ആപ്പിളിന്റെ ഒന്നൊന്നര മുതൽ, ഐഫോൺ 16 കിട്ടിയാൽ ആരും വാങ്ങിപ്പോവും; 18000 രൂപയുടെ കുറവ്! വില?
ഇന്ത്യൻ വിപണിയിൽ ഐഫോൺ 16 വിൽപ്പന പുതിയ റെക്കോർഡുകൾ സ്ഥാപിക്കുകയാണ്. പ്രധാന നഗരങ്ങളിലും ഓൺലൈൻ പ്ലാറ്റ്ഫോമുകളിലും ഉടനീളം ശക്തമായ ആവശ്യം ഉള്ളതായി റീട്ടെയിലർമാർ റിപ്പോർട്ട് ചെയ്യുന്നു. ഉപഭോക്താക്കൾ പ്രോ മോഡലുകളിലേക്ക് മാറുന്ന പ്രവണതയാണ് ആദ്യം കണ്ടതെങ്കിലും ബേസ് മോഡലിനും ആവശ്യക്കാർ ഏറെയാണ്. എൻട്രി ലെവൽ വേരിയന്റുകൾ ലഭ്യമാണെങ്കിലും, നിരവധി യുവാക്കൾ കൂടുതൽ പണം മുടക്കാൻ തയ്യാറാണ്.
നഗരങ്ങളിലെ നിലവാരം നോക്കുന്ന ഉപഭോക്താക്കളെ പ്രോ മോഡലുകൾ കാര്യമായി ആകർഷിക്കുന്നുണ്ട്. വേഗത്തിലുള്ള അപ്ഗ്രേഡുകളേക്കാൾ ദീർഘകാല ഉപയോഗത്തിനുള്ള ഉപകരണങ്ങളായാണ് പലരും പ്രോ മോഡലുകളെ കാണുന്നത്. ഇന്നത്തെ ഉപയോക്താക്കൾ ഒരു ഫോൺ പല വർഷം ഉപയോഗിക്കാൻ ആഗ്രഹിക്കുന്നു. ഇത് ഉയർന്ന വിലയുള്ള മോഡലുകൾക്ക്, ആദ്യകാല ചെലവ് കൂടുതൽ ആണെങ്കിൽ പോലും, കാലക്രമേണ മികച്ച മൂല്യം നൽകുന്നു എന്ന ചിന്തയിലേക്ക് അവരെ എത്തിക്കുന്നു.
പ്രോ മോഡലുകളോടുള്ള താൽപ്പര്യത്തിന് പിന്നിൽ പ്രധാന കാരണം അതിൻ്റെ ക്യാമറ പ്രകടനം ആണ്. സോഷ്യൽ മീഡിയ ഉള്ളടക്കങ്ങൾ, ഹ്രസ്വ വീഡിയോകൾ, മൊബൈൽ ഫോട്ടോഗ്രഫി എന്നിവ ഇക്കാലത്ത് ദൈനംദിന ജീവിതത്തിൻ്റെ ഭാഗമാണ്. മികച്ച ചിത്രങ്ങളും കുറഞ്ഞ വെളിച്ചത്തിൽ പോലും വ്യക്തതയുള്ള വീഡിയോകളും യുവ ഉപയോക്താക്കൾ ആഗ്രഹിക്കുന്നു. കൂടുതൽ പ്രകാശമുള്ള ലെൻസുകളും മികച്ച സ്റ്റെബിലൈസേഷൻ ടൂളുകളും പ്രോ മോഡലുകളിൽ സാധാരണയായി ലഭ്യമാണ്.
ഡിസ്പ്ലേയുടെ ഗുണമേന്മയും പ്രോ മോഡലുകളുടെ വിൽപ്പന വർദ്ധിപ്പിക്കാൻ സഹായിക്കുന്നുണ്ട്. ഉയർന്ന റിഫ്രഷ് നിരക്കുകൾ, സുഗമമായ സ്ക്രോളിംഗും ഗെയിമിംഗും സാധ്യമാക്കുന്നു. കൂടുതൽ തെളിച്ചമുള്ള സ്ക്രീനുകൾ ശക്തമായ സൂര്യപ്രകാശത്തിലും മികച്ച ദൃശ്യപരത നൽകുന്നു. ദിവസവും വീഡിയോ സ്ട്രീം ചെയ്യുകയോ ഗെയിം കളിക്കുകയോ ചെയ്യുന്ന ഉപഭോക്താക്കൾക്ക് ഈ അപ്ഗ്രേഡുകൾ വളരെ പ്രധാനമാണ്. സ്റ്റാൻഡേർഡ് വേരിയന്റുകൾ ഈ സൗകര്യങ്ങളിൽ പിന്നോട്ട് പോവുന്നു.
