ആപ്പിളിന്റെ തന്ത്രങ്ങൾ വേറെ ലെവൽ; ഐഫോൺ 17യുടെ വില കുത്തനെ കുറയും, ലാഭം 14,000 രൂപയോ?

ആപ്പിളിന്റെ ഐഫോൺ സീരീസ് എപ്പോഴും സ്‌മാർട്ട്‌ഫോൺ ലോകത്തിലെ ഏറ്റവും വലിയ സംഭവങ്ങളിൽ ഒന്നാണ്. അടുത്തിടെ പുറത്തിറങ്ങിയ ഐഫോൺ 17 സീരീസ് അതിന് അത്യാധുനികമായ മാറ്റങ്ങൾ കൊണ്ടുവന്നിരിക്കയാണ്. ആപ്പിളിന്റെ "ആവേ-ഡ്രോപ്പിംഗ്" ഇവന്റിൽ അവതരിപ്പിക്കപ്പെട്ട ഈ സീരീസ്, പുതിയ ഡിസൈൻ, മെച്ചപ്പെട്ട ഡിസ്പ്ലേകൾ, ശക്തമായ പ്രോസസറുകൾ, ഉയർന്ന ബാറ്ററി ലൈഫ് എന്നിവയിലൂടെ ഉപയോക്താക്കളെ ആകർഷിക്കുന്ന ഒന്നാണ്.

ഐഫോൺ 17, ഐഫോൺ 17 എയർ, ഐഫോൺ 17 പ്രോ, ഐഫോൺ 17 പ്രോ മാക്‌സ് എന്നിങ്ങനെ നാല് മോഡലുകളടങ്ങിയ ഈ ലൈനപ്പ്, പ്രത്യേകിച്ച് അൾട്രാ-തിന്നായ ഐഫോൺ 17 എയർ മോഡലിനെ കുറിച്ചുള്ള പ്രതീക്ഷകൾ വർധിപ്പിക്കുന്നതാണ്. ഐഫോൺ 17 സീരീസ് ആപ്പിളിന്റെ ഇന്നോവേഷന്റെ പുതിയ അധ്യായമാണ് എന്ന് അവർ അവകാശപ്പെടുന്നു. മെലിഞ്ഞ ഡിസൈൻ, ആധുനിക ക്യാമറകൾ, ദീർഘകാല ബാറ്ററി എന്നിവയോടെ, ഇത് ഐഫോൺ 16-നെക്കാൾ ഗംഭീര അപ്ഗ്രേഡുമായാണ് വരുന്നത്.

ഐഫോൺ 17 സീരീസ് എ19 ബയോണിക് ചിപ്പോടെ വരുന്നു, ഇത് ഗ്രാഫിക്‌സ്, വീഡിയോ റെൻഡറിങ് എന്നിവയിൽ മെച്ചപ്പെടുത്തുന്നു. പ്രോ മോഡലുകൾ 6-കോർ ജിപിയു ലഭിക്കുമ്പോൾ, എയർ 5-കോർജിപിയു ഉണ്ടാകും. വൈഫൈ 7 സപ്പോർട്ട് എല്ലാ മോഡലുകളിലും ഉണ്ട്, ഇത് കണക്റ്റിവിറ്റി വേഗത്തിലാക്കുന്നു. ഐഫോൺ 17 ഇ എന്ന ബജറ്റ് മോഡൽ 2026-ൽ (മെയ് അല്ലെങ്കിൽ ഫെബ്രുവരി) പുറത്തിറങ്ങുമെന്നാണ് റൂമറുകൾ. ഡൈനാമിക് ഐലാൻഡും പുതിയ ഡിസൈനും അതിനൊപ്പം ഉണ്ടാവുമെന്നും കരുതുന്നു.

പറഞ്ഞുവന്നത് ആപ്പിളിന്റെ ഐഫോൺ 17 സീരീസിനെ കുറിച്ചാണ്. എല്ലാവർക്കും അറിയുന്നത് പോലെ ഇത് ഈ സെഗ്മെന്റിലെ കമ്പനിയുടെ ഏറ്റവും മികച്ച ഫോണുകളിൽ ഒന്നാണ്. എന്തെന്നാൽ പഴയ ഐഫോൺ മോഡലുകളിൽ നിന്ന് ഏറെ വ്യത്യസ്‌തമായി അവർ ഇതിൽ ഒരുപാട് മാറ്റങ്ങൾ കൊണ്ട് വന്നിട്ടുണ്ട്. അതിന്റെ പ്രധാന കാരണമായി വിലയിരുത്തുന്നത് ഉപയോക്താക്കളോടുള്ള അവരോട് സമീപനമാണ്.

