ബംഗാളില് എന്താണ് ബിജെപിക്ക് സംഭവിക്കുന്നത്?
ചോദ്യം ലളിതമാണ്. എന്താണ് പാര്ട്ടിക്ക് ബംഗാളില് സംഭവിക്കുന്നത്. ഉത്തരവും ലളിതം തന്നെ. പേരെടുത്ത് പറയാന് ഒരു നേതാവില്ല. സംഘടനാ സംവിധാനവും ദുര്ബലം. ഉള്ള നേതാക്കള്ക്കാകട്ടെ പ്രശ്നങ്ങള് കൈകാര്യം ചെയ്യാനുള്ള കഴിവുമില്ല. തന്റെ നാമനിര്ദേശ പത്രിക തള്ളിപ്പോയത് പാര്ട്ടിയുടെ ഇമേജിനെ ബാധിക്കുന്നില്ല എന്നാണ് രൂപ ഗാംഗുലി പറയുന്നത്.
പാര്ട്ടി അണികള് ഇത് വിശ്വസിച്ചേക്കും. എന്നാല് മേയര് സ്ഥാനാര്ഥിയായി നൂലില് കെട്ടിയിറക്കിയ നേതാവിന്റെ പത്രിക തള്ളിപ്പോയത് പാര്ട്ടിയുടെ പിടിപ്പുകേടായേ പുറത്തുള്ളവര് കാണൂ. രൂപ ഗാംഗുലിയുടെ പേര് തങ്ങളായിട്ട് കളഞ്ഞതല്ല എന്നാണ് തൃണമൂല് കോണ്ഗ്രസ് വിശദീകരിക്കുന്നത്. ലോക്സഭ തിരഞ്ഞെടുപ്പില് സൗത്ത് 24 പര്ഗാനസില് നിന്നും അവര് വോട്ട് ചെയ്തതാണ്.
മുനിസിപ്പല് തിരഞ്ഞെടുപ്പിന് മുമ്പായി ഇവരുടെ പേര് വോട്ടര് പട്ടികയില് നിന്നും നീക്കം ചെയ്തതാകാനേ തരമുള്ളൂ. എന്നാല് ഇതിന് വിശദീകരണം നല്കാതെ, കന്യാസ്ത്രീ ബലാത്സംഗം ചെയ്യപ്പെട്ട കേസില് മുഖ്യമന്ത്രി മമതാ ബാനര്ജിക്കെതിരെ ആരോപണം ഉന്നയിക്കാനാണ് രൂപ ഗാംഗുലി ശ്രമിക്കുന്നത്.
അടുത്ത പേജില് : ബിജെപിക്ക് ഒരു അമിത് ഷായെക്കൂടി വേണം?