ഐഫോൺ 16ന്റെ ഡിസ്‌കൗണ്ട് കേട്ടാൽ ആരായാലും ഞെട്ടും; ഒറ്റയടിക്ക് കുറയുന്നത് 20,000 രൂപ വരെയോ?

ശരിക്കും ഓഫറുകളുടെ കാലമല്ലേ ഇത്, അപ്പോൾ പിന്നെ ഇക്കാര്യത്തിൽ ആപ്പിളിന് മാത്രമായി വേറിട്ട വഴിയിലൂടെ നടക്കുക എന്നത് സാധ്യമല്ലലോ. സത്യം പറഞ്ഞാൽ ഒഴുക്കിനെതിരെ നീന്താതെ അതിന് ഒപ്പം മുന്നോട്ട് നീങ്ങുകയാണ് അവരിപ്പോൾ ചെയ്‌തു കൊണ്ടിരിക്കുന്നത്. അങ്ങനെ പറഞ്ഞു ലളിതവത്കരിക്കുന്നതിൽ അർത്ഥമില്ല എന്നറിയാം, എങ്കിലും ആപ്പിളിനെ സംബന്ധിച്ച് ഇക്കാര്യത്തിൽ അവർ ആൻഡ്രോയിഡിനെ പോലും വെല്ലുന്ന നിലയിലേക്ക് എത്തിക്കഴിഞ്ഞു.

ഇറങ്ങിയിട്ട് വർഷങ്ങൾ ആയെങ്കിലും ആപ്പിളിന്റെ ഡിസൈൻ സവിശേഷതകളും മികച്ച ക്യാമറ സംവിധാനങ്ങളും ഒക്കെയാണ് മുൻ മോഡലുകളിൽ പോലും കൂടുതൽ ആളുകൾ തേടിയെത്തുന്നത്. അതുകൊണ്ട് അവയുടെ വിൽപ്പനയും പൊടിപൊടിക്കുകയാണ്. അത്തരത്തിൽ ഐഫോൺ 16, ഐഫോൺ 15 സീരീസിൽ ഉൾപ്പെട്ട ഫോണുകൾക്കും വലിയ രീതിയിൽ ആവശ്യക്കാരുണ്ട്. ഇപ്പോഴിതാ ഐഫോൺ 16ന് കിടിലൻ ഓഫറുകൾ ലഭ്യമാണ്. എന്തൊക്കെയാണ് ഈ ഓഫറുകൾ എന്നറിയാം.

ഐഫോൺ 16 ഓഫറുകൾ

ഐഫോൺ 16 ന്റെ എംആർപിയെക്കുറിച്ച് പറയുകയാണെങ്കിൽ, നിലവിൽ ഒരു കിഴിവും കൂടാതെ 69,900 രൂപയ്ക്ക് ഫ്ലിപ്‌കാർട്ടിൽ ലഭ്യമാണ്. ഇതിന്റെ 128 ജിബി സ്‌റ്റോറേജ് വേരിയന്റിന്റെ വിലയാണിത്. ഐഫോൺ 16ന് മറ്റ് നിരവധി ഓഫറുകൾ ലഭ്യമാണ് എന്നതാണ് പ്രധാനം. അതിൽ എക്സ്ചേഞ്ച് ഓഫറുകൾ, ഇഎംഐ ഓഫറുകൾ, ബാങ്ക് കാർഡ് കിഴിവുകൾ എന്നിങ്ങനെ എല്ലാത്തരത്തിലുള്ള ഓഫറുകളും ഉൾപ്പെടുന്നു.

അതിന്റെ ബാങ്ക് ഓഫറുകളെക്കുറിച്ച് പറയുമ്പോൾ, ഫ്ലിപ്‌കാർട്ട് ആക്‌സിസ്, എസ്ബിഐ ബാങ്ക് ക്രെഡിറ്റ് കാർഡുകളിൽ നിങ്ങൾക്ക് 3495 രൂപ കിഴിവ് ലഭിക്കുന്നു. ഫ്ലിപ്‌കാർട്ട് ഒരു എക്സ്ചേഞ്ച് ഓഫറും വാഗ്‌ദാനം ചെയ്യുന്നു, അവിടെ നിങ്ങൾക്ക് 68,050 രൂപ വരെ ലാഭിക്കാമെങ്കിലും അതിന് ചില നിബന്ധനകളുണ്ട്. ഇത് പഴയ ഫോണിന്റെ ബ്രാൻഡ്, കണ്ടീഷൻ, മോഡൽ എന്നിവയെ ആശ്രയിച്ചിരിക്കുന്നു. നിങ്ങൾക്ക് 2458 രൂപയുടെ ഇഎംഐ ഓപ്ഷൻ ഈ ഫോൺ വാങ്ങുമ്പോൾ ലഭിക്കും.

