Click it and Unblock the Notifications
Just In
Don't Miss
-
IPL 2024: എസ്ആര്എച്ചിനെ തീര്ത്തു, ആര്സിബി ഇനി പ്ലേഓഫ് കളിക്കുമോ? എന്തു ചെയ്യണം -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നബിദിനത്തില്‍ ഈദ് മുബാറക് ആശംസയുമായി പ്രധാനമന്ത്രി; രാജ്യമെങ്ങും വിപുലമായ പരിപാടികള്‍
ന്യൂദല്‍ഹി: ഇസ്ലാം മത വിശ്വാസികള്‍ക്ക് നബിദിന ആശംസകള്‍ ചേര്‍ന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെ ആയിരുന്നു അദ്ദേഹത്തിന്റെ ആശംസ. ഈ നബിദിനം സമൂഹത്തിലെ സമാധാനവും ഐക്യവും വര്‍ധിപ്പിക്കട്ടെ എന്നും നരേന്ദ്ര മോദി ആശംസിച്ചു
'മീലാദ്-ഉന്‍-നബിക്ക് എല്ലാ ആശംസകളും. ഈ സന്ദര്‍ഭം നമ്മുടെ സമൂഹത്തില്‍ സമാധാനത്തിന്റെയും ഐക്യത്തിന്റെയും സഹാനുഭൂതിയുടെയും മനോഭാവം വര്‍ദ്ധിപ്പിക്കട്ടെ. ഈദ് മുബാറക്ക്', എന്നായിരുന്നു പ്രധാനമന്ത്രി നരേന്ദ്ര മോദി ട്വീറ്റ് ചെയ്തത്.
അതേസമയം ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും നബിദിനാശംസ നേര്‍ന്നിട്ടുണ്ട്. സംസ്ഥാനത്തെ ജനങ്ങള്‍ക്ക് ഊഷ്മളമായ ആശംസകള്‍ നേരുന്നു എന്നും ഈ ഉത്സവം സമൂഹത്തില്‍ സമാധാനവും ഐക്യവും വര്‍ദ്ധിപ്പിക്കുന്നതിന് പുതിയ പ്രചോദനം നല്‍കുമെന്ന് പ്രത്യാശ പ്രകടിപ്പിക്കുന്നതായും യോഗി ആദിത്യനാഥ് ട്വീറ്റ് ചെയ്തു.
കൊവിഡ് പശ്ചാത്തലത്തില്‍ എല്ലാ മുന്‍കരുതലുകളും സ്വീകരിച്ച് നബിദിനാഘോഷ പരിപാടികള്‍ സംഘടിപ്പിക്കാന്‍ മുഖ്യമന്ത്രി ജനങ്ങളോട് അഭ്യര്‍ത്ഥിച്ചു. പ്രവാചകന്‍ മുഹമ്മദ് നബിയുടെ ജന്മവാര്‍ഷികത്തിന്റെ സ്മരണയ്ക്കായാണ് വര്‍ഷം തോറും നബിദിനം ആചരിക്കുന്നത്. ഇസ്ലാമിക ചാന്ദ്ര കലണ്ടറിലെ മൂന്നാം മാസമായ റബി-ഉല്‍-അവ്വല്‍ മാസത്തിലാണ് ഇത് ആചരിക്കുന്നത്.
പുതുവസ്ത്രങ്ങള്‍ ധരിച്ചും പ്രാര്‍ത്ഥനകള്‍ നടത്തിയും സമ്മാനങ്ങള്‍ കൈമാറിയും ആണ് മുസ്ലീങ്ങള്‍ നബിദിനം ആഘോഷിക്കുന്നത്. ഞായറാഴ്ച രാവിലെ മുതല്‍ പള്ളികളും മദ്രസകളും നബിദിന ആഘോഷത്തിന്റെ ഓളത്തിലായിരുന്നു. രാജ്യത്തിന്റെ പല ഭാഗത്തും മദ്രസ തലങ്ങളിലും ഗ്രാമ, നഗര പ്രദേശങ്ങളിലും പൊതുജന പങ്കാളിത്തത്തോടെ ഘോഷയാത്രകളും വിദ്യാര്‍ഥികളുടെ കലാപരിപാടികളും നടത്തി.
പുലര്‍ച്ചെ മുതല്‍ മൗലീദ് പാരായണവും അന്നദാനവും ഉള്‍പ്പെടെ നബിദിനാഘോഷം വൈവിധ്യമാക്കാനും പലരും ശ്രമിച്ചു. കേരളത്തിലും നബിദിനാഘോഷങ്ങള്‍ വിപുലമായിരുന്നു. മുഖ്യമന്ത്രി പിണറായി വിജയന്‍ എല്ലാ ഇസ്ലാം മത വിശ്വാസികള്‍ക്കും നബിദിന ആശംസ നേര്‍ന്നു. കേരളത്തിലെ പള്ളികളിലും മദ്രസകളിലും നബിദിനത്തോട് അനുബന്ധിച്ച് വൈവിധ്യമാര്‍ന്ന പരിപാടികള്‍ സംഘടിപ്പിച്ചിരുന്നു.
