ഐഫോണ് അങ്ങനെ ഒറ്റയ്ക്ക് വിലസണ്ട, സാംസങ്ങ് വരവറിയിച്ചിട്ടുണ്ട്; പുത്തന് സെഡ് ഫോള്ഡ് എത്തും
ഈ വര്ഷത്തെ മെഗാ ലോഞ്ചാണ് ആപ്പിള് ഐഫോണ് 16. അതുകൊണ്ട് പുറത്തിറങ്ങുന്നതോടെ വിപണിയിലെ ഏറ്റവും മികച്ച സ്മാര്ട്ട്ഫോണ് എന്ന പേര് സ്വന്തമാക്കാനാവുമെന്നാണ് ആപ്പിള് പ്രതീക്ഷിക്കുന്നത്. എന്നാല് ആപ്പിളിന്റെ ഈ മോഹം തകരാന് എല്ലാ സാധ്യതയുമുണ്ട്. കാരണം സാംസങ്ങ് അവരുടെ ഏറ്റവും പുതിയ അള്ട്ര വേരിയന്റ് റിലീസ് ചെയ്യാന് പോവുന്നത് ഈ വര്ഷമാണ്.
ഗ്യാലക്സി സെഡ് ഫോള്ഡിന്റെ ബജറ്റ് ഫോണ് സാംസങ്ങ് പുറത്തിറക്കുമെന്നായിരുന്നു നേരത്തെ വന്ന റിപ്പോര്ട്ട്. എന്നാല് സെഡ് ഫോള്ഡില് അടിമുടി പൊളിച്ചെഴുതാനാണ് സാംസങ്ങ് ഒരുങ്ങുന്നത്. പുതിയ ഹൈ എന്ഡ് അള്ട്രാ ഫോള്ഡബിള് സ്മാര്ട്ട് ഫോണാണ് അവര് പുറത്തിറക്കാന് പോകുന്നത്.
ഗ്യാലക്സി ക്ലബാണ് ഇക്കാര്യം റിപ്പോര്ട്ട് ചെയ്തിരിക്കുന്നത്. എസ്എം-എഫ്958 എന്നീ മോഡല് നമ്പറിലായിരിക്കും ഈ ഫോണ് അറിയപ്പെടുക. ജൂലായിലാണ് ഗ്യാലക്സി അണ്പാക്ക്ഡ് ഇവന്റ് നടക്കാനിരിക്കുന്നത്. ഇതില് രണ്ട് സെഡ് ഫോള് 6 ഡിവൈസുകള് സാംസങ്ങ് പുറത്തിറക്കിയേക്കുമെന്നാണ് റിപ്പോര്ട്ടിലുള്ളത്.
ആപ്പിളിന്റെ ഐഫോണ് 16 പുറത്തിറങ്ങുന്നതിന് മുമ്പായിരിക്കും ഇവ രണ്ടും എത്തുക. ഈ വര്ഷവും നേട്ടമേറിയതാക്കാനുള്ള ആപ്പിളിന്റെ പ്ലാന് നടക്കുമോ എന്ന് ഉറപ്പില്ല. ആപ്പിള് പതിനാറിന്റെ ക്വാളിറ്റി ഏറ്റവും മികച്ചതാക്കേണ്ടത് ഇതോടെ അവര്ക്ക് വെല്ലുവിളിയായിരിക്കുകയാണ്. അതുപോലെ സാംസങ്ങിനും ഫോള്ഡബിള് മികച്ചാക്കേണ്ട ബാധ്യതയുണ്ട്.
6 എന്ന നമ്പര് ഫ്ളാഗ്ഷിപ്പ് സീരീസിന്റെ മോഡല് നമ്പറാക്കാന് തീരുമാനിച്ചിരുന്നു. ഗ്യാലക്സി സെഡ് ഫോള്ഡ് ഫോറിന് എസ്എം-എഫ്946 എന്നാണ് പേര്. അതുപോലെ ഫോള്ഡ് 3 മോഡല് നമ്പര് എസ്എം-എഫ്936 എന്നാണ്. അതുകൊണ്ട് പുതിയ മോഡല് നമ്പര് കുറച്ച് ആശയക്കുഴപ്പമുണ്ടാക്കുന്നതാണ്.
8 എന്ന നമ്പര് വരുന്നതെല്ലാം എസ് സീരീസിലെ അള്ട്രാ മോഡലുകളാണ്. മോഡല് നമ്പറുകളിലെ പെട്ടെന്നുള്ള മാറ്റമാണ് ഗ്യാലക്സി സെഡ് ഫോള്ഡ് 6 ഡിവൈസിനെ കുറിച്ച് സാംസങ്ങ് ചിന്തിച്ച് തുടങ്ങിയെന്ന് വ്യക്തമാക്കുന്നത്. എസ്എം-എഫ്956 എന്ന ഇപ്പോഴില്ലാത്ത മോഡല് നമ്പര് സെഡ് ഫോള്ഡിന്റെ ബജറ്റ് വേരിയന്റിനും നല്കാനാണ് സാധ്യത.
അതേസമയം സെഡ് ഫോള്ഡ് 6 അള്ട്ര ആദ്യം ദക്ഷിണ കൊറിയയിലാണ് ലോഞ്ച് ചെയ്യുക. എന്നാല് മറ്റ് രാജ്യങ്ങളില് ഇതേ മോഡല് നമ്പറിലാണോ ഫോള്ഡ് 6 റിലീസ് ചെയ്യുകയെന്ന കാര്യത്തില് സ്ഥിരീകരണം ഉണ്ടായിട്ടില്ല. ഈ മാറ്റങ്ങളിലൂടെ നഷ്ടപ്പെട്ട് പോയ വിപണി വിഹിതം തിരിച്ചുപിടിക്കാനാണ് സാംസങ്ങ് ഒരുങ്ങുന്നത്.
അതുപോലെ ഫ്ളാഗ്ഷിപ്പ് ഡിവൈസുകളെ മുന് നിരയില് എത്തിക്കാനുള്ള പ്ലാന് കൂടിയാണ് സാംസങ്ങിനുള്ളത്. സെഡ് ഫോള്ഡ് 5 ആണ് കഴിഞ്ഞ വര്ഷം ഹൈ എന്ഡ് ഫീച്ചറുമായി വിപണിയില് ഇറങ്ങിയ സാംസങ്ങ് ഫോണ്. ക്യാമറയില് അടക്കം വലിയ മാറ്റങ്ങളുണ്ടായിരുന്നു. 1.54999 രൂപയായിരുന്നു ഇതിന്റെ വില.
Click it and Unblock the Notifications
Sign in with Google