വോട്ട് ചെയ്യുന്നത് മാനക്കേട്, 20 കാരന് അധ്യാപികയായ സഹോദരിയെ വെടിവച്ച് കൊന്നു
ഇസ്ലാമാബാദ്: തദ്ദേശ തിരഞ്ഞെടുപ്പില് വോട്ട് ചെയ്തതിന് അധ്യാപികയായ സഹോദരിയെ 20കാരന് വെടിവച്ച് കൊന്നു. പാകിസ്താനിലെ തക്ഷശിലയിലാണ് സംഭവം . 32കാരിയായ അസിഫ നൊറീന് എന്ന യുവതിയാണ് കൊല്ലപ്പെട്ടത്.
പാകിസ്താനിലെ പല പ്രദേശങ്ങളിലും സ്ത്രീകള്ക്ക് വോട്ട് ചെയ്യുന്നതിന് ഇപ്പോഴും വിലക്കുണ്ട്. നിയമപരമല്ലെങ്കിലും പല ഗോത്രങ്ങളും സ്ത്രീകളെ വോട്ട് ചെയ്യാന് അനുവദിയ്ക്കാറില്ല . ജനാധിപത്യ പ്രക്രിയയില് സ്ത്രീകള് പങ്കാളികളാകുന്നത് കുടുംബത്തിന് അപമാനമായിട്ടാണ് പുരുഷന്മാര് കരുതുന്നത് .
വോട്ട് രേഖപ്പെടുത്തരുതെന്ന് ദാനിഷ് അലി തന്റെ സഹോദരിയോട് പറഞ്ഞിരുന്നു . പക്ഷേ അസിഫ വോട്ട് ചെയ്തു. തുടര്ന്നാണ് ദാനിഷ് സഹോദരിയെ വെടിവച്ച് കൊലപ്പെടുത്തിയത് . വീടിനുള്ളില് വച്ചാണ് അസുഫ കൊല്ലപ്പെട്ടത്. സംഭവത്തില് മകനെതിരെ അസിഫയുടെ പിതാവ് പരാതി നല്കിയിട്ടുണ്ട് .
കൊലപാതകത്തിന് ശേഷം ഒളിവില് പോയ ദാനിഷിനെ ഇതുവരേയും കണ്ടെത്താനായിട്ടില്ല. സ്ത്രീകള്ക്ക് വോട്ട് ചെയ്യാന് വിലക്കുണ്ടെങ്കിലും ഇതുമായി ബന്ധപ്പെട്ട കൊലപാതകങ്ങള് രാജ്യത്ത് അപൂര്വ്വമാണത്രേ .ഗാര്ഹിക പീഡനത്തെത്തുടര്ന്ന് നൂറുകണക്കിന് സ്ത്രീകളാണ് പാകിസ്താനില് പ്രതിവര്ഷം കൊല്ലപ്പെടുന്നത്. ഒട്ടേറെ അഭിമാനക്കൊലകളും രാജ്യത്ത് നടക്കുന്നുണ്ട് .
Click it and Unblock the Notifications
Sign in with Google