ഒന്നും രണ്ടുമല്ല; ഒറ്റ പ്രവസത്തില്‍ ഒമ്പത് കുഞ്ഞുങ്ങള്‍ക്ക് ജന്മം നല്‍കി മാലി യുവതി, അപൂര്‍വ ഭാഗ്യം

ബമോക്കോ: ഒറ്റ പ്രവസത്തില്‍ ഒന്നും രണ്ട് മൂന്നും ഒക്കെ കുട്ടികള്‍ക്ക് ജന്മം നല്‍കുന്നത് കേട്ടിട്ടുണ്ട്. എന്നാല്‍ ആഫ്രിക്കന്‍ രാജ്യമായ മാലിയില്‍ 25കാരി ഒറ്റ പ്രവസത്തില്‍ ജന്മം നല്‍കിയത് 9 കുഞ്ഞുങ്ങള്‍ക്കാണ്.

മാലി ആരോഗ്യമന്ത്രാലയമാണ് ഇക്കാര്യം അറിയിച്ചത്. ഗര്‍ഭകാലത്ത് നടത്തിയ പരിശോധനകളില്‍ ഏഴ് കുഞ്ഞുങ്ങളാണ് യുവതിയുടെ ഉരത്തിലുള്ളതെന്നായിരുന്നു ഡോക്ടര്‍മാരുടെ നിഗമനം. എന്നാല്‍ പ്രസവം കഴിഞ്ഞപ്പോള്‍ എല്ലാ നിഗമനവും പാടെ തെറ്റുകയായിരുന്നു.

ഒമ്പത് കുഞ്ഞുങ്ങള്‍

ചൊവ്വാഴ്ചയായിരുന്നു ഹലീമ സിസ്റ്റെ എന്ന യുവതി ഒമ്പത് കുഞ്ഞുങ്ങള്‍ക്ക് ജന്മം നല്‍കിയത്. ഇതോടെ ഒമ്പത് കുഞ്ഞുങ്ങള്‍ ഒറ്റ പ്രവസത്തില്‍ പിറക്കുന്ന അപൂര്‍വ ഭാഗ്യം ഈ യുവതിയെ തേടിയെത്തുകയായിരുന്നു.

ജനനം ശസ്ത്രക്രിയയിലൂടെ

മൊറോക്കയിലെ ആശുപത്രിയില്‍ ശസ്ത്രക്രിയയിലൂടെയായിരുന്നു കുഞ്ഞുങ്ങളുടെ ജനനം. ഹലീമയുടെ അപൂര്‍വ്വ ഗര്‍ഭം അധികൃതരുടെയും മാധ്യമങ്ങളുടെയും ശ്രദ്ധ നേടി. ഡോക്ടര്‍മാരുടെ നിര്‍ദ്ദേശത്തെ തുടര്‍ന്നാണ് മൊറോക്കയിലെ ആശുപത്രിയില്‍ വിദഗ്ദ ചികിത്സയും പ്രത്യേക പരിഗണയും ഉറപ്പാക്കിയത്.

അഞ്ച് പെണ്‍കുട്ടികള്‍

അഞ്ച് പെണ്‍കുട്ടികളും നാല് ആണ്‍കുട്ടികളുമാണ് ജനിച്ചത്. അമ്മയും കുഞ്ഞുങ്ങളും ആരോഗ്യത്തോടെയും സൗഖ്യത്തോടെയും ഇരിക്കുന്നെന്ന് മാലി ആരോഗ്യമന്ത്രി അറിയിച്ചു. ഉടന്‍ തന്നെ അമ്മയും കുഞ്ഞും മാലിയിലേക്ക് മടങ്ങിയെത്തുമെന്നും മന്ത്രി വ്യക്തമാക്കി.

ആപൂര്‍വം

അതേസമയം, ലോകത്ത് ഇത്തരം പ്രസവങ്ങള്‍ അപൂര്‍വമായി മാത്രമാണ് നടക്കുന്നത്. ഇത്തരം പ്രസവങ്ങളില്‍ പലതിലും പൂര്‍ണ വളര്‍ച്ചയെത്താത്ത കുഞ്ഞുങ്ങള്‍ നഷ്ടപ്പെട്ടുപോകാറാണ് പതിവ്. അതേസമയം, ഇക്കാര്യത്തില്‍ ഇതുവരെ മൊറോക്കന്‍ സര്‍ക്കാരില്‍ നിന്ന് സ്ഥിരീകരണം ഒന്നും ലഭിച്ചിട്ടില്ല.

English summary

25-year-old Mali woman has given birth to nine children