തങ്ങളുടെ ഉപയോക്താക്കൾക്ക് ഏറ്റവും മികച്ച ഉത്പന്നം തന്നെ ലഭിക്കണം എന്ന ആഗ്രഹത്താലാണ് കമ്പനി ഇത്തരത്തിൽ മാറ്റങ്ങൾ കൊണ്ട് വരുന്നത്. ഇപ്പോൾ നിങ്ങൾ ആ മോഡൽ വാങ്ങണമെന്ന് ആഗ്രഹിക്കുന്ന ആളാണെങ്കിൽ നല്ലൊരു ഓഫർ വന്നിട്ടുണ്ട്, അടിസ്ഥാന വേരിയന്റ് ആയ ആപ്പിൾ ഐഫോൺ 17 മോഡലിന് ആണ് ഈ ഓഫർ ലഭ്യമാവുക. ഓഫ്‌ലൈൻ ആയാണ് ഈ ഓഫർ ലഭിക്കുക. ഈ ഓഫറിന്റെ വിശേഷങ്ങൾ അറിയാം.

ഐഫോൺ 17 ഓഫറുകൾ

ഐഫോൺ 17ന്റെ 256ജിബി വേരിയന്റ് 82,900 പ്രാരംഭ വിലയിലാണ് പുറത്തിറക്കിയത്, ഇത് നിലവിൽ ഈ മോഡലിന്റെ അടിസ്ഥാന പതിപ്പാണ്. ഡൽഹി, നോയിഡ, ബെംഗളൂരു, പഞ്ചാബ്, ഹിമാചൽ പ്രദേശ് എന്നിവിടങ്ങളിലെ ഇൻവെന്റ് ഓഫ്‌ലൈൻ സ്‌റ്റോറുകളിൽ നടന്നുവരുന്ന പുതുവർഷ വിൽപനയുടെ ഭാഗമായി, ഉപഭോക്താക്കൾക്ക് ആദ്യം തന്നെ 4,000 ഫ്ലാറ്റ് തത്സമയ ക്യാഷ്ബാക്ക് ലഭിക്കും. ഇത് ഫോണിന്റെ വില 78,900 രൂപയായി കുറയ്ക്കുന്നു.

ഈ ഫ്ലാറ്റ് ഡിസ്‌കൗണ്ടിന് പുറമെ, മറ്റ് ആകർഷകമായ ഓഫറുകളും ലഭ്യമാണ്. യോഗ്യതയുള്ള ബാങ്ക് ക്രെഡിറ്റ് അല്ലെങ്കിൽ ഡെബിറ്റ് കാർഡുകൾ ഉപയോഗിക്കുന്നതിലൂടെ ഉപഭോക്താക്കൾക്ക് 4,000 അധിക കിഴിവ് കൂടി നേടാനാകും. പേയ്‌മെന്റ് നടക്കുന്ന സമയത്ത് ഈ ഓഫർ പ്രയോജനപ്പെടുത്താനാകും, ഇത് ഫോണിന്റെ ഫലത്തിലുള്ള വില ഗണ്യമായി കുറയ്ക്കാൻ സഹായിക്കുന്നു.

എന്നാൽ, ഈ ഡീലുകളിലെ ഏറ്റവും വലിയ നേട്ടം എക്‌സ്‌ചേഞ്ച് ബോണസിലൂടെയാണ് ലഭിക്കുന്നത്. പഴയ സ്‌മാർട്ട്‌ഫോണുകൾ മാറ്റി പുതിയ ഐഫോൺ 17 വാങ്ങുന്നവർക്ക് 6000 വരെയുള്ള എക്‌സ്‌ചേഞ്ച് ബോണസ് സ്വന്തമാക്കാം. ഇത് പഴയ ഉപകരണത്തിന് ലഭിക്കുന്ന സാധാരണ എക്‌സ്‌ചേഞ്ച് മൂല്യത്തിന് പുറമെ അധികമായി ലഭിക്കുന്ന തുകയാണെന്ന് അറിയണം.

English summary

iPhone 17 Discounts: Get This Flagship Model With Rs 14000 Price Cut On This Platform.