പോരുന്നോ പടന്നയിലേക്ക്; ഈ കായൽ കാഴ്ചകൾ വല്ലാത്തൊരു അനുഭവം, ബോട്ടിലൂടെയുള്ള കറക്കവും അടിപൊളി
കായൽ ടൂറിസത്തിന് ഏറ്റവുമധികം പേരുകേട്ട ഇടങ്ങൾ ഉള്ളത് മധ്യ കേരളത്തിലാണ്. മോശമല്ലാത്ത ഇടങ്ങൾ തെക്കൻ ജില്ലകളിലും ഉണ്ട്. വേമ്പനാട്ട് കായലും അഷ്ടമുടിയും ശാസ്താംകോട്ടയും ഒക്കെ നിറഞ്ഞുനിൽക്കുന്ന ഇവിടെ ധാരാളം സാധ്യതകൾ ഉണ്ടെന്ന് പറയാതെ തന്നെ നമുക്ക് അറിയാം. എന്നാൽ ഇക്കാര്യത്തിൽ ഒരൽപം പിന്നിലാണ് വടക്കൻ കേരളം. എങ്കിലും അവിടെ ഇത്തരം കേന്ദ്രങ്ങൾ തീരെയില്ലെന്ന ധാരണ ഉണ്ടെങ്കിൽ അത് തിരുത്താൻ നിങ്ങളെ സഹായിക്കുന്ന ഒരിടം ഇന്ന് നമുക്ക് പരിചയപ്പെടാം.
കാസർഗോഡ് ജില്ലയിലെ പടന്നയിലേക്ക് ചെന്നാൽ പല പ്രമുഖ ഇടങ്ങളെയും വെല്ലുന്ന തരത്തിലുള്ള കാഴ്ചകൾ നമുക്ക് ആസ്വദിക്കാം. വലിയ ആൾത്തിരക്കോ ബഹളമോ ഇല്ലാതെ അവിടുത്തെ പ്രകൃതി ഭംഗിയും തനതായ കാഴ്ചകളും കണ്ട് മനസിലാക്കുകയും ചെയ്യാം. വടക്കൻ കേരളത്തിലെ ഏറ്റവും മികച്ച കായലുകളിൽ ഒന്നാണ് പടന്ന എന്ന് പറഞ്ഞാലും അതിശയോക്തിയില്ല.
നഗരജീവിതത്തിൽ നിന്ന് അകന്നുനിൽക്കാൻ എപ്പോഴും ശ്രമിച്ചിട്ടുള്ള ഈ ഗ്രാമം കേരളത്തിന്റെ എല്ലാ തനിമയും സ്വയം ആവാഹിച്ച ഇടമാണ്. വിനോദസഞ്ചാരികൾക്ക് അവരുടെ ഇഷ്ടാനുസരണം ഹൗസ്ബോട്ടിലോ നടൻ വെള്ളത്തിലോ ഉല്ലാസ യാത്ര നടത്താവുന്നതാണ്. മുഴുവൻ സമയവും അലസമായ കാറ്റ് നിങ്ങളെ അനുഗമിക്കുമ്പോൾ കുറുകെ കടക്കുന്ന കനാലുകളും തെങ്ങുകളുടെ നീണ്ട നിരയും ഒക്കെ മനസിനെ ആകർഷിക്കും.
ഇവിടുത്തെ സൗകര്യങ്ങൾ പൂർണ്ണമായും പ്രാദേശിക തലത്തിലെ സാഹചര്യങ്ങളിൽ നിന്ന് കൊണ്ടാണ് നടത്തുന്നത്, അതിനാൽ നിങ്ങൾ കഴിക്കുന്ന എല്ലാത്തിനും വടക്കൻ കേരളത്തിൻ്റെ വേറിട്ട രുചിയാണ് നിങ്ങൾക്ക് ലഭിക്കുക. അഞ്ച് നദികൾ ഈ കായലിനെ പോഷിപ്പിക്കുന്നു, കൂടാതെ ഉപ്പുവെള്ളം നിറഞ്ഞ ചെറിയ ദ്വീപുകളും.
പടന്നയിൽ എത്തുന്നവർ എന്തായാലും കായലിലെ മീൻ വിഭവങ്ങൾ വിട്ടുകളയരുത്. ഇവിടെ താമസിക്കാൻ ആഗ്രഹിക്കുന്നവർക്ക് പരമ്പരാഗതമായ കേരളീയ ശൈലിയിൽ ഒരുക്കിയ കോട്ടേജുകൾ ഉൾപ്പെടെയുള്ള സൗകര്യങ്ങൾ ഉണ്ടെന്നതും നിങ്ങൾ ഓർക്കണം. അവ നിങ്ങളെ മറ്റൊരു മനോഹരമായ അനുഭൂതിയിലേക്കാവും നയിക്കുക എന്നുറപ്പാണ്.
ഇനി പടന്നയിൽ എത്തുന്നവർക്ക് പോവാൻ അടുത്ത് തന്നെ ഒട്ടേറെ വൈവിധ്യമാർന്ന ഇടങ്ങളും കാഴ്ചകളും ഒക്കെയുണ്ട്. കരീം ഫോറസ്റ്റ് എന്ന പ്രശസ്തമായ മനുഷ്യനിർമിത വനത്തിനൊപ്പം സമീപത്തുള്ള ബേക്കൽ കോട്ടയും എപ്പോഴും കാണേണ്ട കാഴ്ച തന്നെയാണ്. വടക്കൻ കേരളത്തിലെ പ്രധാന കലാരൂപമായ തെയ്യം കലാപരിപാടികളും കാണാനുള്ള സൗകര്യം (സീസൺ ആണെങ്കിൽ) നിങ്ങൾക്ക് ലഭിക്കും.
Click it and Unblock the Notifications
Sign in with Google