ഈ പോക്കോ ഫോൺ അങ്ങനെ പോവാൻ വന്നതല്ല; ഫീച്ചറുകളുടെ അയ്യരുകളി, എന്നാൽ വില ഇത്രയും കുറവോ?
സ്മാർട്ട്ഫോൺ ഉപയോഗിക്കാത്തവരും, അതിനൊപ്പം സമയം ചെലവഴിക്കാത്തവരും ഇക്കാലത്ത് വളരെ കുറവാണ്. അത്തരക്കാരെ സംബന്ധിച്ചിടത്തോളം ഏറ്റവും ആശ്വാസമാണ് ചെറിയ വിലയുള്ള ബജറ്റ് ഫോണുകൾ. കുറഞ്ഞ വിലയിൽ കൂടുതൽ ഫീച്ചറുകൾ ഉൾക്കൊള്ളുന്ന അഫോർഡബിൾ ഫോണുകൾ എക്കാലത്തും വിപണിയിലെ താരങ്ങളാണ്. അവയിൽ ഒരു പ്രധാനിയാണ് ഇന്ന് പോക്കോ ഇന്ത്യൻ വിപണിയിൽ അവതരിപ്പിച്ചത്.
പോക്കോ അവരുടെ എക്സ്6 സീരീസ് ശ്രേണിയിലെ ഏറ്റവും അഫോർഡബിൾ ഫോണായ പോക്കോ എക്സ്6 നിയോ ഇന്നാണ് അവതരിപ്പിച്ചത്. ഏറ്റവും പ്രധാന കാര്യമെന്തെന്നാൽ ഇത് വെറും 15,999 പ്രാരംഭ വിലയ്ക്ക് ആണ് കമ്പനി അവതരിപ്പിച്ചത്. സാംസങ് ഗ്യാലക്സി എഫ്15 5ജി, റിയൽമി 12 5ജി, റെഡ്മി നോട്ട് 13 5ജി, ഐക്യൂ ഇസെഡ്9 5ജി എന്നിങ്ങനെ 20,000 രൂപയ്ക്ക് താഴെ വിലയുള്ള സെഗ്മെന്റിലെ മറ്റ് പ്രമുഖർക്ക് ഈ സ്മാർട്ട്ഫോൺ കടുത്ത മത്സരം തന്നെ നൽകുമെന്ന് ഉറപ്പായി കഴിഞ്ഞു.
6.67 ഇഞ്ച് ഫുൾ എച്ച്ഡി+ സൂപ്പർ അമോലെഡ് പാനലാണ് പോക്കോ എക്സ്6 നിയോയിൽ കമ്പനി നൽകിയത്. ഇതിനൊപ്പം തന്നെ 2160Hz ഇൻസ്റ്റന്റ് ടച്ച് സാംപ്ലിംഗ് റേറ്റും കോർണിംഗ് ഗൊറില്ല ഗ്ലാസ് 5 സംരക്ഷണവും സ്മാർട്ട്ഫോണിന്റെ ഏറ്റവും വലിയ സവിശേഷതയാണ്.
ഇതിൽ മിഡ് റേഞ്ചർ മീഡിയടെക് ഡൈമൻസിറ്റി 6080 ചിപ്സെറ്റാണ് നൽകിയത്. കൂടാതെ എല്ലാ ഗ്രാഫിക്സ്-ഇൻ്റൻസീവ് ടാസ്ക്കുകൾക്കുമായി Mali G57 MC2 GPU-മായി ഇത് ജോടിയാക്കിയിരിക്കുന്നു. 8ജിബി വരെ LPDDR4X റാമും 128ജിബി വരെ UFS 2.2 സ്റ്റോറേജും ഇതിലുണ്ട്. Poco എക്സ്6 നിയോ സ്റ്റോറേജ് മൈക്രോ എസ്ഡി കാർഡ് സ്ലോട്ട് വഴി 1ടിബി വരെ വികസിപ്പിക്കാവുന്നതാണ്.
ക്യാമറയുടെ കാര്യത്തിൽ, 108എംപി പ്രൈമറി സെൻസറും 2എംപി ഡെപ്ത് സെൻസറും ഉള്ള ഡ്യുവൽ ക്യാമറ സജ്ജീകരണമാണ് പോക്കോ ഈ ഫോണിൽ അവതരിപ്പിക്കുന്നത്. എല്ലാ സെൽഫി, വീഡിയോ കോളിംഗ് ആവശ്യകതകളും നിയന്ത്രിക്കുന്നതിന് 16എംപി ഫ്രണ്ട് ഫേസിംഗ് ക്യാമറയും നൽകിയിരിക്കുന്നു.
പോക്കോ എക്സ്6 നിയോ 8ജിബി റാം/128ജിബി സ്റ്റോറേജ് വേരിയന്റിന് 15,999 രൂപയും 12ജിബി റാം/256ജിബി സ്റ്റോറേജ് വേരിയന്റിന് 17,999 രൂപയുമാണ് വില. ഐസിഐസിഐ ബാങ്ക് കാർഡുകൾ വഴിയുള്ള പേയ്മെന്റിന് 1,000 രൂപ തൽക്ഷണ കിഴിവും കമ്പനി വാഗ്ദാനം ചെയ്യുന്നു. ഏറ്റവും പുതിയ പോക്കോ എക്സ്6 സീരീസ് ഫോൺ ആസ്ട്രൽ ബ്ലാക്ക്, ഹൊറൈസൺ ബ്ലൂ, മാർഷ്യൻ ഓറഞ്ച് എന്നീ നിറങ്ങളിൽ ലഭ്യമാകും.
Click it and Unblock the Notifications
Sign in with Google