ചൂടുവെള്ളത്തില്‍ വീണ പൂച്ച, അല്ലെങ്കില്‍ എണ്ണ ഉത്പാദനം കുറക്കാത്ത സൗദി

സൗദി അറേബ്യയുടെ സമ്പത്ത് മുഴുവന്‍ എണ്ണയില്‍ നിന്ന് കിട്ടിയതാണ്. ആര്‍ക്കും വേണ്ടാതെ കിടന്നിരുന്ന മരുഭൂമി എണ്ണയുടെ അക്ഷയ ഖനിയാണെന്ന് തിരിച്ചറിഞ്ഞതോടെ ലോകം മുഴുവന്‍ അങ്ങോട്ടേക്ക് യാത്രയായി. സമ്പത്തിന്റെ ഔന്നത്യത്തില്‍ നിന്ന് സാമ്പത്തിക പ്രതിസന്ധിയുടെ ഗര്‍ത്തത്തിലേക്ക് സൗദിയെ പോലൊരു രാജ്യം വീണാല്‍ എങ്ങനെയിരിക്കും?

ചരിത്രത്തില്‍ അത് സംഭവിച്ചിട്ടുണ്ട്. എണ്ണവില ചരിത്രത്തിലെ തന്നെ എറ്റവും വലിയ വീഴ്ച നേരിട്ട കാലം. 1980 കളില്‍ ആണ് സംഭവം. എണ്ണ ഉത്പാദനം അതിന്റെ ആദ്യ ഘട്ടത്തില്‍ ആയിരുന്നതിനാല്‍ വളരെ ഉയര്‍ന്ന തോതില്‍ ആയിരുന്നു. എന്നാല്‍ അപ്പോഴേക്കും പല പുതിയ രാജ്യങ്ങളും ഈ മേഖലയിലേക്ക് കടന്നുവന്നു. ഉത്പാദനം പതിന്‍മടങ്ങ് കൂടി. എണ്ണവില കുത്തനെ ഇടിഞ്ഞു.

35 ഡോളറില്‍ നിന്ന് ബാരലിന് 10 ഡോളര്‍ എന്ന നിലയിലേക്ക് എണ്ണ വിപണി കൂപ്പുകുത്തി. വില പിടിച്ച് നിര്‍ത്താന്‍ അന്ന് സൗദി അറേബ്യ ഉപയോഗിച്ച തന്ത്രമായിരുന്നു ഉത്പാദം കുറക്കുക എന്നത്. പ്രതിദിനം ഒരു കോടി ബാരല്‍ ഉത്പാദിപ്പിച്ചിരുന്നത് ഒറ്റയടിക്ക് 25 ലക്ഷമാക്കി കുറച്ചു. 1985-86 കാലഘട്ടത്തിലായിരുന്നു ഇത്.

എന്നാല്‍ ഇത് കൊണ്ട് ഉദ്ദേശിച്ച ഫലം കിട്ടിയില്ല. സൗദിയുടെ സമ്പത്തിക സുരക്ഷ തകര്‍ന്നു. പിന്നീട് എണ്ണ ഉത്പാദനം കൂട്ടി റിയാദ് തുടങ്ങിവച്ച നടരടിയാണ് വിപണിയെ തിരിച്ചുകൊണ്ടുവന്നത്. എന്നാല്‍ ആ സാമ്പത്തിക പ്രതിസന്ധിയില്‍ നിന്ന് കരകയറാന്‍ സൗദി അറേബ്യ ഏറെ വര്‍ഷങ്ങള്‍ എടുത്തു. 16 വര്‍ഷങ്ങള്‍ സൗദിക്ക് കമ്മി ബജറ്റ് ആയിരുന്നു. കടം പെരുകിക്കയറി. കടുത്ത സാമ്പത്തിക പരിഷ്‌കാരങ്ങള്‍ക്കൊടുവിലാണ് അവര്‍ തിരിച്ചെത്തിയത്.

ഈ അനുഭവം മാത്രം മതി എണ്ണ ഉത്പാദനം കുറച്ച് വിപണിയെ തിരിച്ചുകൊണ്ടുവരാനുള്ള നീക്കത്തില്‍ നിന്ന് സൗദിയെ പിന്തിരിപ്പിക്കാന്‍. വീണ്ടും അത്തരം ഒരു നിലപാട് സൗദി എടുത്തിരുന്നെങ്കില്‍ അത് വലിയ പ്രതിസന്ധി തന്നെ സൃഷ്ടിച്ചേനെ.

English summary

What is the reason for crude oil price fall? It may affected by seasonality in the demand for heating oil, Changes in the cost of crude oil, Competition in local markets and even political instabilities.