ആപ്പിളിന്റെ പതിനഞ്ചാം തലമുറ കിട്ടും കുറഞ്ഞ വിലയിൽ; ഐഫോൺ 15യ്ക്ക് 25,000 രൂപയുടെ ഡിസ്‌കൗണ്ട്?

ആപ്പിൾ തങ്ങളുടെ ഐഫോൺ മോഡലുകൾക്ക് അത്രയധികം ഓഫറുകളാണ് നിലവിൽ നൽകി വരുന്നത്. അതിന്റെ കാരണം എന്തെന്ന് വച്ചാൽ മറ്റ് കമ്പനികളുടെ ഓഫറുകൾ വച്ച് നോക്കുമ്പോൾ ഐഫോൺ നല്ല രീതിയിൽ വിൽപ്പന നടത്തുന്നുണ്ട്. അവയുടെ കിടിലൻ സ്പെസിഫിക്കേഷനുകൾ, മറ്റ് പ്രത്യേകതകൾ എന്നിവയൊക്കെ അതിന്റെ കാരണങ്ങളിൽ ചിലതാണ്. അതിന് പുറമേ കമ്പനിയുടെ ബ്രാൻഡ് വാല്യൂ കൂടി ഇതിന് കാരണമാണ്.

സകല പ്രൗഢിയും എടുത്തുകാണിക്കുന്ന മോഡൽ ഇറങ്ങിയിട്ട് ആവുന്നേ ഉള്ളൂ. ഐഫോൺ 17 സീരീസിലെ ഫോണുകളായിരുന്നു അവ. പുതിയ മോഡൽ എത്താൻ ദിവസങ്ങൾ ബാക്കി നിൽക്കെ പഴയ ഫോണുകളുടെ വിൽപ്പന പൊടിപൊടിക്കുകയാണ്. പ്രധാനമായും ഇവയുടെ ഹൈ എൻഡ് മോഡലുകളായ പ്രോ, പ്രോ മാക്‌സിന് തന്നെയാണ് ഏറെ ആവശ്യക്കാരുള്ളത്. കൂടാതെ ഉത്സവ കാല ഓഫറിൽ ഫോണുകൾക്ക് വമ്പൻ കിഴിവും ലഭിക്കാറുണ്ട്.

ആപ്പിളിന്റെ തന്നെ കരുത്തുറ്റ മോഡലായ ഐഫോൺ 15 സീരീസിനും ഇത്തരത്തിലുള്ള ഒട്ടേറെ ഓഫറുകൾ കമ്പനി നൽകി വരുന്നുണ്ട്. പുതിയ 17 സീരീസ് വരുന്നെങ്കിലും രണ്ടാംതരക്കാരായി ഐഫോൺ 15 മോഡലിനെ ആരും തള്ളിപറഞ്ഞിട്ടില്ലെന്ന് വിൽപ്പന കണക്കുകൾ തെളിയിക്കുന്നതാണ് ഇപ്പോഴത്തെ സ്ഥിതി. ഈ സീരിസിലെ തന്നെ ഏറ്റവും നല്ല മോഡലായ ഐഫോൺ 15 കിടിലൻ ഓഫറാണ് ഇപ്പോൾ പ്രഖ്യാപിച്ചിരിക്കുന്നത്.

ഐഫോൺ 15 ഓഫറുകൾ

ഫ്ലിപ്‌കാർട്ടിൽ നിലവിൽ നടക്കുന്ന ഐഫോൺ 15 ഓഫർ പ്രകാരം 128ജിബി വേരിയന്റ് 54,900 രൂപയ്ക്ക് ലഭ്യമാണ്. ലോഞ്ച് ചെയ്‌ത സമയത്ത് 79,900 രൂപയായിരുന്ന മോഡലിന് ഇപ്പോൾ 25,000 രൂപയിലധികം കിഴിവ് ലഭിക്കുന്നു. തിരഞ്ഞെടുക്കപ്പെട്ട ഫ്ലിപ്‌കാർട്ട് ആക്‌സിസ്, ഫ്ലിപ്‌കാർട്ട് എസ്ബിഐ ക്രെഡിറ്റ് കാർഡുകൾ ഉപയോഗിക്കുന്നവർക്ക് ഏകദേശം 3315 രൂപയുടെ അധിക കിഴിവും നേടാം. മാസം 8800 രൂപ മുതൽ തുടങ്ങുന്ന നോ-കോസ്‌റ്റ് ഇഎംഐ പ്ലാനുകളും ലഭ്യമാണ്, ഇത് ചിലവ് പല തവണകളായി അടയ്ക്കാൻ സൗകര്യമൊരുക്കുന്നു.

ഈ ഐഫോൺ 15 ഡീലിനെ ഒരു എക്സ്ചേഞ്ച് ഓഫർ കൂടുതൽ ആകർഷകമാക്കുന്നു. പഴയ സ്‌മാർട്ട്‌ഫോണിന്റെ പഴക്കം, ബ്രാൻഡ്, മോഡൽ, കണ്ടീഷൻ എന്നിവ പരിഗണിച്ച് 44,450 രൂപ വരെ എക്സ്ചേഞ്ച് കിഴിവ് നേടാൻ സാധിക്കും. ഫലത്തിൽ, ആപ്പിളിന്റെ നിലവിലെ തലമുറ ഡിവൈസ് പല ഉപഭോക്താക്കൾക്കും 55,000 രൂപയിൽ താഴെ വിലയിൽ സ്വന്തമാക്കാൻ ഇത് സഹായിക്കും. സാധാരണയായി, ഉയർന്ന മിഡ്-റേഞ്ച് ആൻഡ്രോയിഡ് ഫോണുകൾ ആധിപത്യം പുലർത്തുന്ന വിഭാഗമാണിത്.

ഐഫോൺ 15 ഫീച്ചറുകൾ

6-കോർ സിപിയു, 5-കോർ ജിപിയു എന്നിവയുള്ള ശക്തമായ എ16 ബയോണിക് ചിപ്പ്, 4K വീഡിയോ റെക്കോർഡിംഗ് ശേഷിയുള്ള അഡ്വാൻസ്ഡ് ഡ്യുവൽ ക്യാമറ സിസ്‌റ്റം എന്നിവയാണ് ഈ സ്‌മാർട്ട്‌ഫോണിന്റെ സവിശേഷതകൾ. അതോടൊപ്പം, ഇതിന് മികച്ച അലുമിനിയം ഡിസൈനും ഐപി68 വാട്ടർ-ഡസ്‌റ്റ് റെസിസ്‌റ്റൻസ് റേറ്റിംഗും ഉണ്ട്. ക്യാമറയുടെ കാര്യം ഉൾപ്പെടെ ഈ ഫോണിന് മറ്റ് മോഡലുകളെക്കാൾ നല്ല ഫീച്ചറുകൾ ഉണ്ട്.