ഭാരത് ജോഡോ യാത്രയില് കുട്ടികളെ രാഷ്ട്രീയമായി ഉപയോഗിക്കുന്നു; രാഹുലിനെതിരെ ബാലാവകാശ കമ്മീഷന്
ന്യൂദല്ഹി: കോണ്ഗ്രസ് നേതാവ് രാഹുല് ഗാന്ധി നയിക്കുന്ന ഭാരത് ജോഡോ യാത്രയ്ക്കിടെ കുട്ടികളെ രാഷ്ട്രീയമായി ഉപയോഗിക്കുന്നു എന്ന് കേന്ദ്ര ബാലാവകാശ കമ്മീഷന്. ഇക്കാര്യം ചൂണ്ടിക്കാട്ടി കേന്ദ്ര ബാലാവകാശ കമ്മീഷന് തെരഞ്ഞെടുപ്പ് കമ്മിഷനെ സമീപിച്ചു. ഭാരത് ജോഡോ യാത്രയിലെ പല ദൃശ്യങ്ങളും ചൂണ്ടിക്കാട്ടിയാണ് കേന്ദ്ര ബാലാവകാശ കമ്മീഷന് തെരഞ്ഞെടുപ്പ് കമ്മിഷനെ സമീപിച്ചിരിക്കുന്നത്.
കുട്ടികളുടെ മാനസിക ആരോഗ്യത്തെ യാത്രയും പരിപാടിയും ബാധിക്കുമെന്നും കോണ്ഗ്രസിന്റെ ബാലസംഘടനയായ ജവഹര് ബാല് മഞ്ചാണ് ഇതിന് പിറകില് എന്നും ബാലാവകാശ കമ്മിഷന് ആരോപിച്ചു. ഏഴ് വയസ്സ് മുതല് 18 വയസ്സ് വരെയുള്ള കുട്ടികളുടെ വികസനത്തിനായി പ്രവര്ത്തിക്കുന്ന കോണ്ഗ്രസ് അനുകൂല സംഘടനയാണ് ജവഹര് ബാല് മഞ്ച്.
വിഷയത്തില് അന്വേഷണവും നടപടിയും വേണം എന്നും കേന്ദ്ര ബാലാവകാശ കമ്മിഷന് തെരഞ്ഞെടുപ്പ് കമ്മീഷനോട് ആവശ്യപ്പെട്ടിട്ടുണ്ട്. സോഷ്യല് മീഡിയയിലെ അസ്വസ്ഥപ്പെടുത്തുന്ന നിരവധി ചിത്രങ്ങളും വീഡിയോകളും ഒരു രാഷ്ട്രീയ അജണ്ടയോടെ കുട്ടികളെ കോണ്ഗ്രസിന്റെ പ്രചാരണത്തില് പങ്കാളികളാക്കുന്നുവെന്ന് കാണിക്കുന്നതായി ചൊവ്വാഴ്ച ബാലാവകാശ സംഘടന പറഞ്ഞു.
പ്രായപൂര്ത്തിയായവര്ക്ക് മാത്രമേ ഒരു രാഷ്ട്രീയ പാര്ട്ടിയുടെ ഭാഗമാകാന് കഴിയൂ എന്ന തിരഞ്ഞെടുപ്പ് കമ്മീഷന്റെ ചട്ടത്തിന്റെ ലംഘനമാണിതെന്നും ബോഡി ആരോപിച്ചു. കൂടാതെ, കുട്ടികളെ രാഷ്ട്രീയ അജണ്ട നിറവേറ്റുന്നതിനുള്ള പ്രോപ്പര്ഷിപ്പുകളായി ഉപയോഗിക്കുന്നത് ദുരുപയോഗമാണ്. ഇത് അവരുടെ മാനസികാരോഗ്യത്തെ ഗുരുതരമായി ദീര്ഘകാല സ്വാധീനം ചെലുത്തും.
ഇത് ഇന്ത്യന് ഭരണഘടനയുടെ ആര്ട്ടിക്കിള് 21 ന് എതിരാണ്, ബാലാവകാശ കമ്മീഷന് തെരഞ്ഞെടുപ്പ് കമ്മീഷനോട് പറഞ്ഞു. ഇന്ത്യയിലെ ശിശുസംരക്ഷണ നിയമങ്ങള് ഫലപ്രദമായി നടപ്പിലാക്കുന്നുവെന്ന് ഉറപ്പുവരുത്തുന്നതിനായി 2007-ല് രൂപീകരിച്ച ഒരു സ്വതന്ത്രവു നിയമപരവുമായ സ്ഥാപനമാണ് ബാലാവകാശ കമ്മീഷന്.
പെര്ഫ്യൂമിന്റെ ഗന്ധം മണിക്കൂറുകള് നീണ്ടുനില്ക്കണോ... ഇതാ ചില പൊടിക്കൈകള്
കുട്ടികളുടെ അവകാശങ്ങള് പരിശോധിക്കാന് ബാലാവകാശ കമ്മീഷനെ പ്രത്യേകം ചുമതലപ്പെടുത്തിയിട്ടുണ്ട്. ഇതിന്റെ ചെയര്പേഴ്സണ് പ്രിയങ്ക് കനൂംഗോ ബി ജെ പിയുടെ യുവജന വിഭാഗത്തിലെ മുന് അംഗമാണ്. കഴിഞ്ഞ ആഴ്ചയാണ് തമിഴ്നാട്ടിലെ കന്യാകുമാരിയില് നിന്ന് രാഹുല് ഗാന്ധി നയിക്കുന്ന ഭാരത് ജോഡോ യാത്ര തുടക്കം കുറിച്ചത്.
യാത്രയില് ആബാലവൃദ്ധം ജനങ്ങള് പലയിടങ്ങളില് നിന്നായി പങ്കെടുക്കുന്നുണ്ട്. അതേസമയം തമിഴ്നാട്ടില് നിന്ന് കേരളത്തില് എത്തിയ യാത്ര ഞായറാഴ്ചയാണ് കേരളത്തിലെത്തിയത്. പതിനെട്ട് ദിവസമാണ് കേരളത്തില് ഭാരത് ജോഡോ യാത്ര ഉണ്ടാവുക. കന്യാകുമാരി മുതല് കശ്മീര് വരെയാണ് രാഹുല് ഗാന്ധി നയിക്കുന്ന ഭാരത് ജോഡോ കാല്നടയാത്ര കടന്ന് പോകുന്നത്.
Click it and Unblock the Notifications
Sign in with Google