ആപ്പിൾ മനസറിഞ്ഞ് തന്ന ഓഫർ; ഐഫോൺ 16 പ്ലസ് സ്വന്തമാക്കാൻ മടിക്കേണ്ട, 21,000 രൂപ വരെ ലാഭിക്കാം!

പണ്ടത്തെ കാലത്തെ പോലെയല്ല ഐഫോൺ മോഡലുകൾ വളരെയധികം ജനകീയമായി മാറിയിരിക്കുകയാണ് നമ്മുടെ നാട്ടിൽ. ഒന്നും രണ്ടും മോഡലുകൾ അല്ല അവർക്കുള്ളതെന്ന് അറിയാമല്ലോ. ഓരോ മോഡലിലും നാല് വീതം വേരിയന്റുകൾ ഒക്കെ ഉൾപ്പെടുത്തി കൊണ്ടാണ് ഐഫോൺ ഇറങ്ങുന്നത്. എന്ന് മാത്രമല്ല മറ്റ് കമ്പനികളുടെ മോഡലുകൾ പോലെയല്ല, പഴയ വേരിയന്റുകൾക്കും ആവശ്യക്കാർ ധാരാളമുണ്ട് എന്നതാണ് പ്രത്യേകത.

അതുകൊണ്ട് തന്നെ ഒരിക്കലെങ്കിലും ഐഫോൺ സ്വന്തമാക്കാൻ ആഗ്രഹിക്കാത്തവർ നമുക്കിടയിൽ ചുരുക്കമായിരിക്കും. ശരിക്കും പറഞ്ഞാൽ അതിന്റെ പ്രൗഢി തന്നെയാണ് പല ആളുകളെയും അതിനോട് അടുപ്പിക്കുന്ന ഘടകം. അക്കാരണത്താൽ എല്ലാവരും ഐഫോണുകൾ സ്വന്തമാക്കാൻ ആഗ്രഹിക്കാറുണ്ട്. എന്നാൽ പണ്ടൊക്കെ അമിതമായ വിലയും ലഭ്യത കുറവുമൊക്കെ തടസം സൃഷ്‌ടിച്ചുവെങ്കിലും ഇന്ന് ആ സാഹചര്യങ്ങളൊക്കെ മാറിയിരിക്കുകയാണ്.

ഇപ്പോഴിതാ ആപ്പിളിന്റെ മുൻ സീരീസുകളുടെ നല്ല വിലക്കുറവ് വാർത്തകളാണ് വന്നിരിക്കുന്നത്. ആപ്പിൾ ഐഫോൺ 16 പ്ലസ് മോഡലിനാണ് ഏറ്റവും മികച്ച ഓഫറോടെ വിൽപ്പന നടക്കുന്നത്. ചെറുതും വലുതുമായ ഒട്ടേറെ ഓഫറുകൾ ഈ ഫോണിന് നേരത്തെയും നൽകിയിട്ടുണ്ടെങ്കിലും ഒറ്റയടിക്ക് അത്രയധികം വിലക്കുറവ് ലഭ്യമായ മറ്റൊരു അവസരം മുൻപ് ഉണ്ടായിട്ടില്ല എന്നതാണ് വാസ്‌തവം. അതിനെ കുറിച്ച് കൂടുതൽ അറിയാം.

ഐഫോൺ 16 പ്ലസ് ഓഫറുകൾ

ഐഫോൺ 16 പ്ലസിന്റെ വിലയെക്കുറിച്ച് പറയുകയാണെങ്കിൽ, അത് നിലവിൽ 79,900 രൂപ ആണ്. നിലവിലെ റിലയൻസ് ഡിജിറ്റൽ വിൽപ്പനയിൽ 14 ശതമാനം കിഴിവോടെ നിങ്ങൾക്ക് ഇത് 68,990 രൂപയ്ക്ക് വാങ്ങാം. അതായത് ഈ അടിപൊളി ഫോൺ വാങ്ങുമ്പോൾ നിങ്ങൾക്ക് 21,000 രൂപ വരെ ലാഭിക്കാം. ഇത് വാങ്ങാൻ ഏറ്റവും നല്ല സമയം ആയിരിക്കും. നിലവിലെ വില നിലവാരം അനുസരിച്ച് നിങ്ങൾക്ക് കിട്ടാവുന്ന ഏറ്റവും വലിയ ഓഫറുകളിൽ ഒന്നാണ്.

