ഇടുക്കി അണക്കെട്ടും തുറന്നേക്കും; റെഡ് അലര്ട്ട് പ്രഖ്യാപിച്ചു, 2398.32 അടി പിന്നിട്ടു
ഇടുക്കി : മുല്ലപ്പെരിയാര് അണക്കെട്ടിന്റെ സ്പില്വെ തുറന്നതിന്റെ പശ്ചാത്തലത്തില് ഇടുക്കി ജല വൈദ്യുത പദ്ധതിയുടെ ഭാഗമായ ചെറുതോണി ഡാമിന്റെ ഷട്ടറുകള് തുറന്നേക്കും. ഡാമില് ഇപ്പോള് റെഡ് അലര്ട്ട് പ്രഖ്യാപിച്ചിരിക്കുകയാണ്. ജലനിരപ്പ് റൂള് കര്വ് പരിധിയായ 2398.32 അടി പിന്നിട്ടിരിക്കുകയാണ്. ചെറുതോണി ഡാമിന്റെ ഷട്ടറുകള് 29/10/2021 വൈകിട്ട് 4.00 മണിക്ക് ശേഷമോ , 30/ 10/ 2021ന് രാവിലെ മുതലോ തുറന്ന് ജലം പുറത്തേക്കൊഴുകുന്നതിന് അനുമതി നല്കിയുള്ള ജില്ലാ കളക്ടര് ഉത്തരവിറക്കിയിട്ടുണ്ട് .
അതേ സമയം, മുല്ലപ്പെരിയാറിലെ ജലനിരപ്പ് 138 അടിയില് നിലനിര്ത്തുന്നതിന് ആവശ്യമായ ജലം തുറന്നു വിട്ടാല് ഇടുക്കി ഡാമില് നാലിലൊന്നു അടി മാത്രമേ ജലനിരപ്പ് ഉയരുകയുളളുവെന്ന് നേരത്തെ ജലവിഭവ വകുപ്പ് മന്ത്രി റോഷി അഗസ്റ്റിന് വ്യക്തമാക്കിയിരുന്നു. 2398.31 അടി വെളളം സംഭരിക്കാന് ശേഷിയുള്ളപ്പോഴാണ് 2398.08 അടി ജലനിരപ്പെത്തിയപ്പോള് ഇടുക്കി ഡാം തുറന്നത്. അതിനാല് മുല്ലപ്പെരിയാറില് നിന്ന് തുറന്നു വിടുന്ന ജലം ഉള്ക്കൊള്ളാന് ഇടുക്കിക്ക് കഴിയുമെന്നും കണക്കുകള് ഉദ്ധരിച്ച് മന്ത്രി വ്യക്തമാക്കിയിരുന്നു .
അതേസമം, മുല്ലപ്പെരിയാര് ഡാമില് 534 ഘടന അടി വെള്ളമാണ് ഒഴുക്കിവിടുന്നതെങ്കിലും ആശങ്കപ്പെടേണ്ടതില്ലെന്ന് റവന്യൂ മന്ത്രി കെ.രാജനും ജലവിഭവ വകുപ്പ് മന്ത്രി റോഷി അഗസ്റ്റിനും പറഞ്ഞു. മുല്ലപ്പെരിയാര് ഡാമിന്റെ ഷട്ടറുകള് തുറക്കുന്നതിനു സാക്ഷ്യം വഹിച്ച ശേഷം തേക്കടിയില് തിരികെ എത്തി മാധ്യമ പ്രവര്ത്തകരോടു സംസാരിക്കുകയായിരുന്നു മന്ത്രിമാര്. ആവശ്യമെങ്കില് ഇനിയും ഷട്ടര് ഉയര്ത്തുന്നതിനു ധാരണയായിട്ടുണ്ട്. കരുതല് എന്ന നിലയില് ഇടുക്കിയില് നിന്ന് 100 കുമെക്സ് ജലം തുറന്നു വിടാനുള്ള അനുമതിയുണ്ട് .
പുതിയ മേക്കോവറില് വീണ്ടും ഞെട്ടിച്ച് ഗോപിക; പൊളി ലുക്കിലാണെന്ന് ആരാധകര്
സ്ഥിതിഗതികള് ശരിയായ വിധത്തില് ഇരു സംസ്ഥാനങ്ങളും മനസ്സിലാക്കിയിട്ടുണ്ടെന്ന് മന്ത്രിമാര് പറഞ്ഞു . റവന്യുമന്ത്രി തിരുവനന്തപുരത്ത് എടുത്ത തീരുമാനങ്ങള് നടപ്പാക്കിയതായും മന്ത്രി റോഷി അഗസ്റ്റിന് അറിയിച്ചു. 'റൂള് കര്വ് അനുസരിച്ച് ഷട്ടര് ഉയര്ത്തുന്നതിന് മാനദണ്ഡം നിര്ണയിച്ചിട്ടുണ്ട് . നീരൊഴുക്ക് കൃത്യമായി നിര്ണയിക്കാന് കഴിയാത്തതിനാല് കടുത്ത ജാഗ്രതയുണ്ടാകണം . മുല്ലപ്പെരിയാര് സ്ഥിതിവിശേഷം കൃത്യമായി കൈമാറാനുള്ള ധാരണ ഇരു സംസ്ഥാനങ്ങളുമായുണ്ടായി . ഡാമില് നിന്നു പോകുന്ന വെള്ളം സുഗമമായി ഒഴുക്കുന്നതിനുള്ള സൗകര്യമൊരുക്കിയിട്ടുണ്ടെങ്കിലും ജാഗ്രത തുടരണമെന്ന് റവന്യു മന്ത്രി കെ . രാജനും പറഞ്ഞു .
Click it and Unblock the Notifications
Sign in with Google