കുറഞ്ഞ വിലയിൽ 5ജി ഫോൺ വേണോ..? പോകോ മുതൽ റെഡ്മി വരെ, 10,000 രൂപയിൽ താഴെ മാത്രം...
സ്മാർട്ട് ഫോൺ കമ്പനികൾ വിപണിയിലെ മത്സരം മറികടക്കാൻ പലവിധ വഴികൾ തേടുകയാണ്. അതിന് എല്ലാവരും വിലയിൽ തന്നെയാണ് കാര്യമായി പിടിമുറുക്കുന്നത്. അത്രത്തോളം വില കുറയ്ക്കാൻ കഴിയുമോ അത്രത്തോളം കുറയ്ക്കാനാണ് എല്ലാവരും ലക്ഷ്യമിടുന്നത്. എങ്കിലും ഫീച്ചറുകൾ ഒട്ടും വിട്ടുവീഴ്ച ചെയ്യാനും കമ്പനികൾ തയ്യാറല്ല. ഇതോടെ കടുത്ത മത്സരമാണ് ഈ സെഗ്മെന്റ് നേരിടുന്നത്.
നിങളുടെ വീട്ടിലെ ആവശ്യത്തിന് അധികം മോശമല്ലാത്ത, എന്നാൽ ഒരുപാട് സവിശേഷതകൾ ഒന്നും വേണ്ടത് എൻട്രി ലെവൽ സ്മാർട്ട് ഫോണുകൾ തേടുന്നുവെങ്കിൽ ആ തീരുമാനം ഉപേക്ഷിക്കുന്നതാവും നല്ലത്. കാരണം കുറഞ്ഞ വിലയിൽ ഒരു ആഡംബര, പ്രീമിയം ഫോണിൽ ആവശ്യമുള്ള എല്ലാ ഫീച്ചറുകളും അടങ്ങിയ ഫോണുകൾ ഇപ്പോൾ വിപണിയിലുണ്ട്. ഏതൊക്കെയാണ് അവയെന്ന് നോക്കാം.
പോകോ എം6 പ്രോ 5ജി:
6.79 ഇഞ്ച് FHD+ ഡിസ്പ്ലേയാണ് ഫോണിൽ ഉള്ളത്. ഈ സ്മാർട്ട്ഫോണിന് ഗൊറില്ല ഗ്ലാസ് 3 പരിരക്ഷയുണ്ട്. ക്വാൽകോം സ്നാപ്ഡ്രാഗൺ 4 Gen 2 SoC ആണ് ഇതിൽ നൽകിയിരിക്കുന്നത്. 2 പ്രധാന ഒഎസ് അപ്ഡേറ്റുകൾക്കും 3 വർഷത്തെ സുരക്ഷാ അപ്ഡേറ്റുകൾക്കുമുള്ള അവസരത്തോടെയാണ് ഫോൺ വരുന്നത്.
50 മെഗാപിക്സൽ എഐ സെൻസറും 2 മെഗാപിക്സൽ ഡെപ്ത് സെൻസറും അടങ്ങുന്ന പിൻവശത്ത് ഇരട്ട ക്യാമറ സജ്ജീകരണത്തോടെയാണ് പോകോ എം6 പ്രോ 5ജിവരുന്നത്. മുൻവശത്ത്, 8-മെഗാപിക്സൽ ക്യാമറയുണ്ട്, ഡിസ്പ്ലേയുടെ മുകളിലെ മധ്യഭാഗത്തുള്ള ഒരു ഹോൾ പഞ്ച് കട്ട്-ഔട്ടിനുള്ളിൽ സെൽഫികൾക്കും വീഡിയോ കോളുകൾക്കും ഈ ക്യാമറ നൽകിയിരിക്കുന്നു.
റെഡ്മി 13സി:
ഈ ഫോണിൽ 6.74 ഇഞ്ച് HD+ ഡിസ്പ്ലേയാണുള്ളത്. MP2 GPU-G57-മായി ജോടിയാക്കിയ ഒക്ടാ-കോർ മീഡിയടെക് ഹീലിയോ G85 ചിപ്സെറ്റാണ് സ്മാർട്ട്ഫോണിന് കരുത്ത് പകരുന്നത്. ഗ്രാഫിക്സ് ആവശ്യകതകൾ കൈകാര്യം ചെയ്യാൻ. ബജറ്റ് സ്മാർട്ട്ഫോണിന് 8 ജിബി വരെ റാമും 8 ജിബി വെർച്വൽ റാമും 256 ജിബി വരെ യുഎഫ്എസ് 2.2 സ്റ്റോറേജും ഉണ്ട്. ഇത് മൈക്രോ എസ്ഡി കാർഡ് സ്ലോട്ട് വഴി 1 ടിബി വരെ വികസിപ്പിക്കാവുന്നതുമാണ്.
റിയൽമി സി53:
6.74-ഇഞ്ച് 90Hz ഡിസ്പ്ലേയുമായാണ് റിയൽമി സി53 വരുന്നത്. ഒക്റ്റാ-കോർ ചിപ്സെറ്റാണ് ഹാൻഡ്സെറ്റിന്റെ കരുത്ത്. റിയൽമി സ്മാർട്ട്ഫോണിന് പിന്നിൽ ട്രിപ്പിൾ ക്യാമറ സംവിധാനമുണ്ട്. 1080P/30fps, 720P/30fps, 480P/30fps വരെയുള്ള വീഡിയോ റെക്കോർഡിംഗ് പിന്തുണയുള്ള 108എംപി അൾട്രാ ക്ലിയർ ക്യാമറയാണ് ഇതിൽ സജ്ജീകരിച്ചിരിക്കുന്നത്.
ലാവ ബ്ലേസ് 5ജി:
ലാവ ബ്ലേസ് 5ജിയിൽ 6.5 ഇഞ്ച് HD+ IPS ഡിസ്പ്ലേ ലഭിക്കുന്നു. മാത്രമല്ല, ഈ ഡിസ്പ്ലേ ഒരു ഫ്ലാറ്റ് എഡ്ജ് ഡിസൈനാണ്, കൂടാതെ വാട്ടർ ഡ്രോപ്പ്-നോച്ചുമായി വരുന്നു എന്നതും പ്രത്യേകം ശ്രദ്ധിക്കേണ്ടതാണ്. ഈ ഹാൻഡ്സെറ്റിന് MediaTek Dimensity 700 SoC ചിപ്സെറ്റാണ് കരുത്ത് പകരുന്നത്.
സാംസങ് ഗ്യാലക്സി എം13:
6.6 ഇഞ്ച് FHD+ LCD ഇൻഫിനിറ്റി O ഡിസ്പ്ലേയാണ് ഈ ഫോണിലുള്ളത്. ഒക്ടാ കോർ പ്രോസസർ നൽകുന്ന ഹാൻഡ്സെറ്റ് ആൻഡ്രോയിഡ് 12 ഓപ്പറേറ്റിംഗ് സിസ്റ്റത്തെ അടിസ്ഥാനമാക്കിയുള്ള വൺ യുഐയിലാണ് പ്രവർത്തിക്കുന്നത്. മുൻവശത്ത് 8 എംപി ക്യാമറയാണ് ഫോൺ വാഗ്ദാനം ചെയ്യുന്നത്. പിന്നിൽ 50എംപി ട്രിപ്പിൾ ക്യാമറ സംവിധാനമുണ്ട്.
Click it and Unblock the Notifications
Sign in with Google