ഒരു വർഷം കാലാവധി, ഡാറ്റയും ഫ്രീ കോളുമുള്ള അഡാർ പ്ലാൻ വേണം; ഏത് കമ്പനിയാണ് മികച്ചത്? അറിയാം

ഇന്ത്യൻ ടെലികോം വിപണിയിൽ വളരെ കുറച്ച് കമ്പനികൾ മാത്രമേ ഉള്ളൂ എന്ന് എല്ലാവർക്കും അറിയാം. നിലവിൽ പ്രധാനമായും സ്വകാര്യ മേഖലയിൽ നിന്നുള എയർടെൽ, റിലയൻസ് ജിയോ, വിഐ എന്നിവയും പൊതുമേഖലയിൽ നിന്നുള്ള ഏക സാന്നിധ്യമായ ബിഎസ്എൻഎലുമാണ് വിപണിയിൽ പരസ്‌പരം പോരടിക്കുന്നത്. ഇവയെല്ലാം തന്നെ വളരെ മികച്ച രീതിയിൽ ഉപഭോക്താക്കളെ കൈയിലെടുത്താണ് മുന്നോട്ട് നീങ്ങുന്നത്.

അതുകൊണ്ട് തന്നെയാണ് ഈ കമ്പനികൾ ഇപ്പോഴും വിപണിയിൽ പഴയ പ്രതാപത്തോടെ നിലനിൽക്കുന്നത്. അതിൽ ജിയോയും വിഐയുമാണ് ഏറ്റവും ഇളയവർ. എന്തെന്നാൽ ജിയോ പ്രവർത്തനം ആരംഭിച്ചിട്ട് പത്ത് വർഷം തികയാൻ ഇനിയും നാളുകൾ ബാക്കിയുണ്ട്. മറുവശത്ത് വോഡഫോൺ, ഐഡിയ എന്നീ കമ്പനികൾ ലയിച്ചിട്ടാണ് പുതിയ രൂപത്തിൽ വിഐയും എത്തിയത്.

എങ്കിലും ഇവരൊക്കെയും ഇന്ത്യൻ വിപണിയുടെ സ്‌പന്ദനങ്ങൾ കൃത്യമായി തൊട്ടറിഞ്ഞവരാണെന്ന് നമുക്ക് നിസംശയം പറയാം. അതുകൊണ്ടാണ് ഉപഭോക്താക്കൾ ഇവർക്കൊപ്പം തന്നെ നിലനിൽക്കുന്നത്. ഇടക്കാലത്ത് എയർസെൽ, ടാറ്റ ഡോകോമോ എന്നിങ്ങനെ ഒട്ടേറെ ടെലികോം കമ്പനികൾ വിപണിയിൽ ഉണ്ടായിരുന്നെങ്കിലും അവയൊക്കെ പാതിവഴിയിൽ വീഴുകയായിരുന്നു.

അങ്ങനെ നോക്കുമ്പോൾ ഈ നാല് കമ്പനികളും പ്രവർത്തന മികവ് കൊണ്ട് പിടിച്ചുനിന്നവരാണ്. നിലവിൽ സ്വകാര്യ മേഖലയിൽ നിന്ന് എയർടെൽ, ജിയോ കമ്പനികൾ തമ്മിൽ പൊരിഞ്ഞ പോരാട്ടമാണ്. റീചാർജ് പ്ലാനുകളുടെ കാര്യത്തിൽ ഉപഭോക്താക്കളുടെ എണ്ണത്തിലും പരസ്‌പരം ശക്തമായ മത്സരമാണ് ഇവർ കാഴ്‌ച വയ്ക്കുന്നത്. അതിന് വെല്ലുവിളി ഉയർത്തിക്കൊണ്ട് നമ്മുടെ സ്വന്തം ബിഎസ്എൻഎലും കൂടെയുണ്ട് എന്നതാണ് പ്രധാനം.

എന്നാൽ ടെലികോം വിപണിയിൽ നിന്നുള്ള ഏറ്റവും പുതിയ വാർത്തകൾ ഉപഭോക്താക്കളെ സംബന്ധിച്ച് ആശാവഹമല്ല. ഏറ്റവും പുതിയ റിപ്പോർട്ടുകൾ അനുസരിച്ച് റീചാർജ് പ്ലാനുകളുടെ നിരക്കിൽ വർധനവുണ്ടാകാൻ സാധ്യതയുണ്ടെന്ന് സൂചിപ്പിക്കുന്നു. 2025 നവംബർ മുതൽ ഡിസംബർ വരെ മിക്കവാറും എല്ലാ സ്വകാര്യ മേഖലയിലെ സേവന ദാതാക്കളും അവരുടെ റീചാർജ് നിരക്കുകൾ ഉയർത്താൻ പദ്ധതിയിടുന്നു.

വർഷാവസാനത്തോടെ, അതായത് നവംബർ-ഡിസംബർ മാസത്തോടെ, ടെലികോം കമ്പനികൾ റീചാർജ് നിരക്കുകൾ ഉയർത്തിയേക്കും. കഴിഞ്ഞ ജൂലൈയിൽ, എയർടെൽ, ജിയോ, വോഡഫോൺ-ഐഡിയ തുടങ്ങിയ സ്വകാര്യ ടെലികോം കമ്പനികൾ അവരുടെ റീചാർജ് നിരക്കുകൾ വർധിപ്പിച്ചിരുന്നു. തൽഫലമായി, നിരവധി ഉപഭോക്താക്കൾ സർക്കാർ ഉടമസ്ഥതയിലുള്ള ബിഎസ്എൻഎല്ലിലേക്ക് കൂടുമാറി.

