ജലബോംബിന്റെ ഭീതിയില്‍ കേരളം

ഇന്ത്യയ്ക്ക് കള്ളപ്പണവും അഴിമതിയും വിലക്കയറ്റവും ബോളിവുഡിനാണെങ്കില്‍ ഐശ്വര്യയുടെ കുഞ്ഞും ബിഗ് ബോസിലെ പുതിയ താരോദയവുമെല്ലാമാണ് വിഷയം. കര്‍ണാടകത്തില്‍ രാഷ്ട്രീയപ്രശ്‌നങ്ങളും ആന്ധ്രയ്ക്ക് ടെന്‍ഷനാവാന്‍ തെലുങ്കാനയുമുണ്ട്. എന്നാല്‍ ഇതിലെല്ലാം ശ്രദ്ധിക്കപ്പെടേണ്ട ഇവയേക്കാളെല്ലാം പ്രസക്തമായ ചുരുക്കിപ്പറഞ്ഞാല്‍ വലിയൊരു ഭീഷണിയുടെ വക്കിലാണ് കേരളം.

സമൂഹത്തെ നോക്കിയാല്‍ പെട്ടന്നത് മനസ്സിലാവില്ല, കാരണം വരാനിരിക്കുന്ന ഭീഷണിയെക്കുറിച്ചുള്ള സാധാരണക്കാരില്‍ പലരിലേയ്ക്കും എത്തിയിട്ടില്ല. പറഞ്ഞുവരുന്നത് മറ്റൊന്നിനെക്കുറിച്ചുമല്ല, മുല്ലപ്പെരിയാര്‍ അണക്കെട്ടിനെക്കുറിച്ചുതന്നെ.

അടിയ്ക്കടിയായുണ്ടാകുന്ന ഭൂചലനങ്ങളെക്കുറിച്ചും അതുമൂലം 116 വര്‍ഷം പഴക്കമുള്ള അണക്കെട്ടില്‍ വീണിരിക്കുന്ന വിള്ളലുകളെക്കുറിച്ചും ഓര്‍ക്കാനും അതിന് പരിഹാരം കാണുകയെന്ന ലക്ഷ്യത്തെക്കുറിച്ച് ചിന്തിക്കാനും സര്‍ക്കാറിനോ മറ്റ് അധികൃതര്‍ക്കോ സമയമില്ലെന്നപോലെയാണ് കാര്യങ്ങള്‍. ഇലയ്ക്കും മുള്ളിനും കേടില്ലാതെ പ്രശ്‌നം പരിഹരിക്കേണ്ട കേന്ദ്രസര്‍ക്കാറും സുപ്രീം കോടതിയുമാണെങ്കില്‍ ഇതൊന്നുമറിയുന്ന മട്ടുകാണിക്കുന്നുമില്ല.

ഇങ്ങനെയൊരവസരത്തിലാണ് നമ്മുടെ ഓണ്‍ലൈന്‍ സമൂഹം ക്രിയാത്മകമാകുന്നത്. സോഷ്യല്‍ നെറ്റ് വര്‍ക്കുകളും ബ്ലോഗുകളുമെല്ലാം ഇക്കാര്യത്തില്‍ ഒരു അവബോധമുണ്ടാക്കാനുള്ള തീവ്രശ്രമത്തിലാണ്. ജലബോംബ് എന്ന് ഏറ്റവും വലിയൊരു ഭീഷണിയാണ് മുല്ലപ്പെരിയാര്‍ അണക്കെട്ട് ഉയര്‍ത്തുന്നത്. നിര്‍ഭാഗ്യവശാല്‍ അണക്കെട്ട് പൊട്ടുന്നൊരു അവസ്ഥയുണ്ടായാല്‍ കേരളത്തിലെ മൂന്നു ജില്ലകളും സര്‍വ്വജീവജാലങ്ങളുമായി കടലില്‍ച്ചേരുമെന്നകാര്യത്തില്‍ സംശയമില്ല.

അടുത്തപേജില്‍

English summary

With experts declaring that the town of Idukki in Kerala is earthquake prone, the fears of the cracks in the Mullaperiyar dam has only heightened. The 116-year old dam was mired in controversy after fresh cracks appeared in the dam after the mild tremors on Nov 18,