കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കണ്ണു ചൂഴ്‌ന്നെടുക്കുമെന്ന് പ്രസംഗിച്ച മുഖ്യമന്ത്രിയുടെ മരുമകനെതിരെ കേസ്

  • By Anwar Sadath
Google Oneindia Malayalam News

കൊല്‍ക്കത്ത: ഭീഷണി പ്രസംഗം നടത്തിയ പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയുടെ മരുമകന്‍ അഭിഷേക് ബാനര്‍ജി(27)ക്കെതിരെ പോലീസ് കേസ് രജിസ്റ്റര്‍ ചെയ്തു. നോര്‍ത്ത് 24 പാര്‍ജണയിലെ ബാസിര്‍ഹതില്‍ നടന്ന ഒരു സമ്മേളനത്തില്‍ പ്രസംഗിക്കവെ തൃണമൂലിനെതിരെ പ്രതികരിക്കുന്നവരുടെ കണ്ണ് ചൂഴ്‌ന്നെടുക്കുമെന്നായിരുന്നു അഭിഷേകിന്റെ പ്രസംഗം.

സംഭവം മാധ്യമങ്ങളിലൂടെ പുറത്തുവന്നതോടെ വിവാദമാകുകയും പ്രതിപക്ഷം നടപടി ആവശ്യപ്പെട്ട് രംഗത്തെത്തുകയും ചെയ്തതോടെയാണ് തൃണമൂല്‍ യൂത്ത് വിങ് പ്രസിഡന്റ് കൂടിയായ അഭിഷേകിനെതിരെ എഫ്‌ഐആര്‍ രജിസ്റ്റര്‍ ചെയ്തത്. മമതാ ബാനര്‍ജിയുടെ പ്രിയം പിടിച്ചുപറ്റാനായി നടത്തിയ പ്രസംഗമാണ് അഭിഷേകിന് വിനയായത്.

abhishek-banerjee

മമതാ ബാനര്‍ജി ഭരിക്കുന്ന കാലത്തോളം തങ്ങള്‍ക്കെതിരെ ആരും ശബ്ദമുയര്‍ത്തേണ്ട. അവരുടെ കണ്ണുകള്‍ ചൂഴ്‌ന്നെടുത്ത് തെരുവില്‍ വലിച്ചെറിയും. പാര്‍ട്ടിക്കെതിരെ കൈകളുയര്‍ത്തിയാല്‍ അവയും വെട്ടിയെടുക്കും. പാര്‍ട്ടി പ്രവര്‍ത്തകര്‍ക്ക് വേദനിച്ചാല്‍ തങ്ങള്‍ നോക്കിയിരിക്കില്ലെന്നും ഇത്തരം വിഷയങ്ങളില്‍ പാര്‍ട്ടി കഴിവു തെളിയിച്ചിട്ടുള്ളതാണെന്നും അഭിഷേക് പ്രസംഗിച്ചിരുന്നു.

ബംഗാളില്‍ സിപിഎമ്മിനെ പിന്തള്ളി മുഖ്യ പ്രതിപക്ഷമാകാന്‍ ശ്രമിക്കുന്ന ബിജെപി വിവാദ പ്രസംഗം ഏറ്റെടുത്തിട്ടുണ്ട്. തൃണമൂല്‍ കോണ്‍ഗ്രസിന്റെ ഡിഎന്‍എ ആണ് പ്രസംഗത്തിലൂടെ പുറത്തുവന്നതെന്ന് ബിജെപി പ്രതികരിച്ചു. അഭിഷേകിനെതിരെ കേസെടുത്തില്ലെങ്കില്‍ ശക്തമായ പ്രതിഷേധമുയര്‍ത്തുമെന്ന് കോണ്‍ഗ്രസും വ്യക്തമാക്കിയിരുന്നു.

English summary
FIR against Mamata's nephew Abhishek Banerjee
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X