മൈക്രോസോഫ്റ്റ് തകരാറിൽ; ലോകമെമ്പാടും കമ്പ്യൂട്ടർ സേവനങ്ങൾ തടസപ്പെട്ടു, വലഞ്ഞ് ഉപയോക്താക്കൾ
ന്യൂഡൽഹി: മൈക്രോസോഫ്റ്റിലെ സാങ്കേതിക തകരാർ മൂലം ആഗോള തലത്തില് ലക്ഷക്കണക്കിന് വിന്ഡോസ് കമ്പ്യൂട്ടറുകളുടെ പ്രവര്ത്തനം തടസപ്പെട്ടു. അടുത്തിടെ ഇന്സ്റ്റാള് ചെയ്യപ്പെട്ട ക്രൗഡ് സ്ട്രൈക്ക് അപ്ഡേറ്റാണ് ഇതിന് കാരണമെന്നാണ് വിലയിരുത്തൽ. ലോകമെമ്പാടും ബാങ്കുകളിലെയും വിമാനത്താവളങ്ങളിലെയും വരെ പ്രവർത്തനം അവതാളത്തിലായ നിലയിലാണ്.
സ്വിച്ച് ഓൺ ചെയ്തതിന് ശേഷം ഉപയോക്താക്കൾക്ക് അവരുടെ ഉപകരണങ്ങൾ തകരാറിലായതിനാൽ അവരുടെ സിസ്റ്റങ്ങളിലേക്ക് ലോഗിൻ ചെയ്യാൻ കഴിയാത്ത സ്ഥിതിയാണ് ഇപ്പോഴുള്ളത്. ബ്ലൂ സ്ക്രീൻ ഓഫ് ഡെത്ത് എന്ന് പറയപ്പെടുന്ന ഈ പിഴവ് കാരണം ലോകമെമ്പാടുമുള്ള ലക്ഷ കണക്കിന് ഉപയോക്താക്കളാണ് ബുദ്ധിമുട്ടിലായിരിക്കുന്നത്.
നിരവധി കമ്പനികളെയും ബാങ്കുകളെയും സർക്കാർ ഓഫീസുകളെയും ഈ പ്രശ്നം സാരമായി ബാധിച്ചുവെന്നാണ് അറിയാൻ കഴിഞ്ഞത്. മിക്ക ഇന്ത്യൻ എയർലൈനുകളും എക്സിലൂടെ ഇക്കാര്യം സ്ഥിരീകരിച്ചിട്ടുണ്ട്. പ്രതിസന്ധി മറികടക്കാൻ ആവശ്യമായ നടപടികൾ സ്വീകരിച്ചതായി മൈക്രസോഫ്റ്റ് എക്സ് പോസ്റ്റിലൂടെ അറിയിച്ചു.
ഇന്ത്യ, ഓസ്ട്രേലിയ, ജർമ്മനി തുടങ്ങി വിവിധ രാജ്യങ്ങളിലെ ഐടി സംവിധാനങ്ങളെ തകരാർ വലിയ രീതിയിൽ ബാധിച്ചിട്ടുണ്ടെന്നാണ് റിപ്പോർട്ടുകൾ വ്യക്തമാക്കുന്നത്. കൂടാതെ ബാങ്കുകൾ ടെലികോം സംവിധാനങ്ങൾ, മാധ്യമ സ്ഥാപനങ്ങൾ എന്നിവയ്ക്കും ഈ തകരാർ വലിയ ബുദ്ധിമുട്ട് ഉണ്ടാക്കി. ചില രാജ്യങ്ങളിലെ അടിയന്തര സേവനങ്ങൾ ഉൾപ്പെടെ തടസപ്പെട്ടു എന്നാണ് സൂചന.
ആഗോള തലത്തിൽ പ്രമുഖ കമ്പനികൾക്ക് സൈബര് സുരക്ഷാ സേവനങ്ങൾ നൽകുന്ന കമ്പനിയാണ് ക്രൗഡ് സ്ട്രൈക്ക്. വിവിധ സ്ഥാപനങ്ങൾ ഇവരുടെ സുരക്ഷാ സംവിധാനങ്ങളാണ് ഉപയോഗിക്കുന്നത്. സെക്യൂരിറ്റി ഡാറ്റ ശേഖരിക്കുന്നതിനായി ഉപയോഗിക്കുന്ന ക്രൗഡ് സ്ട്രൈക്കിന്റെ ഫാല്ക്കണ് സെന്സറിന്റെ അപ്ഡേറ്റുമായി ബന്ധപ്പെട്ടാണ് ഈ പ്രശ്നം ഉണ്ടായതെന്ന് കണ്ടെത്തിയിട്ടുണ്ട്.
പിസികളും മറ്റ് സിസ്റ്റങ്ങളും അപ്രതീക്ഷിതമായി ഷട്ട് ഡൗൺ ആവുകയും പിന്നീട് നീല സ്ക്രീൻ തെളിയുകയുമാണ് ചെയ്യുന്നത്. കൂടാതെ വിഷയത്തിൽ അന്വേഷണം ആരംഭിച്ചതായും കമ്പനി എക്സിലൂടെ അറിയിച്ചിട്ടുണ്ട്. കൂടാതെ ബാധിക്കപ്പെട്ട സിസ്റ്റങ്ങൾക്ക് അത് മറികടക്കാനുള്ള താൽക്കാലിക നടപടിയും കമ്പനി അറിയിച്ചിട്ടുണ്ട്.
വിന്ഡോസ് കമ്പ്യൂട്ടറുകളെ സേഫ് മേഡിലേക്കോ വിന്ഡോസ് റിക്കവറി എന്വയണ്മെന്റിലേക്കോ ബൂട്ട് ചെയ്യുക. ശേഷം C:\Windows\System32\drivers\CrowdStrike എന്ന ഓപ്ഷൻ തിരഞ്ഞെടുക്കുക. അതിൽ C-00000291*.ssy എന്ന ഫയല് കണ്ടെത്തി ഡിലീറ്റ് ചെയ്യുക. സാധാരണ രീതിയില് ബൂട്ട് ചെയ്യുക.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google