ബാങ്ക് ഓഫർ പ്രകാരം, ആക്‌സിസ് ബാങ്ക് കാർഡുകൾക്ക് 3000 രൂപയുടെ കിഴിവ് ലഭിക്കും. ബാങ്ക് ഓഫ് ബറോഡ ക്രെഡിറ്റ് കാർഡുകൾക്ക് 1,000 തൽക്ഷണ കിഴിവ് ലഭ്യമാണ്. ബ്രാൻഡ്, മോഡൽ, അവസ്ഥ എന്നിവയെ ആശ്രയിച്ച് എക്സ്ചേഞ്ച് ഓഫറിനും നിങ്ങൾക്ക് അർഹതയുണ്ട്. കൂടാതെ, 4,271 എന്ന ഇഎംഐ ഓപ്ഷനിൽ നിങ്ങൾക്ക് ഇത് വാങ്ങാം. ഇത് വഴി ഈ ജനപ്രിയ ഫോണിന്റെ വില ഇനിയും നല്ല രീതിയിൽ കുറയ്ക്കാൻ സാധിക്കും,

ഏറ്റവും ശ്രദ്ധേയമായ കാര്യം എന്തെന്നാൽ ഇതിലൂടെ ലഭ്യമാവുന്ന എക്സ്ചേഞ്ച് ഓഫർ ശരിക്കും പലരും ഉപയോഗപ്പെടുത്തില്ല എന്നതാണ്. നിങ്ങളുടെ കൈവശം പ്രവർത്തനനിരതമായ, മറ്റ് തകരാറുകൾ ഒന്നുമില്ലാത്ത ഒരു മെച്ചപ്പെട്ട ഫോൺ ഉണ്ടെങ്കിലും എക്സ്ചേഞ്ച് ഓഫർ പ്രയോജനപ്പെടുത്താൻ കഴിയുമെന്നതാണ് പ്രധാന കാര്യം. ഒരുപക്ഷേ ആകെ ഫോൺ വിലയുടെ വലിയൊരു ശതമാനം വരെ ലാഭം ഇതിൽ നിന്ന് ലഭിക്കുകയും ചെയ്യും.

ഐഫോൺ 16 പ്ലസ് ഓഫറുകൾ

കഴിഞ്ഞ വർഷം പുറത്തിറക്കിയ ഈ ഐഫോൺ മോഡലിൽ 6.7 ഇഞ്ച് സൂപ്പർ റെറ്റിന XDR OLED ഡിസ്‌പ്ലേയാണ് ഉള്ളത്. ഇത് എ18 ചിപ്‌സെറ്റ് ഉപയോഗിച്ചാണ് പ്രവർത്തിക്കുന്നത്, കൂടാതെ 2796 x 1290 പിക്‌സൽ റെസല്യൂഷനും ഇതിനുണ്ട്. iOS 18 ഓപ്പറേറ്റിംഗ് സിസ്‌റ്റത്തിലാണ് പ്രവർത്തിക്കുന്നത്. ഫോട്ടോഗ്രാഫിക്കും വീഡിയോഗ്രാഫിക്കും വേണ്ടി, ഈ ഉപകരണത്തിൽ 48 എംപി പ്രധാന ക്യാമറയുണ്ട്. 12 എംപി അൾട്രാവൈഡ് ക്യാമറയും ഇതിലുണ്ട്. കൂടാതെ സെൽഫികൾക്കും വീഡിയോ കോളുകൾക്കുമായി 12 എംപി ക്യാമറയുണ്ട്.

English summary

iPhone 16 Plus Offers: Get This Phone From Reliance Digital With Rs 21,000 Discount.