ആപ്പിൾ ഐഫോൺ 17 പ്രോ മാക്‌സ് ഒരു അഡാർ ഐറ്റം തന്നെ; ഒറ്റയടിക്ക് 53000 രൂപ ലാഭിക്കാം! വില എത്ര?

ഐഫോൺ 17 പ്രോ മാക്‌സിലൂടെ ആപ്പിൾ ഇന്ത്യൻ വിപണിയിൽ ഒരു പുതിയ വിൽപ്പന റെക്കോർഡ് സ്ഥാപിക്കുകയാണ്. പ്രധാന നഗരങ്ങളിലും ചെറുപട്ടണങ്ങളിലും ഈ പ്രീമിയം മോഡലിന് മികച്ച ഡിമാൻഡാണ്. പ്രാദേശിക നിർമ്മാണം, ഇന്ത്യൻ സ്‌മാർട്ട്‌ഫോൺ വിപണിയിൽ ആപ്പിളിന്റെ സ്ഥാനം ശക്തിപ്പെടുത്തുന്നതിൽ നിർണായക പങ്കുവഹിക്കുന്നു.

ഈ മിന്നുന്ന വിജയത്തിനു പിന്നിൽ പ്രാദേശിക ഉത്പാദനത്തിന് നേരിട്ടുള്ള പങ്കുണ്ടെന്ന് വ്യവസായ നിരീക്ഷകർ പറയുന്നു. ഐഫോൺ 17 പ്രോ മാക്‌സ് ഇന്ത്യയിൽ അസംബിൾ ചെയ്യുന്നത് വിതരണ നിയന്ത്രണം മെച്ചപ്പെടുത്തുന്നു. ഇത് ഇറക്കുമതിയെ ആശ്രയിക്കുന്നത് കുറയ്ക്കുകയും, കസ്‌റ്റംസ് തടസങ്ങൾ, കറൻസിയിലെ ഏറ്റക്കുറച്ചിലുകൾ മൂലമുള്ള ചെലവ് വർധനവ് എന്നിവ ഒഴിവാക്കാൻ സഹായിക്കുകയും ചെയ്യും.

ഉത്പാദനം രാജ്യത്തിനകത്താകുമ്പോൾ ഇറക്കുമതി തീരുവ കുറയുന്നു. ഇത് വിലകൾക്ക് സ്ഥിരത നൽകാൻ സഹായിക്കുന്നു. ആഗോള ചെലവുകൾ വർധിക്കുമ്പോഴും പ്രീമിയം ഉപകരണങ്ങൾ ഉപഭോക്താക്കൾക്ക് കൂടുതൽ താങ്ങാനാവുന്നതാക്കാൻ ഇത് വഴിയൊരുക്കും. ആപ്പിളിൻ്റെ റെക്കോർഡ് വിൽപ്പന, ഉയർന്ന നിലവാരമുള്ള ഫോണുകൾക്കുള്ള ആവശ്യം വർധിക്കുന്നതിനെയാണ് സൂചിപ്പിക്കുന്നത്.

പ്രൊഫഷണലുകളും വിദ്യാർത്ഥികളും മികച്ച ഫീച്ചറുകളുള്ളതും ദീർഘകാലം നിലനിൽക്കുന്നതുമായ ഉപകരണങ്ങൾ തിരഞ്ഞെടുക്കുന്നു. ഐഫോൺ 17 പ്രോ മാക്‌സ് അവർക്കൊരു ദൈനംദിന ഉപകരണവും ദീർഘകാല നിക്ഷേപവുമാണ്. മെച്ചപ്പെട്ട ഇൻവെന്ററി നിയന്ത്രണമാണ് പ്രാദേശിക ഉത്പാദനത്തിന്റെ മറ്റൊരു ഗുണം. തിരക്കേറിയ വിൽപ്പന സമയത്ത് സ്‌റ്റോക്ക് ലഭ്യത വർധിച്ചു.

