ദുബായിലെ കെട്ടിടങ്ങളുടെ പൂര്ണ്ണ വിവരങ്ങള് വിരല്ത്തുമ്പിലൊതുക്കി ലൈഫ് സേഫ്റ്റി ഡാഷ്ബോര്ഡ്
ദുബായ്: കെട്ടിടങ്ങളുടെ കരുത്തും സുരക്ഷാ നിലവാരവും തല്സമയം നിരീക്ഷിക്കാന് സിവില് ഡിഫന്സ് വിഭാഗത്തെയും കെട്ടിട ഉടമകളെയും താമസക്കാരെയും സഹായിക്കുന്നതാണ് ഈ നൂതന സംരംഭം ദുബായിലെ എല്ലാ കെട്ടിടങ്ങളിലും ദുബായ് ലൈഫ് സേഫ്റ്റി ഡാഷ്ബോര്ഡ് നടപ്പാക്കുമെന്ന് ദുബായ് സിവില് ഡിഫന്സ് ഡയറക്ടര് ജനറല് മേജര് ജനറല് എക്സ്പേട്ട് റാഷിദ് ഥാനി റാഷിദ് അല് മത്രൂഷി പ്രഖ്യാപിച്ചു.
ദുബായിലെ സുരക്ഷാ നില തല്സമയം അറിയാന് സിവില് ഡിഫന്സ് വിഭാഗത്തിലെ ഉദ്യോഗസ്ഥരെയും മറ്റ് സര്ക്കാര് വകുപ്പുകളെയും കെട്ടിട ഉടമകളെയും താമസക്കാരെയും സഹായിക്കുകയും അവര്ക്ക് തങ്ങളുടെ ഉത്തരവാദിത്തം സുതാര്യതയോടെയും ഊര്ജസ്വലതയോടെയും നിര്വഹിക്കാന് സഹായിക്കുന്നതാണ് ഡാഷ്ബോര്ഡ്. ജീവ സുരക്ഷയുടെ പ്രവര്ത്തന നിലയെ സംബന്ധിച്ചുള്ള തല്സമയ വിവരങ്ങള് ഡാഷ്ബോര്ഡ് പങ്കുവെയ്ക്കും. ലഭിക്കുന്ന വിവരങ്ങളില് ആവശ്യമായ നടപടി സ്വീകരിക്കുന്നതിനും അതില് ഒറ്റക്കെട്ടായി പങ്കെടുക്കുന്നതിനും ഇതില് ഭാഗഭാക്കാകുന്നവരെ സഹായിക്കുകയും അവര്ക്ക് വിവരങ്ങള് പരസ്പരം പങ്കുവെയ്ക്കുന്നതിലൂടെ പ്രവര്ത്തന നിലവാരം മെച്ചപ്പെടുത്താനും ഇത് സഹായിക്കും.
ഡാഷ്ബോര്ഡിലൂടെ കൈമാറുന്ന ബിസിനസ് ഇന്റലിജന്സ,് കെട്ടിടങ്ങളുടെ കരുത്തും സുരക്ഷാനിലയും തല്സമയം നിരീക്ഷിക്കാന് സര്ക്കാര് വകുപ്പുകളെയും കെട്ടിട ഉടമകളെയും താമസക്കാരെയും സഹായിക്കും. ജീവനെയും സ്വത്തിനെയും പരിസ്ഥിതിയെയും സംരക്ഷിക്കുന്നതിന് പുതിയ സാങ്കേതിക വിദ്യകള് പരീക്ഷിക്കുന്നതില് തങ്ങളുടെ വിഭാഗം എന്നും മുന്പന്തിയിലാണ്. വായനക്കാര്ക്ക് സങ്കീര്ണമായ വിവരങ്ങള് ഒരു മുഴുനീള റിപ്പോര്ട്ടില് നിന്നും മനസ്സിലാക്കാവുന്നതിനേക്കാള് വേഗത്തില് മനസ്സിലാക്കാന് ദുബായ് ലൈഫ് സേഫ്റ്റി ഡാഷ്ബോര്ഡ് സഹായിക്കുന്നു.
