കര്ണാടകയില് 203 ക്രോര്പതി എംഎല്എമാര്
ആകെ 224 എം എല് എ മാരാണ് കര്ണാടകയില് ഉള്ളത്. ഇതില് 203 പേരും കോടീശ്വരന്മാരാണ് എന്നാല് സഭയിലെ കോടീശ്വരന്മാരുടെ എണ്ണം 92 ശതമാനത്തിലും മീതെ. തിരഞ്ഞെടുപ്പ് കമ്മീഷന് നല്കിയ വിവരങ്ങളെ ആധാരമാക്കിയാണ് ഈ വസ്തുതകള് പുറത്തുവന്നിരിക്കുന്നത്. കഴിഞ്ഞ സഭയെ അപേക്ഷിച്ച് 63 ശതമാനമാണ് കോടീശ്വരന്മാരായ എം എല് എമാരുടെ എണ്ണത്തിലെ വര്ദ്ധന.
കോണ്ഗ്രസിനാണ് ഏറ്റവുമധികം ക്രോര്പതി എം എല് എമാര് സ്വന്തമായുള്ളത്. 112 പേരാണ് കോണ്ഗ്രസ് പാര്ട്ടിയിലെ കോടീശ്വരന്മാരായി ഉള്ളത്. ബി ജെ പിയിലെ 27 പേരും ജനതാദളിലെ 36 പേരും കോടീശ്വരന്മാരാണ്. ഇരുപാര്ട്ടികള്ക്കും നിയമസഭില് 40 വീതം അംഗങ്ങളാണ് ഉള്ളത്.
കഴിഞ്ഞില്ല, 74 എം എല് എമാര്ക്ക് കാര്യമായ ക്രിമിനല് പശ്ചാത്തലവും ഉണ്ട്. ഇതില് 39 പേര് മാനഭംഗം ശ്രമം, തട്ടിക്കൊണ്ടുപോകല്, വധശ്രമം എന്നിങ്ങനെയുള്ള ചാര്ജ്ജുകള് സ്വന്തം പേരിലുള്ളവരാണ്. അഴിമതിക്കെതിരായ വിധിയെഴുത്ത് എന്ന് പറയപ്പെടുന്ന തിരഞ്ഞെടുപ്പില് ജനങ്ങള് തിരഞ്ഞെടുത്തവരില് അഴിമതിക്കേസില് പെട്ടിട്ടുള്ള 11 പേരുമുണ്ട്.