Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
എങ്ങനെ മതം മാറാം: നിയമ കമ്മീഷന്റെ നിര്‍ദ്ദേശങ്ങള്‍
എങ്ങനെയാണ് നിയമ പ്രകാരം മതം മാറുക. ഈ ചോദ്യം പലരും പലപ്പോഴായി ചോദിച്ചിട്ടുണ്ടാകും. ലോ കമ്മീഷന്‍ ഇത് സംബന്ധിച്ച് ചില മാര്‍ഗ്ഗ നിര്‍ദ്ദേശങ്ങള്‍ മുന്നോട്ട് വച്ചിട്ടുണ്ട്. അവ പരിശോധിക്കാം
മതം മാറി ഒരു മാസം പൂര്‍ത്തിയാകുന്നതിന് മുമ്പ് മതം മാറിയ വ്യക്തി താന്‍ മതം മാറിയതായുള്ള സത്യവാങ് മൂലം തയ്യാറാക്കി, അത് പ്രദേശത്തെ വിവാഹ രജിസ്‌ട്രേഷന്റെ ഉത്തരവാദിത്തമുള്ള ഉദ്യോഗസ്ഥന് മുന്നില്‍ സമര്‍പ്പിക്കണം. ഇതിന്റെ ഒരു പകര്‍പ്പ് ഉദ്യോഗസ്ഥര്‍ ഓഫീസിലെ നോട്ടീസ് ബോര്‍ഡില്‍ പ്രദര്‍ശിപ്പിക്കും.
മതം മാറിയ വ്യക്തിയുടെ സമ്പൂര്‍ണ വിവരങ്ങള്‍ അടങ്ങിയതായിരിക്കണം സത്യവാങ്മൂലം. പേര്, ജനന തിയ്യതി, സ്ഥിരം മേല്‍വിലാസം, താമസിക്കുന്ന സ്ഥലം, ഭര്‍ത്താവിന്റെ/പിതാവിന്റെ പേര്, ഏത് മതത്തിലായിരുന്നു ആദ്യം വിശ്വസിച്ചിരുന്നത്, ഇപ്പോള്‍ ഏത് മതത്തിലേക്ക് മാറിയത്, എവിടെവച്ചാണ് മതപരിവര്‍ത്തനം നടത്തിയത്, എന്തൊക്കെ ചടങ്ങുകളാണ് ഉണ്ടായിരുന്നത് തുടങ്ങിയ കാര്യങ്ങള്‍ സത്യവാങ്മൂലത്തില്‍ വ്യക്തമാക്കണം.
സത്യവാങ്മൂലം സമര്‍പ്പിച്ച് 21 ദിവസത്തിനകം മതം മാറിയ വ്യക്തി രജിസ്ട്രേഷന് ഓഫീസര്‍ക്ക് മുന്നില്‍ ഹാജരായി സത്യവാങ്മൂലത്തില്‍ പറഞ്ഞിട്ടുള്ള കാര്യങ്ങള്‍ സത്യമാണെന്ന് തെളിയിക്കണം. ഇക്കാര്യങ്ങള്‍ രജിസ്ട്രേഷന് ഓഫീസര്‍ ഒരു രജിസ്റ്ററില്‍ രേഖപ്പെടുത്തും. ആര്‍ക്കെങ്കിലും മതം മാറ്റത്തില്‍ എതിര്‍പ്പുണ്ടെങ്കില്‍ അതും രേഖപ്പെടുത്തി വക്കണം.
തുടര്‍ന്ന സര്‍ട്ടിഫിക്കറ്റിന് അപേക്ഷിച്ചാല്‍ മതം മാറിയ സാക്ഷ്യപത്രം അപേക്ഷകന് ലഭ്യമാകും. ഇത് ലോ കമ്മീഷന്റെ പൊതു മാര്‍ഗ്ഗ നിര്‍ദ്ദേശമാണ്. മതപരിവര്‍ത്തനം സംബന്ധിച്ച് വ്യക്തമായ നിയമങ്ങളുള്ള സംസ്ഥാനങ്ങള്‍ക്ക് ഈ മാര്‍ഗ്ഗ നിര്‍ദ്ദേശങ്ങള്‍ ബാധകമല്ല.