പുതിയ സംരംഭത്തെക്കുറിച്ച് പ്രതികരിക്കവേ മേജര് ജനറല് എക്സ്പേട്ട് റാഷിദ് ഥാനി റാഷിദ് അല് മത്രൂഷി പറഞ്ഞു. വിവിധ ഏജന്സികളുടെയും പദ്ധതികളുടെയും പ്രവര്ത്തനത്തെക്കുറിച്ചുള്ള ആയിരക്കണക്കിന് വിവരങ്ങളാണ് സര്ക്കാറിനു മുന്നിലുള്ളത്. ഇവയില് വേഗത്തില് തീരുമാനം എടുക്കുന്നതിന് ഇക്കാര്യങ്ങള് എളുപ്പത്തില് മനസ്സിലാകുന്ന വിധത്തില് ലളിതമായി അവതരിപ്പിക്കേണ്ടതുണ്ട്. ദുബായ് ലൈഫ് സേഫ്റ്റി ഡാഷ്ബോര്ഡിലൂടെ കെട്ടിടങ്ങളുടെയും സിവില് ഡിഫന്സ് നടപടികളുടെയും പ്രവര്ത്തനശേഷി സിവില് ഡിഫന്സ് വിഭാഗത്തിന് മനസ്സിലാക്കാന് സാധിക്കും.
വിവിധ സ്രോതസ്സുകളില് നിന്ന് ലഭിക്കുന്ന വിവരങ്ങള് സമാഹരിച്ച് ഗ്രാഫിക്സുകളിലൂടെ ഇതില് പ്രദര്ശിപ്പിക്കുന്നു. അദ്ദേഹം കൂട്ടിച്ചേര്ത്തു. ഡിസിഡിയുടെ പ്രവര്ത്തനങ്ങള്ക്ക് കൂടുതല് കരുത്ത് പകരുന്നതിന് പുറമെ വിവരങ്ങള് ശരിയാംവണ്ണം മനസ്സിലാക്കി ശരിയായ തീരുമാനങ്ങളെടുക്കുന്നതിനും സംഘടനാപരമായ പ്രവര്ത്തനങ്ങള് മെച്ചപ്പെടുത്തുന്നതിനും ഡാഷ്ബോര്ഡ് സഹായിക്കുന്നു. അഗ്നിശമന സേനയുടെയും മറ്റ് വിഭാഗങ്ങളുടെയും പ്രവര്ത്തനങ്ങള് നിരീക്ഷിക്കുന്നതിനുള്ള ആഭ്യന്തര വിനിമയ സംവിധാനം മെച്ചപ്പെടുത്തുന്നുവെന്നതിന് പുറമെ താമസ്സക്കാരോടുള്ള ഞങ്ങളുടെ പ്രതിബദ്ധതയും ഇതിലൂടെ വെളിവാകുന്നു. തങ്ങളുടെ കെട്ടിടത്തിന്റെ കരുത്തും സുരക്ഷാനിലയും പ്രദര്ശിപ്പിക്കുന്ന പ്രത്യേകം ഡാഷ്ബോര്ഡ് ദുബായിലെ എല്ലാ കെട്ടിട ഉടമകള്ക്കും നല്കും. കെട്ടിട ഉടമകള്ക്കും താമസക്കാര്ക്കും മെച്ചപ്പെട്ട സേവനങ്ങള് നല്കാന് ഡാഷ്ബോര്ഡ് മറ്റ് സര്ക്കാര് വിഭാഗങ്ങളെയും സഹായിക്കും റാഷിദ് ഥാനി റാഷിദ് അല് മത്രൂഷി പറഞ്ഞു.
നഗരത്തിന്റെ ഭാവിക്കനുയോജ്യമായ പുതിയ സാങ്കേതികവിദ്യകള് നടപ്പാക്കുന്നതില് ദുബായ് സിവില് ഡിഫന്സ് വിഭാഗം എന്നും മുന്പന്തിയില് നിന്നിട്ടുണ്ട്. മുനിസിപ്പല് വിവരങ്ങള് കൂടുതല് സൂതാര്യവും പ്രാപ്യവുമാക്കുന്നതിന് സാങ്കേതികവിദ്യ ഉപയോഗിക്കുന്നതില് നേതൃത്വത്തിന്റെ പ്രതിബദ്ധതയുടെ തെളിവാണ് ദുബായ് ലൈഫ് സേഫ്റ്റി ഡാഷ്ബോര്ഡ്. ഡാഷ്ബോര്ഡ് നടപ്പാക്കുന്നതോടെ പൊതുമേഖലയിലെ നിലവിലെ സാങ്കേതിക സാധ്യത ഉപയോഗിക്കാനുള്ള തയ്യാറെടുപ്പിലാണ് നേതൃത്വം.
-
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google