ആ സമയം നിരക്ക് വർധിപ്പിക്കാത്ത ഒരേയൊരു കമ്പനി ബിഎസ്എൻഎലാണ്. 5ജി സേവനങ്ങൾ ആരംഭിച്ചതിനുശേഷം നിരക്കുകളിൽ വർധനവ് അനിവാര്യമാണെന്ന് കമ്പനികൾ വിശദീകരിക്കുന്നുണ്ട്. മറ്റൊരു പ്രധാന കാര്യമെന്തെന്നാൽ നിലവിൽ കമ്പനികളിൽ ആരാണ് കുറഞ്ഞ നിരക്കിൽ പ്ലാനുകൾ നൽകുന്നത് എന്ന ചോദ്യമാണ്. അത് വിലയിരുത്താൻ 12 മാസ കാലാവധിയുള്ള പ്ലാനുകൾ നമുക്ക് പരിശോധിക്കാം.

എയർടെൽ 365 ദിവസം റീചാർജ് പ്ലാൻ

എയർടെല്ലിന്റെ 365 ദിവസത്തെ വാലിഡിറ്റി പ്ലാനിന്റെ വില 3599 രൂപയാണ്. ഇതിൽ നിങ്ങൾക്ക് 365 ദിവസത്തേക്ക് പ്രതിദിനം 2 ജിബി ഇന്റർനെറ്റ് ഡാറ്റ ലഭിക്കും. മാത്രമല്ല, ഉപഭോക്താക്കൾക്ക് 1 വർഷത്തേക്ക് എല്ലാ നെറ്റ്‌വർക്കുകളിലേക്കും പരിധിയില്ലാത്ത കോളിംഗ് സൗകര്യവും ലഭിക്കും. കൂടാതെ നിങ്ങൾക്ക് പ്രതിദിനം 100 എസ്എംഎസുകളുടെ ആനുകൂല്യവും ലഭിക്കും.

ജിയോ 365 ദിവസം റീചാർജ് പ്ലാൻ

റിലയൻസ് ജിയോയുടെ 3599 രൂപയുടെ പ്ലാനാണ് ഉള്ളത്, ഇത് 365 ദിവസത്തെ വാലിഡിറ്റിയോടെയാണ് വരുന്നത്. ഈ പ്ലാനിൽ, നിങ്ങൾക്ക് ഉപഭോക്താക്കൾക്ക് എല്ലാ ദിവസവും 2.5 ജിബി ഇന്റർനെറ്റ് ഡാറ്റ ലഭിക്കും. ഇത് പരിധിയില്ലാത്ത കോളിംഗ് സൗകര്യത്തോടെ ലഭ്യമാണ്. ഇതിനൊപ്പം, എല്ലാ ദിവസവും 100 എസ്എംഎസുകളുടെ സൗകര്യവും ഇതിൽ ലഭ്യമാണ്. അതിൽ ജിയോ ഹോട്ട്സ്‌റ്റാറിന്റെ സബ്‌സ്‌ക്രിപ്‌ഷൻ കൂടി ഉൾപ്പെടുന്നു.

വിഐ 365 ദിവസം റീചാർജ് പ്ലാൻ

വോഡഫോൺ-ഐഡിയയുടെ പ്ലാനിനെക്കുറിച്ച് പറയുകയാണെങ്കിൽ, ഇത് 3499 രൂപയ്ക്ക് ലഭിക്കും. നിങ്ങൾക്ക് 365 ദിവസം വരെ വാലിഡിറ്റിയിൽ ഉപയോഗിക്കാം. ഈ പ്ലാനിൽ, ഉപഭോക്താക്കൾക്ക് എല്ലാ ദിവസവും 1.5 ജിബി ഇന്റർനെറ്റ് ഡാറ്റ ലഭിക്കും. ഇതിനൊപ്പം, പരിധിയില്ലാത്ത കോളിംഗ് സൗകര്യങ്ങളും പ്രതിദിനം 100 എസ്എംഎസുകളും നൽകുന്നു എന്നതാണ് മറ്റൊരു പ്രത്യേകത.

ബിഎസ്എൻഎൽ 365 ദിവസം പ്ലാൻ

ഈ പ്ലാനിന്റെ വില 1,198 രൂപയാണ്. ഈ തുകയ്ക്ക്, ഉപഭോക്താക്കൾക്ക് 365 ദിവസത്തെ മുഴുവൻ സേവനവും ആസ്വദിക്കാം. ആനുകൂല്യങ്ങളുടെ കാര്യത്തിൽ, ഈ പ്ലാനിൽ എല്ലാ മാസവും 300 മിനിറ്റ് വോയ്‌സ് കോളിംഗ് ഉൾപ്പെടുന്നു, ഇത് ഉപയോക്താക്കൾക്ക് ഇന്ത്യയിലുടനീളമുള്ള ഏത് നെറ്റ്‌വർക്കിലേക്കും കണക്റ്റുചെയ്യാൻ സഹായിക്കും. കൂടാതെ, വരിക്കാർക്ക് എല്ലാ മാസവും 3 ജിബി ഡാറ്റയും 30 സൗജന്യ എസ്എംഎസും ലഭിക്കും.

English summary

Recharge Plans: Get 12 Month Validity with Daily Data, unlimited Calling, Which Is Best?.