ഷവോമി ഹീറോയാട ഹീറോ; ഈ മോഡൽ വിപണിയിൽ അത്ഭുതങ്ങൾ തീർക്കും, ഇന്ത്യയിലെത്തുന്നത് ഈ ദിവസം
സ്മാർട്ട്ഫോൺ വിപണിയിൽ പൊടിപാറുന്ന മത്സരമാണ് നടന്നുകൊണ്ടിരിക്കുന്നത്. പ്രീമിയം, മിഡ് ബജറ്റ്, ബജറ്റ് മോഡലുകളിൽ നല്ല മോഡലുകൾ അവതരിപ്പിച്ചുകൊണ്ട് വമ്പന്മാർ ഒക്കെയും കളം പിടിക്കാനുള്ള തയ്യാറെടുപ്പിലാണ്. സാംസങും, വൺപ്ലസും ഒക്കെ ഇക്കാര്യത്തിൽ ഒട്ടും പുറകിലല്ല. ഇപ്പോഴിതാ വമ്പൻ നീക്കവുമായി ജനപ്രിയ ബ്രാൻഡുകളിൽ ഒന്നായ ഷവോമി രംഗത്തുണ്ട്. ഷവോമിയുടെ കരുത്തുറ്റ മോഡലായ ഷവോമി 14 ആണ് ഇപ്പോൾ ആഗോള തലത്തിൽ ലോഞ്ച് ചെയ്തിരിക്കുന്നത്.
മൊബൈൽ വേൾഡ് കോൺഗ്രസ് 2024 ബാഴ്സലോണയിൽ ആരംഭിക്കുന്നതിന് ഒരു ദിവസം മുമ്പാണ് ഈ മോഡൽ അവതരിപ്പിച്ചിരിക്കുന്നത്. ചൈനീസ് ബ്രാൻഡിൽ നിന്നുള്ള മുൻനിര ഹാൻഡ്സെറ്റ് ക്വാൽ കോമിന്റെ ഏറ്റവും പുതിയ സ്നാപ്ഡ്രാഗൺ 8 ജെൻ 3 SoCയിൽ പ്രവർത്തിക്കുന്നു, കൂടാതെ 120Hz ഡൈനാമിക് റിഫ്രഷ് റേറ്റ് ഉള്ള ഒരു LTPO AMOLED ഡിസ്പ്ലേയും ഇതിലുണ്ട്.
സമ്മിലക്സ് ലെൻസുള്ള ലെയ്ക-ബ്രാൻഡഡ് ട്രിപ്പിൾ പിൻ ക്യാമറ യൂണിറ്റുമായാണ് ഈ ഫോൺ എത്തുന്നത്. ഹാൻഡ്സെറ്റിന് ഡസ്റ്റ്, വെള്ളത്തിന്റെയും പ്രതിരോധത്തിന് IP68 റേറ്റിംഗ് ഉണ്ട് കൂടാതെ 90W ഹൈപ്പർചാർജ് വയർഡ് ചാർജിംഗിനെ പിന്തുണയ്ക്കുന്നു. ഷവോമി 14 പ്രോയ്ക്കൊപ്പം കഴിഞ്ഞ വർഷം ചൈനയിൽ ഷവോമി 14 അവതരിപ്പിച്ചിരുന്നു.
ഷവോമി 14ന്റെ വില 12ജിബി റാം + 512ജിബി സ്റ്റോറേജ് വേരിയൻ്റിന് 999 യുവാൻ ആയി നിശ്ചയിച്ചിരിക്കുന്നു. ബ്ലാക്ക്, ജേഡ് ഗ്രീൻ, വൈറ്റ് കളർ ഓപ്ഷനുകളിൽ ഫോൺ വാഗ്ദാനം ചെയ്യുന്നുണ്ട്. ഫോണിന്റെ വില ഇന്ത്യയിൽ 75,000 രൂപയിൽ താഴെ ആയിരിക്കുമെന്നാണ് ലഭ്യമായ റിപ്പോർട്ടുകൾ സൂചിപ്പിക്കുന്നത്. ബാങ്ക് ഓഫറുകൾ കൂടി ഉൾപ്പെടുത്തിയ ശേഷം ഇതിലും വില കുറയും.
അതേസമയം, ആഗോള ലോഞ്ചിന് പിന്നാലെ ഷവോമി 14 മാർച്ച് 7ന് ഇന്ത്യൻ വിപണിയിൽ ഔദ്യോഗികമായി എത്തുമെന്ന് സ്ഥിരീകരിച്ചു. ഇത് ആമസോൺ വഴി വാങ്ങാൻ ലഭ്യമാകും, കൂടാതെ ഫ്ലിപ്പ്കാർട്ടിലും വിൽപ്പനയ്ക്കെത്തുമെന്ന് പ്രതീക്ഷിക്കുന്നു. ആഗോള പതിപ്പിന് സമാനമായ പ്രത്യേകതകൾ ഇന്ത്യൻ വേരിയന്റിലും ഉണ്ടാകുമെന്നാണ് കരുതുന്നത്.
ഈ ഡ്യുവൽ സിം (നാനോ + ഇ-സിം)ഫോൺ ആൻഡ്രോയിഡ് 14 അടിസ്ഥാനമാക്കിയുള്ള ഹൈപ്പർ ഒഎസ് ഇന്റർഫേസിൽ പ്രവർത്തിക്കുന്നു. കൂടാതെ 460ppi പിക്സൽ സാന്ദ്രതയുള്ള 6.36 ഇഞ്ച് LTPO AMOLED (1,200x2,670 പിക്സൽ) ഡിസ്പ്ലേ, കൂടാതെ 1Hz റേഞ്ച് മുതൽ അഡാപ്റ്റീവ് റിഫ്രഷ് റേറ്റ് എന്നിവ ഉൾക്കൊള്ളുന്നു.
90W വയർഡ് ചാർജിംഗിനും 50W വയർലെസ് ചാർജിംഗിനുമുള്ള പിന്തുണയോടെ ഷവോമി 14ൽ 4,610mAh ബാറ്ററി പായ്ക്ക് ചെയ്തിട്ടുണ്ട്. 90W ഹൈപ്പർചാർജ് സാങ്കേതികവിദ്യയ്ക്ക് 0 മുതൽ 100 ശതമാനം വരെ ചാർജിംഗ് സമയം 31 മിനിറ്റാണ്. ഹാൻഡ്സെറ്റിന് 193 ഗ്രാം ഭാരമുണ്ട്. ഇന്ത്യയിൽ എത്തുമ്പോൾ ഏതാണ്ട് ഇതേ സവിശേഷതകൾ തന്നെ ഉണ്ടാവുമെന്നാണ് പ്രതീക്ഷ.
Click it and Unblock the Notifications
Sign in with Google