Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
സിനിമാ തിയേറ്ററുകള്‍ക്ക് ഇളവ് പ്രഖ്യാപിച്ച് കേന്ദ്രം; എല്ലാ സീറ്റിലും ഇരിക്കാം, 100 ശതമാനം കപ്പാസിറ്റി
ദില്ലി: ഒരു വര്‍ഷത്തോളമായി മന്ദഗതയിലായ സിനിമാ വ്യവസായത്തിന് കരുത്ത് പകര്‍ന്ന് കേന്ദ്രസര്‍ക്കാരിന്റെ പുതിയ ഉത്തരവ്. തിയേറ്ററുകളില്‍ എല്ലാ സീറ്റിലും ഇനി പ്രവേശനം അനുവദിക്കും. 100 ശതമാനം കപ്പാസിറ്റിയോടെ പ്രവേശനത്തിന് അനുമതി നല്‍കി. ചൊവ്വാഴ്ച മുതലാണ് പുതിയ ഇളവുകള്‍ നിലവില്‍ വരിക. ഓണ്‍ലൈന്‍ വഴി ടിക്കറ്റ് ബുക്ക് ചെയ്യണം, ഇടവേള ദീര്‍ഘിപ്പിക്കണം തുടങ്ങിയ നിര്‍ദേശങ്ങളും കേന്ദ്രസര്‍ക്കാര്‍ മുന്നോട്ട് വെക്കുന്നു.
ജനങ്ങളുടെ കൂട്ടം രൂപപ്പെടുന്നത് ഒഴിവാക്കണം. പാര്‍ക്കിങിന് പ്രത്യേക സൗകര്യം ഏര്‍പ്പെടുത്തണം. സാമൂഹിക അകലം ഉറപ്പാക്കണം. ഇടവേളകളില്‍ വാഷ് റൂമില്‍ ആളുകള്‍ കൂടുതലായി എത്തുന്നത് നിയന്ത്രിക്കണം. ഇതിന് വേണ്ടി ഇടവേളകളുടെ സമയം ദീര്‍ഘിപ്പിക്കണം. ഒന്നിന് പിറകെ ഒന്ന് എന്ന തരത്തില്‍ ഷോ തുടരരുത് തുടങ്ങിയ നിര്‍ദേശങ്ങളും കേന്ദ്രസര്‍ക്കാര്‍ മുന്നോട്ട് വെക്കുന്നു.
രാജ്യത്ത് കൊറോണ വൈറസ് രോഗം വ്യാപകമായ കഴിഞ്ഞ വര്‍ഷം മാര്‍ച്ചിലാണ് സിനിമാ ശാലകള്‍ അടച്ചിട്ടത്. പിന്നീട് സിനിമാ ചിത്രീകരണവും നിര്‍ത്തി. രോഗ വ്യാപന ഭീതി നേരിയ തോതില്‍ അകന്നപ്പോഴാണ് സര്‍ക്കാര്‍ ഘട്ടങ്ങളായി ഇളവുകള്‍ നല്‍കിയത്. കേന്ദ്രസര്‍ക്കാര്‍ ഇളവ് പ്രഖ്യാപിച്ചിട്ടുണ്ടെങ്കിലും സംസ്ഥാനങ്ങള്‍ സാഹചര്യം പരിശോധിച്ച ശേഷമേ തുടര്‍നടപടികള്‍ സ്വീകരിക്കൂ.
അതേസമയം, 13052 പേര്‍ക്ക് കഴിഞ്ഞ 24 മണിക്കൂറിനിടെ കൊറോണ രോഗം ബാധിച്ചു. രോഗം ബാധിച്ച് രാജ്യത്ത് ചികില്‍സയില്‍ കഴിയുന്നവര്‍ 168784 പേരാണ് എന്ന് ആരോഗ്യ മന്ത്രാലയം അറിയിച്ചു. 127 പേര്‍ മരിച്ചു. പ്രതിദിന കൊറോണ രോഗികള്‍ രാജ്യത്ത് ഏറ്റവും കൂടുതലുള്ളത് കേരളത്തിലാണ്. 30 ലക്ഷം ആരോഗ്യ പ്രവര്‍ത്തകര്‍ രാജ്യത്ത് ഇതുവരെ കൊറോണ വാക്‌സിന്‍ എടുത്തിട്ടുണ്ട്.
