അംബാനി കി ജയ്..; ആരും തരാത്ത സൗജന്യ 5ജി ഗിഫ്റ്റ് വൗച്ചർ ജിയോ വക, ഒരു വർഷം മുഴുവൻ അതിവേഗ ഡാറ്റ?
ഇന്ത്യൻ ടെലികോം വിപണിയിൽ ഓരോ ദിവസവും മത്സരം കൂടുതൽ കടുപ്പമാവുകയാണ്. താനാണ് കേമൻ എന്ന് കാണിക്കാൻ എല്ലാ കമ്പനികളും ഒരുപോലെ മുന്നിട്ടിറങ്ങുന്നു. അതിന്റെ മുൻനിരയിൽ തന്നെയുള്ള കമ്പനിയാണ് റിലയൻസ് ജിയോ. രാജ്യത്തെ സ്വകാര്യ കമ്പനികളിൽ നിലവിൽ വരിക്കാരുടെ എണ്ണത്തിൽ അടക്കം മുന്നിൽ നിൽക്കുന്ന കമ്പനിയാണ് റിലയൻസ് ജിയോ. വിപണിയിൽ എത്തിയിട്ട് എട്ട് വർഷങ്ങൾ മാത്രമേ ആയിട്ടുള്ളൂ എങ്കിലും വലിയ വളർച്ചയാണ് കമ്പനി നേടിയെടുത്തത്.
അതിന്റെ സൂചനകൾ അവർ ഓഫറുകളിലും ചിലപ്പോഴൊക്കെ പ്രകടിപ്പിക്കാറുണ്ട്. മുൻനിരയിൽ തന്നെ നിൽക്കുന്ന കമ്പനിയാണെങ്കിലും ബിഎസ്എൻഎൽ കടുത്ത വെല്ലുവിളിയാണ് ജിയോക്ക് പലപ്പോഴും സൃഷ്ടിച്ചു കൊണ്ടിരിക്കുന്നത്. ഇതിനെ മറികടക്കാൻ ചെറിയ പ്ലാനുകളോ പദ്ധതികളോ ഒന്നും മതിയാവില്ലെന്ന് അവർക്ക് തന്നെ അറിയാം.
അതുകൊണ്ടാവണം ബിഎസ്എൻഎൽ തൊടാത്ത ഉയരത്തിൽ നിൽക്കുന്ന ഒരു ഓഫറുമായി കമ്പനി ഇപ്പോൾ കളം പിടിക്കാൻ ഒരുങ്ങുന്നത്. മറ്റൊന്നുമല്ല, അതിവേഗ ഡാറ്റ അഥവാ 5ജി സേവനവുമായാണ് കമ്പനി കളത്തിൽ ഇറങ്ങുന്നത്. ഇക്കാര്യത്തിൽ ബിഎസ്എൻഎൽ ഒരിക്കലും ജിയോക്ക് ഒപ്പമെത്തില്ലെന്ന് ഉത്തമ ബോധ്യവുമായാണ് കമ്പനി തങ്ങളുടെ പുതിയ ഓഫർ അവതരിപ്പിച്ചിരിക്കുന്നത്.
എന്താണ് ഈ പ്രത്യേകതകളുള്ള ഓഫർ എന്നല്ലേ നിങ്ങൾ ചിന്തിക്കുന്നത്? എന്നാൽ അധികം ആലോചിച്ച് തല പുണ്ണാക്കേണ്ട. ഒരു വർഷത്തോളം നീളുന്ന അതിവേഗ ഡാറ്റ സേവനങ്ങൾ, 5ജി നൽകുന്ന ഗിഫ്റ്റ് കാർഡുമായാണ് കമ്പനി രംഗത്ത് വന്നിരിക്കുന്നത്. നിലവിൽ ജിയോയുടെ ചില സാധുവായ റീചാർജ് പ്ലാനുകൾ നിലവിലുള്ള വരിക്കാർക്ക് മാത്രമാവും പക്ഷേ ഈ ഓഫറുകൾ ലഭ്യമാവുക.
