അഞ്ചാം മന്ത്രി: തടസ്സവാദവുമായി മുരളീധരന്
മുന്നണിയില് കോണ്ഗ്രസ് തുടര്ച്ചയായി വിട്ടുവീഴ്ചയ്ക്ക് തയ്യാറാകുന്നത് പ്രവര്ത്തകര്ക്കിടയില് അസ്വാരസ്യങ്ങള് ഉണ്ടാക്കുന്നുണ്ടെന്നും അദ്ദേഹം അഭിപ്രായപ്പെട്ടു.
ലീഗിനു അഞ്ചാം മന്ത്രിസ്ഥാനം ഉറപ്പായെന്നും അലി മന്ത്രിയാകുമെന്നും ലീഗ് നേതാവ് കെ.പി.എ. മജീദ് കഴിഞ്ഞ ദിവസം പറഞ്ഞിരുന്നു. പിറവം ഉപതിരഞ്ഞെടുപ്പ് കഴിഞ്ഞായിരിക്കും സത്യപ്രതിജ്ഞയെന്നും ഇക്കാര്യങ്ങളെല്ലാം മുഖ്യമന്ത്രി ഉമ്മന് ചാണ്ടി തീരുമാനിക്കുമെന്നുമായിരുന്നു മജീദ് പറഞ്ഞത്.
യുഡിഎഫ് സര്ക്കാര് അധികാരത്തിലേറിയ കാലത്തുതന്നെ അഞ്ചാമതൊരു മന്ത്രിസ്ഥാനത്തിനായി ലീഗ് സമ്മര്ദ്ദം ചെലുത്തുകയാണ്. ഒരുവട്ടം അവര് ഇത് പ്രഖ്യാപിക്കുകയും ചെയ്തു. എന്നാല് ഘടകകക്ഷികള് ഇടഞ്ഞതിനെത്തുടര്ന്ന് പിന്നീട് ലീഗ് ഇക്കാര്യം യുഡിഎഫിന്റെ തീരുമാനത്തിന് വിടുകയായിരുന്നു. എന്നാല് ഇപ്പോള് പിറവം ഉപതിരഞ്ഞെടുപ്പ് മുന്നിര്ത്തി ലീഗ് വീണ്ടും വിലപേശിയിരിക്കുകയാണെന്ന് റിപ്പോര്ട്ടുണ്ടായിരുന്നു.
പിറവത്ത് കഴിഞ്ഞവട്ടം ടിഎം ജേക്കബ് ജയിച്ചത് ചെറിയ ഭൂരിപക്ഷത്തിനാണെന്നതിനാല് തങ്ങളുടെ നിലപാട് നിര്ണായകമാകുമെന്ന് യുഡിഎഫിനെ ബോധ്യപ്പെടുത്താനാണ് ലീഗ് ശ്രമമെന്നാണ് സൂചന.
Click it and Unblock the Notifications
Sign in with Google