മരം വെട്ടുന്നത് തടയാന് ശ്രമിച്ച യുവാവിനെ വെട്ടി പ്രതികാരം
മരം വെട്ടുന്നത് തടയാന് ശ്രമിച്ച യുവാവിനെ വെട്ടി അടുത്ത ബന്ധുവായ യുവതിയുടെ പ്രതികാരം.
മുംബൈ: മരം വെട്ടുന്നത് തടയാന് ശ്രമിച്ച യുവാവിനെ വെട്ടി യുവതിയുടെ പ്രതികാരം. അടുത്ത ബന്ധുക്കളാണ് ഇരുവരും. മരം മുറിക്കുന്നതിനെച്ചൊല്ലിയുണ്ടായ സംഘര്ഷത്തില് 32 കാരനായ സത്യപ്രകാശ് ഉപാധ്യായയെ ബന്ധുവായ കജോള് വെട്ടുകത്തി കൊണ്ട് ആക്രമിച്ച് പരിക്കേല്പിച്ചു.
ഇരു കുടുംബങ്ങളും താമസിക്കുന്ന വീടിന് മുന്വശത്തെ പേരമരം മുറിക്കുന്നത് തടഞ്ഞതാണ് യുവതിയെ പ്രകോപിപ്പിച്ചത്. പ്ക്കറ്റ സത്യപ്രകാശ് ഉപാധ്യയയെ സ്വകാര്യ ആശുപത്രിയില് ചികിത്സയിലാണ്.
വെട്ടുകത്തി ഉപയോഗിച്ച് പേര മരം മുറിക്കുകയായിരുന്ന കജോളിനെ സത്യപ്രകാശ് തടഞ്ഞു. തുടര്ന്ന് ഇരുവരും തമ്മില് വാക്കേറ്റത്തിലായി . ശബ്ദം കേട്ട് പുറത്തിറങ്ങിയ കജോളിന്റെ മാതാപിതാക്കള് മകളുടെ പക്ഷം ചേര്ന്നു. ഇതിനെത്തുടര്ന്നാണ് യുവതി സത്യപ്രകാശിനെ വെട്ടിയത്.
സംഭവത്തില് യുവതിക്കും കുടുബത്തിനുമെതിരെ പോലീസ് കേസ് രജിസ്റ്റര് ചെയ്തിട്ടുണ്ട്. ഇവരുടെ കുടുംബങ്ങളും തമ്മില് മുന് വൈരാഗ്യം ഉണ്ടായിരുന്നതായി പോലീസ് പറയുന്നു. കജോള് പാണ്ഡെ 21, ബിന്ദു 42, സതീഷ്, എന്നിവര്ക്കെതിരെ കേസ് രജിസ്റ്റര് ചെയ്തിട്ടുണ്ട്.