റിലയൻസ് ജിയോ 601 രൂപ ഗിഫ്റ്റ് വൗച്ചർ
കൂടുതൽ ഡാറ്റ ആവശ്യമുള്ള ഉപയോക്താക്കൾക്കായാണ് റിലയൻസ് ജിയോ ഈ വർഷം നൂതന വാർഷിക അൺലിമിറ്റഡ് 5ജി ഗിഫ്റ്റ് വൗച്ചർ പുറത്തിറക്കിയിരിക്കുന്നത്. ഈ പുതിയ വൗച്ചറിന്റെ വില 601 രൂപയാണ്. ഈ വൗച്ചർ ഉപയോഗിച്ച് ഉപയോക്താക്കൾക്ക് ഒരു വർഷം മുഴുവൻ അൺലിമിറ്റഡ് 5ജി ഡാറ്റ സേവനം സുഗമമായി ആസ്വദിക്കാം.
601 രൂപയുടെ വൗച്ചറിൽ 12 വ്യക്തിഗത 5ജി അപ്ഗ്രേഡ് വൗച്ചറുകൾ ഉൾപ്പെടുന്നു. മൈ ജിയോ ആപ്പ് വഴി ഇവ റിഡീം ചെയ്യാം. എന്നിരുന്നാലും, ഈ വൗച്ചർ സജീവമാക്കുന്നതിന്, ഉപയോക്താക്കൾ പ്രതിമാസം 1.5 ജിബി എങ്കിലും 4ജി ഡാറ്റ വാഗ്ദാനം ചെയ്യുന്ന പ്രതിമാസ അല്ലെങ്കിൽ ത്രൈമാസ പ്ലാൻ നിലവിൽ ഉണ്ടായിരിക്കണം. യോഗ്യമായ റീചാർജ് പ്ലാനുകളിൽ 199 രൂപ, 239 രൂപ, 299 രൂപ, 319 രൂപ, 329 രൂപ, 579 രൂപ, 666 രൂപ, 769 രൂപ, 899 രൂപ എന്നിവയാണ് ഉൾപ്പെടുന്നത്.
ഒരിക്കൽ നിങ്ങൾ ഈ വൗച്ചർ സജീവമാക്കിയാൽ, നിങ്ങൾക്ക് 3 ജിബി പ്രതിദിന 4ജി ഡാറ്റ പരിധിയും കൂടാതെ അൺലിമിറ്റഡ് 5ജി ഉപയോഗവും ലഭിക്കും. വൗച്ചറിന്റെ സാധുത ഉപയോക്താവിന്റെ അടിസ്ഥാന റീചാർജ് പ്ലാനിനെ പ്രതിഫലിപ്പിക്കുന്നു, ഓരോ ആക്റ്റിവേഷനും പരമാവധി 30 ദിവസമാണ് ലഭ്യമാവുക.
ജിയോ ഉപയോക്താക്കൾക്ക് മൈ ജിയോ ആപ്പ് വഴി വൗച്ചർ വാങ്ങുകയോ മറ്റുള്ളവർക്ക് സമ്മാനിക്കുകയോ ചെയ്യാം.
അതേസമയം, പുതിയ 601 രൂപ പ്ലാനിന് പുറമേ, ജിയോ 51 രൂപ, 101 രൂപ, 151 രൂപ വിലയുള്ള ഹ്രസ്വകാല 5ജി വൗച്ചറുകൾ കൂടി വാഗ്ദാനം ചെയ്യുന്നുണ്ട്. ഈ പ്ലാനുകൾ യഥാക്രമം ഒന്ന്, രണ്ട്, മൂന്ന് മാസത്തേക്ക് അൺലിമിറ്റഡ് 5ജി ഡാറ്റ നൽകുന്നവയാണ്. കൂടാതെ നിലവിലുള്ള പ്ലാനുകളിലേക്ക് ഇവ ചേർക്കാനും കഴിയും.
Click it and Unblock the Notifications
Sign in with Google