ബാറ്ററി ലൈഫിനും ചാർജിംഗ് ശീലങ്ങൾക്കും ഇന്ന് പ്രാധാന്യം ഏറുന്നുണ്ട്. ഇന്ന് പല ഉപയോക്താക്കളും ദീർഘനേരം യാത്ര ചെയ്യുകയോ യാത്രക്ക് വേണ്ടി സമയം ചെലവഴിക്കുകയോ ചെയ്യുന്നു. വലിയ ആപ്ലിക്കേഷനുകൾ ഉപയോഗിക്കുമ്പോഴും ഒരു ദിവസം മുഴുവൻ നിലനിൽക്കുന്ന ഫോണുകളാണ് അവർക്ക് വേണ്ടത്. പ്രോ മോഡലുകളിൽ സാധാരണയായി വലിയ ബാറ്ററികളോ മികച്ച പവർ മാനേജ്മെന്റോ ഉണ്ടാവും. ഇത് തിരക്കുള്ള വിദ്യാർത്ഥികൾക്കും ഉദ്യോഗസ്ഥർക്കും ആശ്വാസം നൽകുന്നു.
ഇത്രയൊക്കെ ആണെങ്കിലും ഐഫോൺ 16 ബേസ് മോഡൽ എന്ന് കേട്ടാൽ ആരും വീണുപോകും. കാരണം മറ്റ് സീരീസുകളിലെ, പ്രത്യേകിച്ച് മുൻകാല മോഡലുകളിലെ പ്രോ മോഡലുകളുടെ അത്രയും ഫീച്ചറുകളും മറ്റ് കാര്യങ്ങളും ഇതിൽ അടങ്ങിയിട്ടുണ്ട്. അത്തരത്തിലുള്ള ഐഫോൺ 16 മോഡലിന് മികച്ചൊരു ഓഫർ കിട്ടിയാൽ ആരായാലും ഒന്ന് വാങ്ങിപ്പോവും. ഫ്ലിപ്കാർട്ടിലാണ് ഇപ്പോൾ ഈ മോഡലിന് നല്ല ഓഫർ ലഭ്യമാവുക.
ഐഫോൺ 16 ഓഫറുകൾ
നിലവിൽ ഇ കൊമേഴ്സ് വെബ്സൈറ്റിലൂടെ ഏകദേശം 18000 രൂപയുടെ കുറവോടെ ഫോൺ വാങ്ങാൻ സാധിക്കുമെന്നതാണ് കാര്യം. അതുകൊണ്ട് മാത്രം തീർന്നെന്ന് കരുതേണ്ട ഇനിയും ഓഫറുകൾ നിങ്ങൾക്ക് ഇതിലൂടെ ലഭ്യമാണ്. നേരത്തെ പറഞ്ഞ ഓഫറിൽ ഓൺലൈൻ പ്ലാറ്റ്ഫോമിൽ മോഡലിന് 69,900 രൂപയായിരിക്കും വില.
ഇത് ഇന്ത്യയിലെ ലോഞ്ച് വിലയായ 87,900 രൂപയിൽ നിന്ന് വലിയ ഗണ്യമായ കുറവാണ്. ഇതിനുപുറമെ, നിങ്ങൾക്ക് എക്സ്ചേഞ്ച് ഓഫറും കൂടി ഉപയോഗപ്പെടുത്താവുന്നതാണ്. നിങ്ങളുടെ കൈവശം നല്ല രീതിയിൽ പ്രവർത്തന ക്ഷമമായ, മികച്ചൊരു മോഡൽ ഫോൺ ഉണ്ടെങ്കിൽ അത് നൽകി ഈ ഫോൺ കുറഞ്ഞ വിലയിൽ സ്വന്തമാക്കാൻ സാധിക്കും.
Click it and Unblock the Notifications
Sign in with Google