കീഴടങ്ങുമെന്ന് ഉറപ്പായപ്പോള്‍ ബോകോ ഹരാം തീവ്രവാദികള്‍ ഭാര്യമാരെ കൊന്നൊടുക്കി

മൈദുഗുരി: ബോകോ ഹരാം തീവ്രവാദികള്‍ തങ്ങളുടെ ഭാര്യമാരെ കൂട്ടത്തോടെ കൊന്നൊടുക്കുന്നതായി റിപ്പോര്‍ട്ട് . നൈജീരിയയുടെ വിവിധ ഭാഗങ്ങളില്‍ നിന്ന് തീവ്രവാദികള്‍ തട്ടിക്കൊണ്ട് വന്ന് ഭാര്യമാരാക്കിയ സ്ത്രീകളെയാണ് കൂട്ടത്തോടെ കൊന്നൊടുക്കുന്നത് . സൈനിക അധിനിവേശത്തെത്തുടര്‍ന്നാണ് കൂട്ടക്കൊല . ഭാര്യമാരെ സൈന്യം സ്വന്തമാക്കുമെന്നും അവിശ്വാസികളെ വിവാഹം കഴിയ്‌ക്കേണ്ടിവരുമെന്നും പറഞ്ഞാണ് തീവ്രവാദികള്‍ ഭാര്യമാരെ കൂട്ടക്കൊല ചെയ്യുന്നത് .

ഇവരുടെ പിടിയില്‍ നിന്നും രക്ഷപ്പെട്ട ഒരു യുവതിയാണ് ഇക്കാര്യം പറഞ്ഞത് . ബോകോ ഹരാമിന്റെ വടക്ക് കിഴക്കന്‍ ശക്തി കേന്ദ്രങ്ങളില്‍ പലതും സൈന്യം പിടിച്ചെടുത്തു. ബാമയില്‍ അതിരൂക്ഷമായ പോരാട്ടമാണ് നടക്കുന്നത് .

സൈന്യവുമായി നടക്കുന്ന ഏറ്റവുമുട്ടലില്‍ ഭാര്യമാര്‍ ബന്ദികളാക്കപ്പെടുമെന്നും സൈനികര്‍ അവരെ വിവാഹം കഴിയ്ക്കുമെന്നുമാണ് തീവ്രവാദികളുടെ വാദം. ഇത്തരത്തില്‍ അവിശ്വാസികളേയും വിവാഹം കഴിയ്‌ക്കേണ്ടി വരുമെന്ന് തീവ്രവാദികള്‍ പറയുന്നു . തീവ്രവാദികളില്‍ നിന്നും രക്ഷപ്പെട്ട ഷരീഫത്തു ബകൂര എന്ന 39കാരിയാണ് ഇക്കാര്യം പറഞ്ഞത് . ഗര്‍ഭിണിയായതിനാല്‍ മാത്രമാണ് കൊല്ലപ്പെടാതെ ബകൂര രക്ഷപ്പെട്ടത് . നൈജീരിയയില്‍ ബോകോ ഹരാമിന് തിരിച്ചടി നേരിടുകയാണ് .

English summary

Boko Haram killed wives in Nigeria?