ഐസിഐസിഇ- ഐഎസ്സി പരീക്ഷാഫലം പ്രഖ്യാപിച്ചു: പ്ലസ്ടുവിൽ 100 ശതമാനം പെൺകുട്ടികൾക്ക്,

ദില്ലി: പത്താംക്ലാസ് പരീക്ഷയായ ഐസിഐസിഇ, പ്ലസ്ടു പരീക്ഷയായ ഐഎസ്സി പരീക്ഷാഫലങ്ങൾ പ്രഖ്യാപിച്ചു. കൌൺസിൽ ഫോർ ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസിന്റെ വെബ്സൈറ്റായ cisce. org യിലോ results.cise.orgയിലോ സന്ദർശിച്ചാൽ ഫലം ലഭിക്കും.

കൊവിഡിന്റെ രണ്ടാം തരംഗത്തെത്തുടർന്ന് നേരത്തെ ഐസിഐസിഇ, ഐഎസ്സി പരീക്ഷകൾ റദ്ദാക്കുകയായിരുന്നു. ഇതിന് ശേഷം ബോർഡ് നിശ്ചയിച്ച പ്രത്യേക മൂല്യനിർണ്ണയ രീതിക്ക് അനുസൃതമായാണ് ഇപ്പോൾ ഫലം പ്രഖ്യാപിച്ചിട്ടുള്ളത്. അതേ സമയം ഇപ്പോൾ പ്രഖ്യാപിച്ചിട്ടുള്ള ഫലത്തിൽ പുനർ മൂല്യനിർണ്ണയം സാധ്യമല്ലെന്ന് ബോർഡ് സെക്രട്ടറി അറിയിച്ചിട്ടുണ്ട്. കണക്ക് കൂട്ടുന്നതിൽ പിഴവുണ്ടായാൽ ഇക്കാര്യം അറിയിക്കുന്നതിനുള്ള സംവിധാനമുണ്ട്.

എസ്എംഎസ് വഴിയും ഫലമറിയാനുള്ള സംവിധാനമുണ്ട്. ഐസിഎസ്ഇ, ഐഎസ്സി എന്ന് ടൈപ്പ് ചെയ്ത് സ്പേസ് ഇട്ട ശേഷം യുണീക്ക് ആഡി 0924882883 എന്ന നമ്പറിലേക്ക് മെസേജ് അയച്ചാൽ മാർക്കുകൾ സന്ദേശമായി ലഭിക്കും. ഫലം പ്രഖ്യാപിച്ചതോടെ ഐസിഎസ്ഇയ്ക്ക് 99.98 ശതമാനവും ഐഎസ്സിയ്ക്ക് 99.96 ശതമാനവുമാണ് വിജയം. പ്ലസ്ടുവിൽ പെൺകുട്ടികൾക്കിടയിൽ 100 ശതമാനമാണ് വിജയം.

English summary

ICSE Class 10 and ISC Class 12 results declared; percentage marked 99.98% for ICSE and 99.76% for ISC results