ഡിമാൻഡ് കൂടുന്നതിനും ഉത്സവ സീസണുകളോടും പെട്ടെന്നുള്ള മാറ്റങ്ങളോടും വേഗത്തിൽ പ്രതികരിക്കാൻ കമ്പനികൾക്ക് ഇതുവഴി സാധിക്കുന്നു. ഇന്ത്യയിലെ ഉത്പാദനം സർവീസ് ശൃംഖലയെയും ശക്തിപ്പെടുത്തുന്നു. ഉപകരണങ്ങൾ പ്രാദേശികമായി നിർമ്മിക്കുമ്പോൾ, സ്പെയറുകൾ എളുപ്പത്തിൽ ലഭിക്കും. ഇത് അറ്റകുറ്റപ്പണി സമയം കുറയ്ക്കാൻ സഹായിക്കും. ഫോണിനെ ആശ്രയിക്കുന്നവർക്ക് ഇത് വളരെ പ്രധാനമാണ്.

പറഞ്ഞുവന്നത് ആപ്പിൾ ഐഫോൺ 17 പ്രോ മാക്‌സിന്റെ രാജ്യത്തെ വിൽപ്പനയെയും ഡിമാൻഡിനെയും കുറിച്ചാണ്. അത്രയധികം മെച്ചപ്പെട്ട ഫീച്ചറുകൾ ഉള്ള ഈ ഫോണിനെ ആരും വേണ്ടെന്ന് പറയില്ല. അതിന്റെ കൂടെ നല്ല ഡിസ്‌കൗണ്ട് കൂടി നൽകിയാലോ? പിന്നെ പറയേണ്ട കാര്യമില്ല. ഇപ്പോഴിതാ വിജയ് സെയിൽസ് അത്തരത്തിൽ ഐഫോൺ 17 പ്രോ മാക്‌സിന് നല്ല ഓഫറാണ് നൽകുന്നത്. അത് എന്തൊക്കെയെന്ന് നോക്കാം.

ഐഫോൺ 17 പ്രോ മാക്‌സ് ഓഫർ

1,34,900 പ്രാരംഭ വിലയുണ്ടായിരുന്ന ഐഫോൺ 17 പ്രോ മാക്‌സ് ഇപ്പോൾ 1,32,400-ന് വിപണിയിൽ വിറ്റഴിച്ചു കൊണ്ടിരിക്കുകയാണ്. എച്ച്എസ്ബിസി ബാങ്കിന്റെ 6,000 ഇഎംഐ കിഴിവ് ഇതിനോടൊപ്പം ലഭിക്കും. ഒരു ഐഫോൺ 15 എക്സ്ചേഞ്ച് ചെയ്യുമ്പോൾ 45,000 വരെ മൂല്യം നേടാൻ അവസരമുണ്ട്. ഇതോടെ മൊത്തം 53,000 വരെ ലാഭം സ്വന്തമാക്കാൻ സാധിക്കുമെന്നതാണ് മറ്റൊരു കാര്യം.

ഐഫോൺ 17 പ്രോ മോഡലിനും ഓഫറുകൾ ലഭ്യമാണ്. 2410 രൂപയുടെ നേരിട്ടുള്ള വിലക്കിഴിവിന് പുറമെ, എച്ച്എസ്ബിസി, എച്ച്ഡിഎഫ്‌സി, ഐസിഐസിഐ, ആക്‌സിസ് തുടങ്ങിയ ബാങ്കുകളുടെ അധിക ഓഫറുകളും ഈ മോഡലിന് ലഭ്യം. ഇതൊക്കെ ആവുമ്പോൾ ഈ റേഞ്ചിൽ നിങ്ങൾക്ക് ലഭിക്കാവുന്ന ഏറ്റവും നല്ല ഓഫർ തന്നെയാണ് കിട്ടുക.

English summary

iPhone 17 Pro Max Discounts: Get This Flagship Phone With Rs 53,000 Price Cut.