ആപ്പിൾ വീണ്ടും ഞെട്ടിച്ചല്ലോ; ഐഫോൺ 16 പ്രോയ്ക്ക് വമ്പൻ വിലക്കുറവ്, 8870 രൂപയുടെ ലാഭം, അന്തിമ വില?
സ്വന്തം സ്മാർട്ട് ഫോൺ എത്ര നല്ലതാണെന്ന് പറഞ്ഞാലും ഐഫോൺ വേണമെന്ന് ആശിക്കാത്തവർ ചുരുക്കമായിരിക്കും. അതിന്റെ പ്രൗഢിയും ഫീച്ചറുകളും ഒന്ന് വേറെ തന്നെയാണ്. ഫ്ലാഗ്ഷിപ്പ് ഫോണുകളുടെ കാര്യത്തിൽ ആപ്പിളിനെ വെല്ലാൻ ആരുമുണ്ടാവില്ല. കാരണം ആപ്പിൾ ഇറക്കുന്ന ഏത് മോഡലാണെങ്കിലും അത് ഫ്ലാഗ്ഷിപ്പ് തന്നെയായിരിക്കും. അത്തരത്തിൽ ഒട്ടുമിക്ക ഫോണുകളും അവർ രംഗത്ത് ഇറക്കുന്നത് ഫ്ലാഗ്ഷിപ്പ് എന്ന നിലയിലാണ്.
ആപ്പിളിനെ സംബന്ധിച്ച് ഇന്ത്യൻ വിപണി ഇപ്പോൾ നിർണായക ഘടകമാണ്. അതുകൊണ്ട് തന്നെ അവർ വിൽപ്പനയിൽ കൂടുതൽ ലക്ഷ്യമിടുന്നതും ഇന്ത്യൻ മാർക്കറ്റ് തന്നെയാണ്. വിവിധ ഫോണുകളുടെ കഴിഞ്ഞ കാലത്തെ പ്രകടനങ്ങൾ എടുത്തു നോക്കിയാൽ ആപ്പിളിന്റെ അപ്രമാദിത്വം വിപണിയിൽ കൃത്യമായും പ്രകടമാവും. മുൻകാല മോഡലുകൾ എന്നോ പുതിയത് എന്നോ വ്യത്യാസമില്ലാതെ എല്ലാ ഫോണുകളും മികച്ച പ്രകടനമാണ് കാഴ്ച വയ്ക്കുന്നത്.
ഐഫോൺ സീരീസിലെ ഏറ്റവും ഇളയവനായ ഐഫോൺ 16 മുതൽ ഇങ്ങോട്ട് വിൽപ്പന വർധിപ്പിക്കാൻ വിവിധ പദ്ധതികളാണ് കമ്പനി ആസൂത്രണം ചെയ്യുന്നത്. അതിൽ ഏറ്റവും അവസാനത്തെ വഴിയാണ് ഡിസ്കൗണ്ട് ഓഫറുകൾ. ഞെട്ടിപ്പിക്കുന്ന വിലക്കുറവും ഓഫറുകളുമൊക്കെ ഐഫോണുകൾക്ക് വിവിധ കമ്പനികൾ ഇന്ത്യയിൽ നൽകി വരുന്നുണ്ട്. അതിൽ ഏറ്റവും പുതിയതാണ് ഐഫോൺ 16 പ്രോ മോഡലിന് നൽകിയിരിക്കുന്ന ഡിസ്കൗണ്ട്.
256 ജിബി മോഡലിന് ഐഫോൺ 16 പ്രോ 128 ജിബി മോഡലിന്റെ വിലയേക്കാൾ ഫലപ്രദമായി വില കുറയ്ക്കുന്ന ഓഫറാണിത്. ഇത് ഒരു സ്റ്റോറേജ് അപ്ഗ്രേഡ് നേടുന്നതിനുള്ള മികച്ച അവസരമാക്കി മാറുന്നു എന്നതാണ് മറ്റൊരു പ്രത്യേകത. എങ്ങനെ ഉപഭോക്താക്കൾക്ക് ഈ ഓഫർ പ്രയോജനപ്പെടുത്താമെന്ന് നമുക്ക് നോക്കാം.
ഐഫോൺ 16 പ്രോ: ഡിസ്കൗണ്ട് ഓഫറുകൾ ഇങ്ങനെ
നിലവിൽ 256 ജിബി ഐഫോൺ 16 പ്രോ ആമസോണിൽ 1,29,900 രൂപയ്ക്ക് ലിസ്റ്റ് ചെയ്തിട്ടുണ്ട്. ഇത് ഔദ്യോഗിക റീട്ടെയിൽ വിലയാണെങ്കിലും, നിരവധി ബാങ്ക് ഓഫറുകൾ ലഭ്യമാക്കുക വഴി ഈ ചിലവ് ഗണ്യമായി കുറയ്ക്കാൻ കഴിയും. ഈ വിലക്കുറവ് യഥാർത്ഥത്തിൽ നിങ്ങൾക്ക് ഏറ്റവും വേഗത്തിൽ പ്രയോജനപ്പെടുത്തുക എന്നതാണ് നിങ്ങൾ ചെയ്യേണ്ടത്.
എസ്ബിഐ, ഐസിഐസിഐ, കൊട്ടക് മഹീന്ദ്ര ബാങ്ക് എന്നിവയിൽ നിന്നുള്ള തിരഞ്ഞെടുത്ത ക്രെഡിറ്റ് കാർഡുകൾ ഉപയോഗിച്ചാൽ നിങ്ങൾക്ക് തൽക്ഷണം 4000 രൂപയുടെ കിഴിവ് ലഭിക്കും. ഇതോടെ ഫോണിന്റെ വില 1,26,000 രൂപയായി കുറയും. നിങ്ങൾ ആമസോൺ പേ കാർഡ് ഉപയോഗിച്ച് വാങ്ങുമ്പോൾ 2500 രൂപയുടെ അധിക കിഴിവും കിട്ടും.
കൂടാതെ ആമസോൺ പ്രൈം അംഗങ്ങൾക്ക്, ആമസോൺ പേ ഐസിഐസിഐ കാർഡും 5 ശതമാനം ക്യാഷ്ബാക്ക് വാഗ്ദാനം ചെയ്യുന്നുണ്ട്. ഈ ആനുകൂല്യങ്ങൾ ഒരുമിച്ച് ചേർക്കുമ്പോൾ ഐഫോൺ 16 പ്രോ 256 ജിബിയുടെ വില 1,21,030 രൂപയിൽ എത്തിക്കുന്നു. ഇത് 128 ജിബി മോഡലിന്റെ വിലയ്ക്ക് അടുത്തേ വരുന്നുള്ളൂ. അതിനാൽ തന്നെ ഐഫോൺ വേണ്ടവർക്ക് ഏറ്റവും അനുയോജ്യമായ ഓഫർ തന്നെയാണ് ഇതെന്ന കാര്യത്തിൽ സംശയമില്ല.
Click it and Unblock the Notifications
Sign in with Google