അപകടത്തില് നടി യാഷികയ്ക്ക് ഗുരുതര പരിക്ക്; സുഹൃത്ത് സ്പോട്ടില് മരിച്ചു, സിനിമാ ലോകം ഞെട്ടലില്
ചെന്നൈ: ബിഗ് ബോസ് തമിഴ് മുന് മല്സരാര്ഥിയും നടിയുമായ യാഷിക ആനന്ദ് സഞ്ചരിച്ച കാര് അപകടത്തില്പ്പെട്ടു. ഗുരുതരമായ പരിക്കുകളോടെ നടിയെ ആശുപത്രിയില് പ്രവേശിപ്പിച്ചു. നടിക്കൊപ്പമുണ്ടായിരുന്ന സുഹൃത്ത് ഭവാനി സംഭവസ്ഥലത്ത് തന്നെ മരിച്ചു. ശനിയാഴ്ച രാത്രി 12ഓടെ ചെന്നൈ മാമല്ലാപുരത്തിനടുത്ത സുലേരികാട് ആണ് അപകടം. വാഹനം നിയന്ത്രണം തെറ്റി റോഡരികയിലെ കുഴിയിലേക്ക് മറിയുകയായിരുന്നുവെന്നാണ് റിപ്പോര്ട്ടുകള്.
യാഷികയും ഭവാനിയും രണ്ടു യുവാക്കളുമാണ് കാറിലുണ്ടായിരുന്നത്. കാര് മീഡിയനില് തട്ടി റോഡരികിലെ കുഴിയിലേക്ക് മറിഞ്ഞു. നടിയെയും യുവാക്കളെയും നാട്ടുകാര് ആശുപത്രിയിലെത്തിച്ചു. ഭവാനിയുടെ മൃതദേഹം പോസ്റ്റ്മോര്ട്ടത്തിനായി ചെങ്കല്പ്പേട്ട് സര്ക്കാര് ആശുപത്രിയിലേക്ക് മാറ്റി. ഒഴിവുദിനം ചെലവഴിക്കാന് മാമല്ലാപുരത്ത് എത്തിയ നാലുപേരും വാടകയ്ക്ക് മുറിയെടുത്തിരുന്നുവെന്ന് പോലീസ് പറയുന്നു.
ബിഗ് ബോസ് തമിഴ് സീസണ് രണ്ടിലെ മല്സരാര്ഥിയായിരുന്ന യാഷിക ആനന്ദ് തെന്നിന്ത്യയില് വളര്ന്നുവരുന്ന നടിയാണ്. കവലൈ വേണ്ടാം എന്ന ചിത്രത്തിലൂടെയാണ് അവര് അഭിനയരംഗത്തെത്തിയത്. ധ്രുവങ്ങള് പതിനാറ്, ഇരുട്ട് അറയില് മുരട്ട് കുത്ത്, സോംബി എന്നീ ചിത്രങ്ങളിലെല്ലാം ശ്രദ്ധേയമായ വേഷമിട്ടിട്ടുണ്ട്. അപകട വാര്ത്ത സിനിമാ ലോകത്ത് ഞെട്ടലുണ്ടാക്കി.
പുതിയ മെയ്ക്കോവറില് അന്ന രാജന്; താരത്തിന്റെ പുതിയ ലുക്ക് തമിഴ് ചിത്രത്തിന് വേണ്ടി
Click it and Unblock the Notifications
Sign in with Google