കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രാഘവന്‍ വധശ്രമക്കേസ്‌: പ്രതികളെ വെറുതെവിട്ടു

  • By Staff
Google Oneindia Malayalam News

തലശ്ശേരി: മുന്‍ മന്ത്രിയും സിഎംപി നേതാവുമായ എംവി രാഘവനെ വധിക്കാന്‍ ശ്രമിച്ച കേസില്‍ വിചാരണ നേരിട്ട 25 പ്രതികളെയും വെറുതെ വിട്ടു. തലശ്ശേരി അഡീഷണല്‍ സെഷന്‍സ്‌ കോടതിയുടെതാണ്‌ വിധി.

1994 നവംബര്‍ 25ന്‌ കൂത്തുപറമ്പ്‌ കോ-ഓപ്പറേറ്റീവ്‌ അര്‍ബന്‍ ബാങ്ക്‌ ശാഖയുടെ ഉദ്‌ഘാടനത്തിന്‌ എത്തിയ സഹകരണവകുപ്പുമന്ത്രി എംവി രാഘവനെ കണ്ണൂര്‍-കൂത്തുപറമ്പ്‌ റോഡില്‍ വച്ച്‌ സിപിഎം- ഡിവൈഎഫ്‌ഐ പ്രവര്‍ത്തകര്‍ മാരകായുധങ്ങളുമായി എത്തി വധിക്കാന്‍ ശ്രമിച്ചുവെന്നതായിരുന്നു കേസ്‌.

പൊലീസ്‌ വെടിവയ്‌പില്‍ അഞ്ചു ഡിവൈഎഫ്ഐ പ്രവര്‍ത്തകര്‍ കൊല്ലപ്പെട്ടതിലേക്കു നയിച്ച സംഭവങ്ങളുമായി ബന്‌ധപ്പെട്ട ഈ കേസില്‍ തലശ്ശേരി എ.എസ്‌.പിയായിരുന്ന രവതാ ചന്ദ്രശേഖറുടെ മൊഴിപ്രകാരമാണ്‌ പൊലീസ്‌ പ്രഥമവിവരറിപ്പോര്‍ട്ട്‌ തയ്യാറാക്കിയത്‌.പോലീസ്‌ വെടിവെയ്‌പ്പില്‍ കൊല്ലപ്പെട്ടവരടക്കം 88 പ്രതികളാണ്‌ കേസിലുളളത്‌.

സിപിഎംനേതാവ്‌ എം സുരേന്ദ്രന്‍ ഉള്‍പ്പെടെ 25 പ്രതികള്‍ വിചാരണവേളയില്‍ കോടതിയില്‍ ഹാജരായി. സിപിഎം സംസ്ഥാന സമിതി അംഗം എം.വി ജയരാജനടക്കം 60 പ്രതികളെ ഇനിയും വിസ്‌തരിക്കേണ്ടതുണ്ട്‌.ഇവരുടെ വിചാരണ തുടരുമെന്ന്‌ കോടതി അറിയിച്ചു. എംവി.രാഘവനുള്‍പ്പെടെ 53 സാക്ഷികളെ വിസ്‌തരിച്ചു.

കോടതി വിധി പ്രതീക്ഷിച്ചിരുന്നതാണെന്ന്‌ എം.വി.രാഘവന്‍ പറഞ്ഞു. സിപിഎം ഗുണ്ടകളെ ഉപയോഗിച്ച്‌ സാക്ഷികളെ നിര്‍ബന്ധിച്ച്‌ കൂറുമാറ്റിച്ചകേസില്‍ നീതി പ്രതീക്ഷിച്ചിരുന്നില്ലെന്നു അദ്ദേഹം വ്യക്തമാക്കി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X