എസ്എഫ്ഐ മാര്ച്ചില് സംഘര്ഷം
പ്രവര്ത്തകര് റോഡില് കുത്തിയിരിപ്പ് സമരം നടത്തി. യൂണിവേഴ്സിറ്റി കോളജിനകത്തു നിന്നു പൊലീസിനു നേര്ക്ക് പ്രവര്ത്തകര് കല്ലെറിഞ്ഞു. കല്ലേറില് ചില വാഹനങ്ങളുടെ ചില്ലുകള് തകര്ന്നു. പോലീസ് കാമ്പസിനുള്ളിലേക്ക് ജലപീരങ്കിയും ഗ്രനേഡും പ്രായോഗിച്ചു.
പോലീസ് നടപടിയില് സെക്രട്ടേറിയറ്റംഗം ഷിജു ഖാന് അടക്കം ഒട്ടേറെ പ്രവര്ത്തകര്ക്ക് പരുക്കേറ്റു. ട്യൂബ് ലൈറ്റുകളും ചുടുകട്ടകളും വച്ചാണ് വിദ്യാര്ഥികള് പോലീസിനുനേരെ ആക്രമണം നടത്തിയത്. കാമ്പസില് പോലീസ് പ്രവേശിക്കുന്നത് തടയുന്ന നീക്കമാണ് വിദ്യാര്ഥികള് നടത്തിയത് കാമ്പസിനു മുമ്പില് കുത്തിയിരുന്ന് വിദ്യാര്ഥികള് മുദ്രാവാക്യം വിളിച്ചു.
മാധ്യമ പ്രവര്ത്തകര്ക്കു നേരെയും വിദ്യാര്ഥികള് കല്ലെറിഞ്ഞു. പെട്രോള് വിലവര്ധനയ്ക്കെതിരെ കഴിഞ്ഞദിവസം എസ്എഫ്ഐ നടത്തിയ മാര്ച്ചില് പൊലീസ് പ്രവര്ത്തകരെ മര്ദ്ദിച്ചെന്ന് ആരോപിച്ചായിരുന്നു ചൊവ്വാഴ്ചത്തെ മാര്ച്ച്.