സാംസങ് ഒന്ന് തട്ടി, ആപ്പിൾ ഞെട്ടി; ഗ്യാലക്‌സി എസ്23 അൾട്രയ്ക്ക് കൊടൂര ഡിസ്‌കൗണ്ട്, പകുതി കുറയും, വില എത്ര?

ഇന്ത്യൻ സ്‍മാർട്ട്ഫോൺ വിപണിയിൽ ഏറ്റവുമധികം മത്സരം നടക്കുന്നത് രണ്ട് പ്രമുഖ ബ്രാൻഡുകൾ തമ്മിലാണ്. അതിലൊന്നാണ് സാംസങ്, മറ്റൊന്ന്‌ ആപ്പിളാണ്. ഇരു ബ്രാൻഡുകളും തമ്മിൽ പ്രീമിയം ഫ്ലാഗ്ഷിപ്പ് മോഡലുകളുടെ കാര്യത്തിൽ വലിയ മത്സരം തന്നെയാണ് നടക്കുന്നത്. ഇരുകമ്പനികളും പരസ്യങ്ങളിലും മറ്റ് കാപ്‌ഷനുകളിലും പോലും പരസ്‌പരം കളിയാക്കുമ്പോൾ ഇത് ഉപയോഗിക്കുന്നവർ തമ്മിലും മത്സരം നിലനിൽക്കുന്നുണ്ട്.

അടുത്തകാലത്തായി ആപ്പിൾ ഇന്ത്യയിലും ആഗോള തലത്തിലും അവതരിപ്പിച്ച സ്‍മാർട്ട് ഫോൺ ആയ ഐഫോൺ 16 സീരീസിന് കിട്ടിയ സ്വീകരണം നമ്മൾ എല്ലാവരും കണ്ടതാണ്. ഇത് മറികടന്നു കൊണ്ടാണ് ആൻഡ്രോയിഡ് ആധിപത്യം സ്ഥാപിക്കാനുള്ള നീക്കത്തിലാണ് സാംസങ്. അടുത്ത മാസം അവരുടെ സാംസങ് ഗ്യാലക്‌സി എസ്25 സീരീസ് വിപണിയിൽ എത്തുമെന്നാണ് കരുതുന്നത്.

ഈ സീരീസിൽ വേറെയുമുണ്ട് ജഗജാല കില്ലാടികൾ. അതിൽ പ്രധാനിയാണ് രണ്ട് വർഷം മുൻപ് അവതരിപ്പിച്ച എസ്23 സീരീസ്. സാംസങ് ഇതുവരെ വിപണിയിൽ കൊണ്ടുവന്ന മോഡലുകളിൽ ഏറെ ജനശ്രദ്ധ പിടിച്ചുപറ്റിയ പ്രീമിയം മോഡൽ ഏതെന്ന ചോദ്യത്തിനുള്ള ഉത്തരമാണ് ഗ്യാലക്‌സി എസ്23 അൾട്രാ. അത്രയധികം ആഴത്തിൽ ജനങ്ങൾക്ക് ഇടയിൽ ഈ ഫോൺ ചെന്നിറങ്ങിയിട്ടുണ്ട്.

നിങ്ങൾ ആൻഡ്രോയിഡിന്റെ മികച്ചൊരു മോഡൽ, അതും അത്യാധുനിക സൗകര്യങ്ങളോട് കൂടിയത് വാങ്ങണം എന്ന് ആഗ്രഹമുണ്ടെങ്കിൽ ഏറ്റവും മികച്ച അവസരമാണ് എസ്23 അൾട്ര. അതും ആമസോൺ നൽകുന്ന ഗംഭീര ഓഫറിന്റെ അകമ്പടിയോടെ നിങ്ങൾക്ക് ഈ പ്രീമിയം ഫോൺ സ്വന്തമാക്കാനുള്ള അവസരമാണ് വരുന്നത്.

സാംസങ് ഗ്യാലക്‌സി എസ്23 അൾട്രാ ഓഫറുകൾ ഇങ്ങനെ

തുടക്കത്തിൽ ഇന്ത്യയിൽ 1,49,999 രൂപയ്ക്ക് ലോഞ്ച് ഗ്യാലക്‌സി എസ് 23 അൾട്രാ നിലവിൽ ആമസോണിൽ വെറും 74,999 രൂപയ്ക്കാണ് ലിസ്‌റ്റ് ചെയ്‌തിരിക്കുന്നത്. എന്നാൽ അതുകൊണ്ടൊന്നും ഓഫർ തീരുകയില്ല. നിങ്ങൾ ഇത് വാങ്ങുകയാണെങ്കിൽ 10 ശതമാനം ഇൻസ്‌റ്റന്റ് ബാങ്ക് കിഴിവും ലഭ്യമാണ്. വിവിധ ബാങ്കുകൾക്ക് അനുസരിച്ചിരിക്കും ഇതിന്റെ തോത്. എങ്കിലും ക്രെഡിറ്റ് കാർഡുകൾ ഉൾപ്പെടെയുള്ളവർക്ക് നല്ല ഓഫറുകൾ തന്നെ ലഭിക്കും.

ഇതിന് നിങ്ങൾക്ക് ആമസോൺ വഴി തന്നെ ഈഎംഐ സൗകര്യവും ലഭ്യമാകും. പ്രതിമാസ പേയ്‌മെന്റുകൾ 3,636 രൂപയിൽ ആരംഭിക്കുന്ന ഇഎംഐ പ്ലാനും നിങ്ങൾക്ക് ആമസോണിൽ നിന്ന് തിരഞ്ഞെടുക്കാം. ശ്രദ്ധിക്കേണ്ട മറ്റൊരു കാര്യം എന്തെന്നാൽ ഈ മുൻനിര ഫോൺ മൂന്ന് ആകർഷകമായ നിറങ്ങളിൽ ലഭ്യമാണ്: ക്രീം, പച്ച, ഫാന്റം ബ്ലാക്ക് എന്നിങ്ങനെയാണവ.

എസ്23 അൾട്രാ ഫീച്ചറുകൾ

വലിയ 6.81 ഇഞ്ച് ഡിസ്‌പ്ലേയാണ് ഫോണിൽ നൽകിയിരിക്കുന്നത്. 12 ജിബി റാമിനൊപ്പം മികച്ച ക്വാൽകോം സ്‌നാപ്ഡ്രാഗൺ 8 ജെൻ 2 പ്രോസസറും ഫോണിന് കരുത്ത് പകരുന്നു. ഇത് വളരെ വേഗതയേറിയതും കാര്യക്ഷമവുമായ പ്രവർത്തനം വാഗ്‌ദാനം നൽകുന്നു. വ്യത്യസ്‌ത ഫോട്ടോഗ്രാഫി ആവശ്യങ്ങൾക്കായി മൂന്ന് അധിക ക്യാമറകൾക്കൊപ്പം 200 എംപിയുടെ ഒരു പ്രധാന ക്യാമറയും ഫോണിലുണ്ട്. 12 എംപി ഫ്രണ്ട് ക്യാമറയും ഇതിലുണ്ട്.

English summary

Samsung Galaxy S23 Ultra Discount: This Premium Phone Will Be available at just Rs 74,999 In Amazon.