ആപ്പിളിന്റെ അടിപൊളി മോഡൽ; ഐഫോൺ എയർ വാങ്ങാം 28,910 രൂപ ലാഭത്തോടെ! അന്തിമ വില എത്ര?

ഇന്ത്യയിലെ ആപ്പിളിന്റെ ഐഫോൺ വിൽപ്പനയിൽ ഇപ്പോൾ ടയർ-2 നഗരങ്ങൾക്ക് നിർണായക പങ്കുണ്ട്. ഈ നഗരങ്ങളിലെ ശക്തമായ സ്വാധീനം റെക്കോർഡ് വിൽപ്പന നേടുന്നതിനും ബ്രാൻഡിന്റെ ഇന്ത്യാ തന്ത്രം പുനർനിർമ്മിക്കുന്നതിനും സഹായിച്ചു. 2024 ഡിസംബർ പാദത്തിൽ മെട്രോ നഗരങ്ങൾക്ക് പുറത്തുള്ള വലിയ ഡിമാൻഡ് കാരണം ആപ്പിൾ ആദ്യമായി ഇന്ത്യയിലെ മികച്ച അഞ്ച് സ്‌മാർട്ട്ഫോൺ ബ്രാൻഡുകളിൽ ഒന്നായി മാറി എന്ന് വിപണി നിരീക്ഷകർ പറയുന്നു.

2024-ൽ ആപ്പിൾ 12 ദശലക്ഷം ഐഫോണുകൾ വിതരണം ചെയ്‌ത്‌ ഒരു പുതിയ റെക്കോർഡ് സ്ഥാപിച്ചു. ഇത് മുൻവർഷത്തെ അപേക്ഷിച്ച് 30 ശതമാനം അധിക വളർച്ചയാണ് കാണിക്കുന്നത്. ഈ വർഷവും അത് തുടരുമെന്നാണ് കരുതുന്നത്. ഐഡിസിയുടെ (ഐഡിസി) ഗവേഷണമനുസരിച്ച്, ഈ വിതരണങ്ങളിൽ പകുതിയോളം പുതിയ തലമുറ ഐഫോണുകളാണ്. ഇവയ്ക്ക് ഉത്സവകാലത്തോടനുബന്ധിച്ച് ആകർഷകമായ കിഴിവുകളും 24 മാസത്തെ നോ-കോസ്‌റ്റ് ഇഎംഐ സ്‌കീമുകളും ലഭിച്ചിരുന്നു.

മൈസൂർ, മംഗലാപുരം, ഭോപ്പാൽ, ഭുവനേശ്വർ, കോട്ട, ഗ്വാളിയോർ, ഡെറാഡൂൺ, കാൺപൂർ തുടങ്ങിയ ചെറുനഗരങ്ങളാണ് ആപ്പിളിന്റെ ഈ വളർച്ചയ്ക്ക് പിന്നിൽ. ഈ നഗരങ്ങൾ കൂടാതെ ബിഹാർ, ഝാർഖണ്ഡ്, പശ്ചിമ ബംഗാൾ, തമിഴ്‌നാട്, ഹരിയാന, കേരളം തുടങ്ങിയ സംസ്ഥാനങ്ങളും ഉത്സവകാലത്ത് മികച്ച വളർച്ച രേഖപ്പെടുത്തിയെന്നാണ് റിപ്പോർട്ട്.

ഇന്ത്യ ഒരു പ്രധാന ഐഫോൺ നിർമ്മാണ കേന്ദ്രമായി മാറുകയാണ്. ഇന്ത്യയിൽ നിർമ്മിക്കുന്ന ഐഫോണുകളിൽ ഏകദേശം 70 ശതമാനം കയറ്റുമതി ചെയ്യപ്പെടുന്നു എന്നാണ് വിവരം. സർക്കാരിന്റെ പ്രൊഡക്ഷൻ-ലിങ്ക്ഡ് ഇൻസെന്റീവ് സ്‌കീം ഇതിന് വലിയ പിന്തുണ നൽകുന്നുണ്ട്. പ്രാദേശിക ഉത്പാദനം വഴി ഡ്യൂട്ടി ഇളവുകൾ ഇന്ത്യൻ ഉപഭോക്താക്കൾക്ക് കൈമാറിക്കൊണ്ട് ചില പ്രോ മോഡലുകളുടെ വില കുറയ്ക്കാൻ ആപ്പിളിന് സാധിച്ചു.

കഴിഞ്ഞ സെപ്റ്റംബറിലാണ് അവരുടെ ഏറ്റവും പുതിയ മോഡലായ ആപ്പിൾ ഐഫോൺ 17 സീരീസ് ഇന്ത്യയിൽ ഉൾപ്പെടെ എല്ലായിടത്തും അവതരിപ്പിച്ചത്. ഇത്തവണ ഒട്ടേറെ മാറ്റങ്ങളുമായാണ് കമ്പനി വിപണിയിലേക്ക് വന്നത് എന്ന പ്രത്യേകത കൂടിയുണ്ട്. എന്തെന്നാൽ കഴിഞ്ഞ വർഷം വരെ ഉണ്ടായിരുന്ന നാല് മോഡലുകൾ എന്ന രീതി നിലനിർത്തിയെങ്കിലും അതിൽ പ്ലസ് മോഡൽ ഒഴിവാക്കി പകരം എയർ എന്ന മോഡലാണ് വന്നത്. അതിനിപ്പോൾ ഇപ്പോൾ മികച്ച ഓഫറാണ് നൽകി വരുന്നത്.

ഐഫോൺ എയർ ഓഫറുകൾ

ആപ്പിൾ ഐഫോൺ എയർ നിലവിൽ രാജ്യത്ത് ഏറ്റവും അധികം വിൽപ്പന നടക്കുന്ന ഫോണുകളിൽ ഒന്നാണ്. 1,19,900 രൂപ എന്ന വിലയ്ക്കാണ് ഇന്ത്യയിൽ ഈ മോഡൽ അവതരിപ്പിച്ചത്. എന്നാൽ, ഇപ്പോൾ ആമസോണിൽ ഇതിന് 94,990 ആണ് വില. ബാങ്ക് ഓഫറുകൾ വഴി 4,000 അധിക കിഴിവ് നേടുമ്പോൾ, ഫോണിന്റെ വില ഏകദേശം 90,900 ആയി കുറയും എന്നതാണ് മറ്റൊരു ആശ്വാസം.

മൊത്തത്തിൽ, ഉപയോക്താക്കൾക്ക് ഏകദേശം 28,910-ന്റെ പ്രയോജനം ഈ ഡീലിലൂടെ ലഭിക്കും. പഴയ ഫോൺ എക്സ്ചേഞ്ച് ചെയ്യുമ്പോൾ, അതിന്റെ അവസ്ഥയെ ആശ്രയിച്ച് വിലയിൽ കൂടുതൽ കുറവ് വരുത്താനും സാധിക്കും. നിലവിലെ സാഹചര്യത്തിൽ ഈ മുൻനിര മോഡലിന് ലഭിക്കാവുന്ന ഏറ്റവും മികച്ച ഓഫർ തന്നെയാണ് ഇത്.

English summary

iPhone Air Price Cut: Buy This Smartphone With Rs 28,910 Instant Discount On Amazon.