ആപ്പിൾ ആരാധകർക്ക് റിലയൻസ് ഡിജിറ്റലിന്റെ സമ്മാനം; ഐഫോൺ 17 പ്രോ മാക്സ് കിട്ടും 11,508 രൂപ കുറവോടെ!
നമ്മുടെ രാജ്യത്തെ സ്മാർട്ട്ഫോൺ വിപണിയിൽ പ്രീമിയം മോഡലുകൾക്ക് ഇപ്പോൾ വലിയ പ്രാധാന്യമുണ്ട്. ബജറ്റ് ആൻഡ്രോയിഡ് ഫോണുകളിൽ നിന്ന് കൂടുതൽ ഉപഭോക്താക്കൾ ഉയർന്ന നിലവാരമുള്ള ഉപകരണങ്ങളിലേക്ക് മാറുകയാണ് ഇപ്പോൾ. പ്രീമിയം വിഭാഗത്തിൽ ആപ്പിൾ വിപണി വിഹിതം വർധിപ്പിക്കുന്നുവെന്നാണ് കണക്കുകൾ വ്യക്തമാക്കുന്നത്. ഐഫോണുകൾ പലപ്പോഴും ആൻഡ്രോയിഡ് ഫ്ലാഗ്ഷിപ്പുകളെ വിൽപ്പനയിൽ മറികടക്കുന്നതായി ഗവേഷണങ്ങൾ വ്യക്തമാക്കുന്നു.
അതായത് വിലകൂടിയ ഫോണുകൾ എൻട്രി-ലെവൽ ഉപകരണങ്ങളെക്കാൾ വേഗത്തിൽ വളരുന്നു. ഐഫോൺ 16-ന്റെ മികച്ച വിൽപ്പനയുടെ പിൻബലത്തിൽ, 2025-ഓടെ ആപ്പിളിന്റെ വിപണി വിഹിതം എണ്ണം അനുസരിച്ച് 9 ശതമാനവും മൂല്യം അനുസരിച്ച് 28 ശതമാനവും എത്തുമെന്ന് കൗണ്ടർപോയിന്റ് ഡാറ്റ സൂചിപ്പിക്കുന്നു. കഴിഞ്ഞ വർഷം ഇറങ്ങിയ ഐഫോൺ 17 മോഡലുകളുടെ വിൽപ്പനയും അതിന് ഉദാഹരണമാണ്.
ഇപ്പോഴിതാ ആപ്പിളിന്റെ ഏറ്റവും പ്രീമിയം സ്മാർട്ട്ഫോണുകളിലൊന്നായ ഐഫോൺ 17 പ്രോ മാക്സ് ഇന്ത്യയിൽ ഇപ്പോൾ 11,508 വരെയുള്ള വൻ ഡിസ്കൗണ്ട് അടക്കം ലഭ്യമാണ്. റിലയൻസ് ഡിജിറ്റൽ അവതരിപ്പിച്ചിരിക്കുന്ന ഈ ഓഫർ വഴി ഉപഭോക്താക്കൾക്ക് ഫ്ലാറ്റ് ഡിസ്കൗണ്ടും ബാങ്ക് ഓഫറുകളും ചേർത്ത് മികച്ച ലാഭം നേടാനാകും എന്നതാണ് പ്രധാന കാര്യം.
ഐഫോൺ 17 പ്രോ മാക്സ് ഇന്ത്യയിൽ ലോഞ്ച് ചെയ്തപ്പോൾ വില 1,49,900 ആയിരുന്നു. നിലവിൽ റിലയൻസ് ഡിജിറ്റലിൽ ഇത് 1,44,990 എന്ന വിലയിലാണ് ലഭിക്കുന്നത്. ഇതിലൂടെ തന്നെ 4,910 രൂപയുടെ നേരിട്ടുള്ള വിലക്കുറവ് ലഭിക്കുന്നു. ഇത് നിങ്ങളെ സംബന്ധിച്ച് ഏറ്റവും നല്ലൊരു ഓഫർ തന്നെയാണെന്ന കാര്യത്തിൽ സംശയം വേണ്ട.
