വിഐ എന്നാ സുമ്മാവ; ഇതൊക്കെയാണ് മക്കളെ ഓഫർ, ഡാറ്റയും ഫ്രീ കോളും 6 മാസത്തേക്ക്, വില എത്ര?

ഇന്ത്യയിൽ അടുത്തകാലത്തായി ഏറ്റവും മത്സരാധിഷ്‌ഠിതമായി മാറിയ വിപണികളിൽ ഒന്നാണ് ടെലികോം മേഖല. ഓരോ കമ്പനികളും ഉപഭോക്താക്കളെ ആകർഷിക്കാനും അവരെ ഒപ്പം നിർത്താനും പഠിച്ച പണി പതിനെട്ടും പയറ്റുന്ന കാഴ്‌ചയാണ് ഇവിടെ കാണാൻ കഴിയുക. പല കമ്പനികൾക്കും അതിനായി പലവിധത്തിലുള്ള വഴികൾ മുന്നിൽ ഉണ്ടെങ്കിലും റീചാർജ് പ്ലാനുകളിൽ ഊന്നിയാണ് കൂടുതൽ പേരും മുന്നോട്ട് പോവുന്നത്.

നിലവിൽ രാജ്യത്തെ മൂന്നാമത്തെ വലിയ മൊബൈൽ സേവനദാതാവായി നിലനിൽക്കുന്നവരാണ് വോഡാഫോൺ ഐഡിയ എന്ന വിഐ. രണ്ട് വ്യത്യസ്‌ത കമ്പനികളായി രാജ്യത്ത് പ്രവർത്തിച്ചു കൊണ്ടിരുന്ന ഇവർ ഒത്തുചേർന്നിട്ട് വർഷം ഏഴ് കഴിഞ്ഞു. എന്നാൽ ഈ ലയനം കൊണ്ട് കാര്യമായ നേട്ടമൊന്നും കമ്പനിക്ക് ഉണ്ടാക്കാൻ കഴിഞ്ഞിട്ടില്ലെന്നാണ് നമുക്ക് മനസിലാക്കാൻ കഴിയുന്നത്. കാരണം ഇപ്പോഴും ജിയോ, എയർടെൽ എന്നിവയ്ക്ക് പിന്നിലാണ് ഇവർ.

എന്നാൽ കടുത്ത സാമ്പത്തിക പ്രതിസന്ധി നേരിടുന്ന കമ്പനിയെ സംബന്ധിച്ച് ഭാവിയുടെ കാര്യത്തിൽ ഒട്ടേറെ ആശങ്കകളുണ്ട്. വലിയ കടബാധ്യതയും വരിക്കാരുടെ കുറവുമാണ് അവർ നേരിടുന്ന പ്രധാന വെല്ലുവിളികൾ. അതിൽ തന്നെ വരിക്കാരുടെ എണ്ണത്തിനായി അവർ അടുത്തകാലത്തായി റീചാർജ് പ്ലാനുകൾ വളരെയധികം ജനകീയമാക്കിയിരുന്നു. എങ്കിലും വിചാരിച്ച അത്രയും നേട്ടമുണ്ടാക്കാൻ കമ്പനിക്ക് ഇതുവരെയും സാധിച്ചിട്ടില്ല.

അതിനർത്ഥം വിഐക്ക് അവകാശപ്പെടാനായി ഒരുപാട് നേട്ടങ്ങളൊന്നും അടുത്ത കാലത്ത് വിപണി നൽകിയിട്ടില്ല എന്നാണ്. എന്നാൽ അവരെ സംബന്ധിച്ച് ഉപഭോക്താക്കൾ തന്നെയാണ് പ്രധാനപ്പെട്ട ആളുകൾ എന്ന കാര്യത്തിൽ ഒട്ടും സംശയം വേണ്ട. അക്കാര്യം അവരുടെ നിലപാടുകളിൽ നിന്ന് വ്യക്തമാണ് താനും. അത് തെളിയിക്കുന്നതാണ് അവരുടെ ഓരോ പ്ലാനുകളും.

അടുത്ത കാലത്തായി മറ്റ് സ്വകാര്യ ഓപ്പറേറ്റർമാരിൽ സാധാരണമല്ലാത്ത, 180 ദിവസത്തെ വാലിഡിറ്റിയുള്ള പ്രീപെയ്‌ഡ്‌ പ്ലാനുകൾ വോഡഫോൺ ഐഡിയ ഉപഭോക്താക്കൾക്കായി നൽകുന്നുണ്ട്. ഈ വാലിഡിറ്റി പായ്ക്കുകൾ ഉപഭോക്താക്കൾക്ക് കാര്യമായ നേട്ടങ്ങൾ നൽകുന്നു. ഏതൊക്കെയാണ് ആ പ്ലാനുകൾ എന്നും അവയുടെ പ്രത്യേകതകൾ എന്തെന്നും അറിയാം.

വിഐ 1049 രൂപ പ്ലാൻ: ഇതിൽ അൺലിമിറ്റഡ് വോയ്‌സ് കോളുകൾ, 12 ജിബി ഡാറ്റ, 1800 എസ്എംഎസ് എന്നിവ 180 ദിവസത്തെ അഥവാ ആറ് മാസത്തെ വാലിഡിറ്റിയിൽ ലഭ്യമാണ്. ഡാറ്റ ക്വാട്ട തീർന്നതിന് ശേഷം, ഡാറ്റ താരിഫ് ഒരു എംബിക്ക് 50 പൈസ എന്ന നിരക്കിൽ ഈടാക്കും. ഇതിൽ അധിക ആനുകൂല്യങ്ങളൊന്നുമില്ല. വീട്ടിൽ വൈഫൈ പോലെയുള്ളവ ഉള്ളവർക്കും വിഐ സെക്കൻഡറി സിം ആയി ഉപയോഗിക്കുന്നവർക്കും നല്ലതാണ് ഈ ഓഫർ.

വിഐ 1749 രൂപ പ്ലാൻ: വോഡഫോൺ ഐഡിയയുടെ 1749 രൂപയുടെ ഹീറോ പ്രീപെയ്‌ഡ്‌ പ്ലാനിൽ അൺലിമിറ്റഡ് വോയ്‌സ് കോളുകൾ, പ്രതിദിനം 100 എസ്എംഎസ്, പ്രതിദിനം 1.5 ജിബി ഡാറ്റ എന്നിവ ഉൾപ്പെടുന്നു, എല്ലാം 180 ദിവസത്തെ വാലിഡിറ്റിയിൽ. പ്രതിദിന ക്വാട്ട കടന്നാൽ ഡാറ്റ വേഗത 64 കെബിപിഎസായി കുറയും.

English summary

Vodafone Idea Best Plans: Get Daily Data, Free Call Valid For 180 Days In These Plans.