'അവസാനത്തെ വായനക്കാരന്' ... എഴുത്തിന്റെ മാന്ത്രികതയും ജീവിതത്തിന്റെ യാഥാര്ത്ഥ്യവും
കടുത്ത വരള്ച്ചയിലൂടെ കടന്നുപോകുന്ന മെക്സിക്കോയിലെ ഇക്കാമോള് എന്ന ഗ്രാമമാണ് ഡേവിഡ് ടോസ്കാനയുടെ 'അവസാനത്തെ വായനക്കാരന്' എന്ന നോവലിന്റെ പശ്ചാത്തലം. ഗ്രാമം മുഴുവന് വരള്ച്ചയില് നീറുമ്പോഴും റെമിഗിയോ എന്ന യുവാവ് തന്റെ കിണറ്റിലെ ജലസമൃദ്ധിയില് അഹങ്കരിക്കുകയും ആനന്ദിക്കുകയും ചെയ്യുന്നു. തനിക്കും തന്റെ അവക്കാഡോ മരത്തിനുമല്ലാതെ കിണറിലെ ജലം ഉപയോഗിക്കാന് അയാള് ഒരുക്കമായിരുന്നില്ല.
ഒരു ദിനം രാവിലെ പതിവുപോലെ തന്റെ പ്രിയപ്പെട്ട അവക്കാഡോ മരത്തിനായി വെള്ളം കോരാന് തുടങ്ങിയ റെമിഗിയോ കിണറിന്റെ അടിത്തട്ടില് ഒരു യുവതിയുടെ ചേതനയറ്റ ശരീരം കണ്ട് ഞെട്ടിത്തരിച്ചു. ആ ഗ്രാമത്തിലെ ഒരേയൊരു വായനക്കാരനും ഗ്രന്ഥശാലയ്ക്കുടമയുമായ സ്വന്തം പിതാവ് ലൂഷ്യോയോയുടെ അടുക്കലേക്കാണ് സഹായത്തിനായി റെമിഗിയോ ചെന്നത്.
മകന്റെ പ്രശ്നങ്ങള് കേട്ടുമനസ്സിലാക്കിയ ലൂസിയോ താന് വായിച്ചിട്ടുള്ള പുസ്തകങ്ങളില് നിന്നും അവയ്ക്കുള്ള പരിഹാരങ്ങള് കണ്ടെത്താന് ശ്രമം തുടങ്ങുന്നു. തുടര്ന്ന് നോവലിലെ കഥാസന്ദര്ഭങ്ങളെ ജീവിതവുമായി കൂട്ടിയിണക്കി യാഥാര്ത്ഥ്യത്തിന്റെയും അയഥാര്ത്ഥ്യത്തിന്റെയും ഇടയിലായി ഒരു മാന്ത്രികതലം സൃഷ്ടിച്ചുകൊണ്ട് 'അവസാനത്തെ വായനക്കാരന്' വായനക്കാരെ നയിക്കുകയാണ്.
സ്പാനിഷ് സാഹിത്യത്തിന്റെ പ്രൗഢിയും സൗന്ദര്യവും സമ്മേളിക്കുന്ന വിശിഷ്ടമായൊരു രചനയാണ് 'അവസാനത്തെ വായനക്കാരന്'. 'ഗബ്രിയേല് ഗാര്സിയ മാര്ക്കേസിന്റെയും ഹോര്ഹെ അമാഡോയുടെയും രചനകള്ക്കൊപ്പം നില്ക്കാന് അര്ഹതയുള്ള കൃതി' എന്ന് ന്യൂയോര്ക്ക് ടൈംസ് ഈ നോവലിനെ വിശേഷിപ്പിച്ചത് തികച്ചും നീതിയുക്തമാണെന്ന് അവസാനത്തെ താള് മറിക്കുന്നതോടെ വായനക്കാരന് അനുഭവപ്പെടും. മലയാളവിവര്ത്തനം നിര്വ്വഹിച്ചിരിക്കുന്നത് പ്രഭാ സക്കറിയാസാണ്.
പുസ്തകം
-
അവസാനത്തെ
വായനക്കാരന്
(The
Last
Reader)
ഗ്രന്ഥകാരന്
-
ഡേവിഡ്
ടോസ്കാന
വിവര്ത്തനം
-
പ്രഭാ
സക്കറിയാസ്
വിഭാഗം
-
നോവല്
ISBN
-
978-81-264-4223
-2
പേജ്
-
158
വില
-
120.00
പ്രസാധകര്
-
ഡി
സി
ബുക്സ്,
കോട്ടയം