷകമായ അവസരമാക്കി മാറ്റുന്നു. ഏറ്റവും പുതിയ സവിശേഷതകൾ, മെച്ചപ്പെട്ട ക്യാമറ ശേഷി, അല്ലെങ്കിൽ മെച്ചപ്പെടുത്തിയ പ്രകടനം എന്നിവയിൽ നിങ്ങൾക്ക് താൽപ്പര്യമുണ്ടെങ്കിൽ, ഐഫോൺ 15 ആകർഷകമായ ഒരു ഓപ്ഷനായി നിങ്ങൾക്ക് മുന്നിലുണ്ടാവും.
ആപ്പിൾ ഐഫോൺ 15 (128 ജിബി, കറുപ്പ്) നിലവിൽ ആമസോണിൽ 79,900 രൂപ പ്രാരംഭ വിലയിൽ ലഭ്യമാണ്. 12 ശതമാനം കിഴിവ് ബാധകമാകുന്നതോടെ വില 61,400 രൂപയായി കുറയും. കൂടാതെ, ഉപഭോക്താക്കൾക്ക് അവരുടെ പഴയ ഐഫോൺ 14 നല്ല നിലയിൽ ട്രേഡ് ചെയ്യുന്നതിലൂടെ 25,550 രൂപ വരെ ലാഭിക്കാം, ഇത് ഫലപ്രദമായ വില 35,850 രൂപയായി കുറയ്ക്കും. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉടമകൾക്ക് 3,070 രൂപയുടെ കിഴിവ് കൂടി ലഭിക്കുന്നതോടെ അന്തിമ വില 32,780 രൂപയായി മാറും.
Click it and Unblock the Notifications
Sign in with Google