ഫോണ് ചോര്ത്തല്: രാജേഷും ജയരാജനും പരാതി നല്കി
അതേസമയം തന്റെ വീട്ടിലെ ഫോണ് കോളുകളും മൊബൈല് ഫോണുകളും ചോര്ത്തുന്നുവെന്നാരോപിച്ചാണ് പി ജയരാജന് ആഭ്യന്തര മന്ത്രിയ്ക്ക് പരാതി നല്കിയത്. കുമ്പളയിലെ ബിഎസ്എന്എല് ജനറല് മാനേജരുടെ അധീനതയിലുള്ള ഓഫിസ് മുഖേനയാണ് ഫോണ് ചോര്ത്തല് നടക്കുന്നതെന്ന് വിശ്വസനീയ കേന്ദ്രങ്ങളില് നിന്ന്് തനിക്ക് വിവരം ലഭിച്ചിട്ടുള്ളതായും ജയരാജന് പരാതിയില് വ്യക്തമാക്കി.
പ്രത്യേക സാഹചര്യങ്ങളില് കേന്ദ്ര, സംസ്ഥാന ആഭ്യന്തര സെക്രട്ടറിമാരുടെ അനുവാദത്തോടെ മാത്രമേ ഫോണ് ചോര്ത്താവൂ എന്ന് സുപ്രീംകോടതി നിഷ്കര്ഷിച്ച സാഹചര്യത്തില് അനുവാദമില്ലാതെ നടത്തുന്ന ഫോണ് ചോര്ത്തല് മൗലികാവകാശ ലംഘനമാണ്. കഴിഞ്ഞ മൂന്ന് മാസക്കാലമായി തന്റേയും മറ്റ് ചില സിപിഎം നേതാക്കളുടേയും ഫോണ് സംഭാഷണങ്ങള് ചോര്ത്തുകയാണ്. നിയമസഭയില് രാഷ്ട്രീയ നേതാക്കളുടെ ഫോണ് ചോര്ത്തുന്നുണ്ടോ എന്ന ചോദ്യത്തിന് വെളിപ്പെടുത്താനാകില്ലെന്നാണ് മന്ത്രി ഉത്തരം നല്കിയത്. ഫോണ് ചോര്ത്തുന്നുണ്ടെന്ന കാര്യം ഇതിലൂടെ തന്നെ വ്യക്തമാണെന്നും പരാതിയില് പറയുന്നു.
Click it and Unblock the Notifications
Sign in with Google