ഐഫോൺ എയർ കീശയിലാക്കിയാലോ? അതും ഇത്രയും വലിയ ഡിസ്‌കൗണ്ടിൽ, 22,910 രൂപ വരെ കുറയും..!

പലർക്കും ഒരു ഐഫോൺ സ്വന്തമാക്കണമെന്ന ആഗ്രഹമുണ്ടാവുമെങ്കിലും വില കാരണം വാങ്ങാൻ കഴിയാതിരുന്നവർ ഒട്ടേറെയുണ്ടാവും. അതിപ്പോൾ ഏത് മോഡലായാലും ആപ്പിളിന്റെ ഫോൺ ആണെങ്കിൽ ആൾക്കാർക്ക് അതിനോട് ആരാധന തോന്നുന്നത് സാധാരണ കാര്യമാണ്. ഇപ്പോഴിതാ വില ആലോചിച്ച് ഐഫോൺ എയർ വാങ്ങാതിരുന്നവർക്ക് മികച്ച അവസരമായേക്കുന്ന ഓഫർ വരികയാണ്.

വിജയ് സെയിൽസിൽ നിലവിൽ ഐഫോൺ എയർ വെറും 96,990രൂപയ്ക്ക് ലഭ്യമാണ്. ഫോണിന്റെ ലിസ്‌റ്റ് ചെയ്‌ത വില 1,19,900 രൂപയിൽ നിന്നുള്ള ഗണ്യമായ കുറവാണ് ഇത്. അതായത് ലിസ്‌റ്റ് ചെയ്‌ത വിലയിൽ നിന്ന് നേരിട്ട് 22,910 വരെ ലാഭിക്കാം. ഇതിനുപുറമെ യോഗ്യമായ ബാങ്ക് കാർഡ് ഉപയോഗിച്ചാൽ വില ഇനിയും കുറയ്ക്കാനാകും.

തിരഞ്ഞെടുത്ത ഐസിഐസിഐ ബാങ്ക്, എസ്ബിഐ കാർഡ്, ആക്‌സിസ് ബാങ്ക് ക്രെഡിറ്റ് കാർഡുകൾ ഉപയോഗിച്ച് കുറഞ്ഞ നിരക്കിലുള്ള ഇഎംഐ തിരഞ്ഞെടുക്കുമ്പോൾ 4000 വരെ ഇൻസ്‌റ്റന്റ് ഡിസ്‌കൗണ്ട് ലഭിക്കും. ഇതോടെ ഫോണിന്റെ ഫലപ്രദമായ വില 92,990 രൂപ ആയി കുറയും. സാധാരണ ഓഫർ വില 90,000-ന് മുകളിലാണെങ്കിലും, ലഭ്യമായ മറ്റ് ഓഫറുകൾ കൂടി ഉപയോഗിച്ചാൽ വില ഈ പരിധിക്ക് കൂടുതൽ അടുത്തെത്തിക്കാനാകും.

വിജയ് സെയിൽസിൽ എക്സ്ചേഞ്ച് ഓപ്ഷനും ലഭ്യമാണ്. നിലവിലുള്ള സ്‌മാർട്ട്ഫോൺ എക്സ്ചേഞ്ച് ചെയ്യുന്നതിലൂടെ ഐഫോൺ എയർ വാങ്ങുമ്പോൾ അധിക ഇളവ് നേടാം. എന്നാൽ എക്സ്ചേഞ്ചിലൂടെ ലഭിക്കുന്ന തുക ഓരോരുത്തർക്കും വെവ്വേറെ ആയിരിക്കും. കൈമാറുന്ന ഫോണിന്റെ മോഡൽ, അവസ്ഥ, മറ്റ് ഘടകങ്ങൾ എന്നിവയെ ആശ്രയിച്ചായിരിക്കും എക്സ്ചേഞ്ച് മൂല്യം നിശ്ചയിക്കുക. അതിനാൽ അന്തിമ വില ഉപഭോക്താവിനനുസരിച്ച് മാറാം.

ഐഫോൺ എയർ; ഫീച്ചറുകൾ

ഐഫോൺ എയറിന് കരുത്തേകുന്നത് ആപ്പിളിന്റെ എ19 പ്രോ ചിപ്പാണ്. 6-കോർ സിപിയു, 5-കോർ ജിപിയു, ന്യൂറൽ ആക്‌സസറീസ് എന്നിവയുള്ള ഈ ചിപ്പ് മൾട്ടിടാക്‌സിങ്, ഗെയിമിങ്, ആപ്പിൾ ഇന്റലിജൻസ് ഫീച്ചറുകൾ എന്നിവയ്ക്ക് മികച്ച പ്രകടനം നൽകുന്നു. ഈ ബജറ്റ് സ്‍മാർട്ട് ഫോണിൽ 6.5 ഇഞ്ച് Super Retina XDR OLED ഡിസ്പ്ലേയാണ് നൽകിയിരിക്കുന്നത്.

വെറും 5.6 മില്ലിമീറ്റർ കനം മാത്രമുള്ള ടൈറ്റാനിയം ബോഡിയാണ് ഈ ഫോണിന്റെ മറ്റൊരു പ്രധാന പ്രത്യേകത. ഫോണിന്റെ ഭാരം 165 ഗ്രാം മാത്രമാണ്. ക്യാമറ വിഭാഗത്തിൽ 48എംപി ഫ്യൂഷൻ പ്രധാന ക്യാമറയാണ് ലഭിക്കുന്നത്. 2x optical-quality telephoto സൗകര്യവും ഇതിലുണ്ട്. സെൽഫികൾക്കും വീഡിയോ കോളുകൾക്കുമായി 18MP Center Stage ഫ്രണ്ട് ക്യാമറ നൽകിയിട്ടുണ്ട്.

ബാറ്ററിയെക്കുറിച്ച് Apple പറയുന്നത് 27 മണിക്കൂർ വരെ വീഡിയോ പ്ലേബാക്ക് ലഭിക്കുമെന്നാണ്. അതിനാൽ വളരെ കനം കുറഞ്ഞ ഡിസൈൻ, 120Hz ഡിസ്പ്ലേ, A19 Pro ചിപ്പ്, മികച്ച ക്യാമറ സവിശേഷതകൾ എന്നിവ ഒരുമിച്ച് ലഭിക്കുന്ന ഐഫോൺ ആഗ്രഹിക്കുന്നവർക്ക് നിലവിലെ ഓഫർ പരിഗണിക്കാവുന്നതാണ്. പ്രത്യേകിച്ച് ഇത്രയും കുറഞ്ഞ നിരക്കിൽ കിട്ടുമെന്നതിനാൽ ഓഫർ വിട്ടുകളയരുത്.