ഇതിന് പുറമെ എസ്ബിഐ ക്രെഡിറ്റ് കാർഡ് ഉപയോഗിച്ച് പർച്ചേസ് ചെയ്യുന്നവർക്ക് അധികമായി 6,598 രൂപയുടെ ബാങ്ക് ഡിസ്കൗണ്ടും ലഭിക്കും. ഇതോടെ ഫോണിന്റെ ഫലപ്രദമായ വില 1,38,392 ആയി കുറയും. ആകെ 11,508 രൂപയുടെ ലാഭമാണ് ഉപഭോക്താക്കൾക്ക് ലഭിക്കുന്നത്. ഇത് കൂടാതെ എക്സ്ചേഞ്ച് അടക്കമുള്ള ആനുകൂല്യങ്ങളും നിങ്ങൾക്ക് പ്രയോജനപ്പെടുത്താം.
എസ്ബിഐ ഓഫറുകൾക്കൊപ്പം തിരഞ്ഞെടുക്കപ്പെട്ട ഐസിഐസിഐ ബാങ്ക്, ആക്സിസ് ബാങ്ക് കാർഡുകൾക്കും ചില ബാങ്ക് ആനുകൂല്യങ്ങൾ ലഭ്യമാണ്. എന്നാൽ കൃത്യമായ ഡിസ്കൗണ്ട് തുക കാർഡിന്റെയും ഓഫറിന്റെയും അടിസ്ഥാനത്തിൽ വ്യത്യാസപ്പെടാം. ഓഫർ അവസാനിക്കുന്ന തീയതി ഇതുവരെ പ്രഖ്യാപിച്ചിട്ടില്ല.
ഐഫോൺ 17 പ്രോ മാക്സ് ഫീച്ചറുകൾ
ആപ്പിൾ ഐഫോൺ 17 പ്രോ മാക്സ് ആപ്പിളിന്റെ ഏറ്റവും പ്രീമിയം സ്മാർട്ട്ഫോണുകളിൽ ഒന്നാണ്. 6.9 ഇഞ്ച് Super Retina XDR OLED ഡിസ്പ്ലേ, 120Hz ProMotion, A19 Pro ചിപ്പ്, 48MP ട്രിപ്പിൾ ക്യാമറ സിസ്റ്റം, 8x ടെലിഫോട്ടോ സൂം, 18 എംപി ഫ്രണ്ട് ക്യാമറ എന്നിവയാണ് ഈ ഫ്ലാഗ്ഷിപ്പ് അത്ഭുതത്തിന്റെ പ്രധാന സവിശേഷതകൾ. നിലവിൽ ഈ പ്രൈസ് റേഞ്ചിൽ ലഭ്യമായ ഏറ്റവും മികച്ച മോഡലുകളിൽ ഒന്നാണെന്ന് നിസംശയം പറയാം.
കൂടാതെ ബാറ്ററി ലൈഫിന്റെ കാര്യത്തിലും ഐഫോൺ 17 പ്രോ മാക്സ് മുൻപന്തിയിലാണ്. കൂടുതൽ കാര്യക്ഷമമായ പ്രോസസറും വലുതാക്കിയ ബാറ്ററിയും ചേർന്ന് ഒരൊറ്റ ചാർജിൽ ദീർഘനേരം ഉപയോഗിക്കാൻ സാധിക്കും. സ്റ്റോറേജ് ഓപ്ഷനുകളായി 256ജിബി, 512ജിബി, 1 ടിബി, 2 ടിബി എന്നീ വകഭേദങ്ങൾ ലഭ്യമാകും. അതിനാൽ ഉയർന്ന റെസല്യൂഷനിലുള്ള വീഡിയോകളും ഫോട്ടോകളും ധാരാളമായി നിങ്ങൾക്ക് എടുക്കാം.
Click it and Unblock the Notifications
Sign in with Google