നേരത്തെ പറഞ്ഞ എക്സ്ചേഞ്ച് ഓഫറുകൾക്ക് ഒരുപാട് പ്രത്യേകതകളുണ്ട്. അതിൽ നിങ്ങൾ നൽകാൻ ഉദ്ദേശിക്കുന്ന ഫോൺ ഭേദപ്പെട്ട ഒന്നാണെങ്കിൽ ഉറപ്പായും 20000 രൂപ വരെയുള്ള കിഴിവ നിങ്ങൾക്ക് ലഭിക്കും. അങ്ങനെ വരുമ്പോൾ ഐഫോൺ 16യുടെ അന്തിമ വിലയും നന്നായി താഴും. ഏറ്റവും പ്രധാനപ്പെട്ട കാര്യം എക്സ്ചേഞ്ച് ചെയ്യുന്ന ഫോൺ എല്ലാം കൊണ്ടും നല്ല പ്രവർത്തനക്ഷമം ആയിരിക്കണമെന്നതും അതിന് മറ്റ് പ്രശ്‌നങ്ങൾ ഉണ്ടായിരിക്കരുത് എന്നുമാണ്.

ഐഫോൺ 16 ഫീച്ചറുകൾ

ഐഫോൺ 16-ൽ 6.1 ഇഞ്ച് സൂപ്പർ റെറ്റിന എക്‌സ്ഡിആർ ഡിസ്‌പ്ലേയാണുള്ളത്. ഇത് വ്യക്തവും ഷാർപ്പ് ആയ ദൃശ്യങ്ങൾ നൽകാൻ ശേഷിയുള്ളതാണ്. മികച്ച പ്രവർത്തനക്ഷമത ഉറപ്പാക്കാൻ, ഏറ്റവും പുതിയ എ18 ചിപ്‌സെറ്റാണ് ഈ ഐഫോണിൽ ഉൾപ്പെടുത്തിയിരിക്കുന്നത്. ഇത് വേഗതയേറിയതും സുഗമവുമായ പ്രവർത്തനം സാധ്യമാക്കുന്നു.

ക്യാമറയുടെ കാര്യത്തിൽ, 48 മെഗാപിക്‌സലിന്റെ പ്രധാന ക്യാമറയും 12 മെഗാപിക്‌സലിന്റെ സെക്കൻഡറി ക്യാമറയും ഈ ജനപ്രിയ ഐഫോൺ മോഡലിൽ ഉണ്ടെന്നതാണ് മറ്റൊരു സവിശേഷത. സെൽഫികൾക്കായി 12 മെഗാപിക്‌സലിന്റെ മുൻ ക്യാമറയും ഇതിൽ സജ്ജീകരിച്ചിരിക്കുന്നു. ഇത് ഉയർന്ന നിലവാരമുള്ളതും വ്യക്തവുമായ ചിത്രങ്ങൾ പകർത്താൻ ഉപകരിക്കുന്നു.

3561 mAh ശേഷിയുള്ള ബാറ്ററിയാണ് ഈ ഡിവൈസിലുള്ളത്. നിരവധി ആപ്പിൾ ഇന്റലിജൻസ് ഫീച്ചറുകളും മറ്റ് സവിശേഷതകളും ഇതിൽ ഉൾപ്പെടുത്തിയിട്ടുണ്ട്. അതേസമയം, ഐഫോൺ 18ന്റെ വരവ് വിപണിയിൽ വലിയ ചർച്ചകൾക്ക് വഴിതെളിയിച്ചിട്ടുണ്ട്. ഇതിനെക്കുറിച്ചുള്ള കൂടുതൽ വിവരങ്ങൾ ഘട്ടംഘട്ടമായി പുറത്തു വിടുമെന്നാണ് പ്രതീക്ഷിക്കുന്നത്.

English summary

iPhone 16 Big Discounts: Buy This Phone From Flipkart With Stunning Price Cut Of Rs 20,000.