പേടിഎമ്മില് യുപിഐ സര്വീസ് നടത്താം, ആര്ബിഐ നിയന്ത്രണം കൂളായി മാറും; ഈ പ്രഖ്യാപനം ഉടനെത്തും
ന്യൂഡല്ഹി: റിസര്വ് ബാങ്കിന്റെ നിയന്ത്രണങ്ങളെ മറികടക്കാന് വന് നീക്കവുമായി പേടിഎം. തേര്ഡ് പാര്ട്ടി പേമെന്റ് ആപ്പായി പ്രവര്ത്തിക്കാനാണ് പേടിഎം തീരുമാനം. പേടിഎം ബ്രാന്ഡിന്റെ ഉടമകളായ വണ് 97 കമ്മ്യൂണിക്കേഷന്സ് ഇങ്ങനൊരു തീരുമാനമെടുത്തുവെന്നാണ് റിപ്പോര്ട്ട്. ഔദ്യോഗിക സ്ഥിരീകരണം വന്നിട്ടില്ല.
പേടിഎമ്മിന്റെ യുപിഐ സേവനങ്ങളെ പിടിച്ച് നിര്ത്താനുള്ള ശ്രമങ്ങളാണ് കമ്പനി ചെയ്യുന്നത്. യൂസര്മാര്ക്ക് ഫെബ്രുവരി 29ന് ശേഷവും ആപ്പ് തടസ്സമില്ലാതെ പ്രവര്ത്തിക്കുന്നുവെന്ന് ഉറപ്പാക്കാനാണ് പേടിഎം നീക്കം. പേടിഎമ്മിന്റെ ഏറ്റവും വലിയ ബ്രാന്ഡാണ് അവരുടെ യുപിഐ. അത് നഷ്ടപ്പെട്ടാല് അവരുടെ യൂസര് ബേസ് തന്നെ നഷ്ടപ്പെടും.
യൂസര്മാരെ ഇല്ലാതായാല് വൈകാതെ തന്നെ പേടിഎം അടച്ചുപൂട്ടേണ്ടി വരും. ഇതൊഴിവാക്കാനാണ് ഇപ്പോള് ശ്രമം. പേടിഎം അധികൃതര് നാഷണല് പേമെന്റ് കോര്പ്പറേഷനെ സമീപിച്ചിട്ടുണ്ട്. എന്പിസിഐയാണ് യുപിഐയുടെ ഇന്ത്യയിലെ പ്രവര്ത്തനങ്ങള് തീരുമാനിക്കുന്നത്.
തേര്ഡ് പാര്ട്ടി ആപ്പ് പേമെന്റിന്റെ വിശദ വിവരങ്ങള് പേമെന്റ് കോര്പ്പറേഷനെ അറിയിക്കാനാണ് പേടിഎം തീരുമാനിച്ചിരിക്കുന്നതെന്ന് ഇക്കണോമിക് ടൈംസ് റിപ്പോര്ട്ട് ചെയ്തു. ഫെബ്രുവരി 29 കഴിഞ്ഞാല് പേടിഎമ്മിന് പുതിയ ഡെപ്പോസിറ്റുകള് സ്വീകരിക്കാനാവില്ല. ഇത് ആര്ബിഐ നിര്ദേശമാണ്. പേടിഎം ബാങ്കിന്റെ ഭാഗമായ പേടിഎം വാലറ്റ് അടക്കം ഈ തിരിച്ചടി നേരിടുന്നുണ്ട്.
അതേസമയം ഫാസ്ടാഗ് പോലുള്ള സര്വീസുകള് പേടിഎം നല്കുന്നുണ്ട്. വാലറ്റ്, ഫാസ്ടാഗ് എന്നിവയെല്ലാം മറ്റൊരു ബാങ്കിലേക്ക് മാറ്റാനാണ് നിര്ദേശം. ഇതിനായി തേര്ഡ് പാര്ട്ടി ബാങ്കുകളുമായി പേടിഎം ചര്ച്ച നടത്തുന്നുണ്ട്. അതുവഴി ഇടപാടില് പങ്കാളിയാവാനും പേടിഎമ്മിന് സാധിക്കും. എന്നാല് ആര്ബിഐ നിര്ദേശങ്ങള് ലംഘിക്കുകയുമില്ല.
കാരണം മറ്റൊരു ബാങ്കാണ് ഇവിടെ നിക്ഷേപങ്ങള് എല്ലാം വാങ്ങുന്നത്. അതില് ഇടപാടുകള്ക്ക് നേതൃത്വം നല്കുന്നു എന്ന കാര്യം മാത്രമാണ് പേടിഎമ്മിനുള്ളത്. പേടിഎം ആപ്പിലെ യുപിഐ സേവനങ്ങള് പിപിബില് ആണ് അവരുടെ പിഎസ്പി ബാങ്കായി ഉപയോഗപ്പെടുത്തുന്നത്.
ഫെബ്രുവരി 29 കഴിഞ്ഞ് പിപിബിഎല് അവരുടെ ബാങ്കിംഗ് പ്രവര്ത്തനങ്ങള് നിര്ത്തിയാല്, പിഎസ്പി ആയോ സെറ്റില്മെന്റ് ബാങ്ക് ആയോ ആപ്പില് ഇനി പ്രവര്ത്തിക്കില്ല. ഇതുവഴി യുപിഐ ഇടപാടുകളൊന്നും നടക്കില്ല.യൂസര്മാര്ക്ക് യാതൊരു ഇടപാടും അതോടെ പേടിഎമ്മില് ലഭിക്കാതാവും.
ചുരുക്കി പറഞ്ഞാല് പേടിഎമ്മിന്റെ കഥ കഴിഞ്ഞുവെന്ന് പറയേണ്ടി വരും. നിലവില് യുപിഐ പേമെന്റുകള് നടത്താന് സാദിക്കുന്നുണ്ട്. നിലവില് യുപിഐ പേമെന്റ് നടത്തുന്നവര്ക്ക് വിര്ച്വല് പേമെന്റ് അഡ്രസ്സുകള് ഉണ്ടാവും. ഇതിന്റെ അവസാനം പേടിഎം എന്നുണ്ടാവും. എന്നാല് മാര്ച്ച് ഒന്ന് മുതല് വിപിഎയില് പേടിഎം ഉണ്ടാവില്ല.
പകരം മറ്റ് ബാങ്കുകളുടെ പേരാണ് ഉണ്ടാവുക. വിപിഎ അഡ്രസ് ആ ബാങ്കിലേക്ക് മാറ്റിയാലാണ് ഇങ്ങനെയുണ്ടാവുക. പുതിയ വിപിഎകള്ക്കായി മൂന്നിലധികം ബാങ്കുകളെ പേടിഎം ബന്ധപ്പെട്ടിട്ടുണ്ട്. എച്ച്ഡിഎഫ്സി ബാങ്ക്, ആക്സിസ് ബാങ്ക്, യെസ് ബാങ്ക് എന്നിവരാണ് യുപിഐ സേവനം ലഭിക്കാനായി മുന്നിലുള്ളത്.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്'
Click it and Unblock the Notifications
Sign in with Google