Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇന്ത്യന്‍ തിരഞ്ഞെടുപ്പില്‍ ചൈനീസ് സാന്നിധ്യം?
ഭോപ്പാല്‍: ചൈന ഇന്ത്യയെ പോലെ ഒരു ജനാധിപത്യ രാഷ്ട്രമല്ല.ആണെങ്കില്‍ തന്നെയും അവര്‍ക്ക് ഇന്ത്യയില്‍ നടക്കുന്ന തിരഞ്ഞെടുപ്പില്‍ എന്താണിത്ര താത്പര്യം. ആരുമറിയാതെ ഇന്ത്യയിലെ തിരഞ്ഞെടുപ്പുകളില്‍ ചൈനയുടെ രഹസ്യ സാന്നിധ്യം അടുത്തകാലത്തായി കൂടി വരികയാണ്.
ഞെട്ടണ്ട. തിരഞ്ഞെടുപ്പിനെ അട്ടിമറിക്കാനോ സ്വാധീനിക്കാനോ അല്ല ചൈനയുടെ പരിപാടി. പക്ഷെ തിരഞ്ഞെടുപ്പ് എന്ന വലിയ വിപണി മുതലാക്കാനാണ് ശ്രമം.
മധ്യപ്രദേശ് തിരഞ്ഞെടുപ്പാണ് ചൈനീസ് ഉത്പന്നങ്ങളുടെ അടുത്ത ലക്ഷ്യം. ഇന്ത്യയിലെ ഏറ്റവും വലിയ രണ്ടാമത്തെ സംസ്ഥാനമായ മധ്യപ്രദേശില്‍ തിരഞ്ഞെടുപ്പ് പ്രചാരണത്തിനുപയോഗിക്കുന്ന സാധനങ്ങള്‍ മിക്കവയും ചൈനയില്‍ നിര്‍മിച്ചവയാണ്.
ബാഡ്ജുകള്‍, കയ്യില്‍ കെട്ടുന്ന ബാന്‍ഡുകള്‍, തോരണങ്ങള്‍, ബലൂണുകള്‍, വര്‍ണവിളക്കുകള്‍ എന്ന് വേണ്ട തിരഞ്ഞെടുപ്പ് പ്രചാരണത്തിനുപയോഗിക്കുന്ന മിക്ക സാധനങ്ങളും ഇപ്പോള്‍ ചൈനയില്‍ നിന്നാണ് എത്തുന്നത്.
51 ജില്ലകളുള്ള മധ്യപ്രദേശില്‍ തിരഞ്ഞെടുപ്പ് വിപണി പിടിക്കാനുള്ള ശ്രമത്തിലാണ് ചൈനീസ് സംരഭകര്‍. ദില്ലിയിലുളള ഏജന്റ്മാര്‍ വഴി ഇതിനുള്ള ശ്രമങ്ങള്‍ അവര്‍ തുടങ്ങിക്കഴിഞ്ഞു. ഇത്തവണത്തെ തിരഞ്ഞെടുപ്പില്‍ ചൈനയില്‍ നിന്നുള്ള തിരഞ്ഞെടുപ്പ് പ്രചാരണ സാമഗ്രികള്‍ രാഷ്ട്രീയ പാര്‍ട്ടികളുടെ കെട്ടും മട്ടും മാറ്റുമെന്നാണ് പ്രതീക്ഷിക്കപ്പെടുന്നത്.
രാഷ്ട്രീയ നേതാക്കളുടെ മുഖം മൂടികള്‍ തിരഞ്ഞെടുപ്പ് പ്രചാരണത്തില്‍ വലിയ സ്വാധീനം ചെലുത്തുമെന്നാണ് പ്രതീക്ഷിക്കപ്പെടുന്നത്. കഴിഞ്ഞ തവണ നരേന്ദ്ര മോഡി ഗുജറാത്തില്‍ പരീക്ഷിച്ച് വിജയം കണ്ട തന്ത്രമാണിത്.
വലിയ ഹോര്‍ഡിങ്ങുകളും ഇത്തവണത്തെ മധ്യപ്രദേശ് തിരഞ്ഞെടുപ്പിനെ വര്‍ണാഭമാക്കുമെന്നാണ് കരുതുന്നത്. സ്‌പെഷ്യല്‍ ഇഫക്ട്‌സോടെയുള്ള പ്രത്യക തരം ചൈനീസ് ഹോര്‍ഡിങ്ങുകള്‍ക്കായി ഓര്‍ഡറുകള്‍ പെരുകിത്തുടങ്ങി എന്നാണ് അറിവ്. പാര്‍ട്ടി ചിഹ്നങ്ങള്‍ മുദ്രണം ചെയ്ത ഭീമാകാരന്‍മാരായ ഹൈഡ്രജന്‍ ബലൂണുകളും ഇത്തവണത്തെ മധ്യപ്രദേശ് തിരഞ്ഞെടുപ്പിന്റെ മോഡി കൂട്ടും.
