ഗര്‍ഭിണിയായ ഇന്ത്യന്‍ ടൂറിസ്റ്റിന്റെ മരണം: പോര്‍ച്ചുഗല്‍ ആരോഗ്യമന്ത്രി രാജിവെച്ചു

Updated: Thursday, September 1, 2022, 17:09 [IST]

ലിസ്ബൺ:ഗർഭിണിയായ ഇന്ത്യൻ ടൂറിസ്റ്റ് മരിച്ചതിനെ തുടർന്ന് പോർച്ചുഗൽ ആരോഗ്യമന്ത്രി രാജിവച്ചു. ആശുപത്രി മാറ്റുന്നതിനിടെയാണ് ഇന്ത്യൻ യുവതി മരിച്ചത്. സംഭവത്തിന് മണിക്കൂറുകൾക്കകം പോർച്ചുഗൽ ആരോഗ്യമന്ത്രി മാർട്ട ടെമിഡോ തന്റെ സ്ഥാനം രാജിവെച്ചു.

നിയോനാറ്റോളജി വിഭാഗത്തിൽ ഒഴിവില്ലാത്തതിനെ തുടർന്ന് സാന്താ മരിയ ആശുപത്രിയിൽ നിന്ന് ലിസ്ബണിലെ മറ്റൊരു ആശുപത്രിയിലേക്ക് ആംബുലൻസിൽ മാറ്റുന്നതിനിടെയാണ് 34 വയസ്സുള്ള ഇന്ത്യൻ വിനോദ സഞ്ചാരി ഹൃദയാഘാതത്തെ തുടർന്ന് മരിച്ചത്. തുടർന്ന് സിസേറിയനിലൂടെ കുഞ്ഞിനെ പുറത്തെടുത്തു. യുവതിയുടെ മരണത്തിൽ അന്വേഷണം ആരംഭിച്ചിരുന്നു.

വേനൽക്കാല അവധി ദിവസങ്ങളിൽ ഡോക്ടർമാരുടെ കുറവ് കണക്കിലെടുത്ത്, പോർച്ചുഗീസ് സർക്കാർ ചില അടിയന്തര പ്രസവ സേവനങ്ങൾ, പ്രത്യേകിച്ച് വാരാന്ത്യങ്ങളിൽ അടച്ചിടാൻ തീരുമാനിച്ചിരുന്നു. ഇത് ഗർഭിണികളെ ദൂരെയുള്ള ആശുപത്രികളിലേക്ക് കൊണ്ടുപോകാൻ നിർബന്ധിതരാക്കുമെന്ന് ചൂണ്ടിക്കാട്ടി പ്രതിപക്ഷ പാർട്ടികൾ തീരുമാനത്തെ വിമർശിച്ചിരുന്നു. ഇതിന് പിന്നാലെയാണ് അടിയന്തര പ്രസവ ശുശ്രൂഷ ലഭിക്കാതെ ഇന്ത്യൻ യുവതി മരിച്ചത്. കോവിഡ് 19 സമയത്ത് രാജ്യത്ത് വാക്സിൻ വിതരണം വിജയകരമായി കൈകാര്യം ചെയ്തതിന് ടെമിഡോയ്ക്ക് പരക്കെ പ്രശംസ ലഭിച്ചിരുന്നു.

മാർട്ട ടെമിഡോയുടെ രാജി സ്വീകരിച്ചതായും ടെമിഡോയുടെ പ്രവർത്തനത്തിന് നന്ദി പറയുന്നതായും പ്രധാനമന്ത്രി അന്റോണിയോ കോസ്റ്റ പറഞ്ഞു, ആരോഗ്യ അടിസ്ഥാന സൗകര്യങ്ങൾ ശക്തിപ്പെടുത്തുന്നതിനുള്ള പരിഷ്‌കാരങ്ങളുമായി സർക്കാർ മുന്നോട്ട് പോകുമെന്ന് പറഞ്ഞു.

'ഡോ. മാർട്ട ടെമിഡോ നടത്തിയ എല്ലാ പ്രവർത്തനങ്ങൾക്കും ഞാൻ നന്ദിയുള്ളവനാണ്, പ്രത്യേകിച്ച് കൊവിഡ് മഹാമാരിയെ ചെറുക്കുന്നതിന്റെ അസാധാരണമായ കാലഘട്ടത്തിൽ നടത്തിയ പ്രവർത്തനത്തിൽ. #SNS ശക്തിപ്പെടുത്തുന്നതിനും പോർച്ചുഗീസുകാർക്ക് നൽകുന്ന ആരോഗ്യപരിരക്ഷ മെച്ചപ്പെടുത്തുന്നതിനും @govpt നിലവിലുള്ള പരിഷ്‌കാരങ്ങൾ തുടരും. ,' അന്റോണിയോ കോസ്റ്റ ഒരു ട്വീറ്റിൽ പറഞ്ഞു.

സ്ലീവ് ലെസ് ബ്ലൗസും നീല സാരിയും ...ഇതെന്തൊരു അഴക്; പ്രിയങ്കയുടെ ചിത്രങ്ങള്‍ വൈറല്‍

സമീപ മാസങ്ങളിൽ പോർച്ചുഗലിൽ ഉടനീളം സമാനമായ സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്, അതിൽ അമ്മമാർ ആശുപത്രികൾമാറ്റുന്നതും വനീണ്ട കാലതാമസം അനുഭവിക്കുകയും ചെയ്തത് കൊണ്ട് രണ്ട് ശിശുക്കൾ മരിച്ചതായും റിപ്പോർട്ടുകൾ ഉണ്ട്. മാർട്ട ടെമിഡോ 'ഇനി അധികാരത്തിൽ തുടരാനുള്ള സാഹചര്യമില്ലെന്ന്' തിരിച്ചറിഞ്ഞതായി സർക്കാർ പറഞ്ഞു.

ചര്‍മ്മം എന്നും തിളക്കത്തോടെ സൂക്ഷിക്കാം..ഇക്കാര്യങ്ങള്‍ പരീക്ഷിക്കൂ

2018-ൽ ആരോഗ്യമന്ത്രിയായ മാർട്ട ടെമിഡോ, കോവിഡ്-19 പാൻഡെമിക് സമയത്ത് മധ്യ-ഇടതുപക്ഷ സോഷ്യലിസ്റ്റ് സർക്കാരിലെ ഏറ്റവും ജനപ്രിയ അംഗങ്ങളിൽ ഒരാളായിരുന്നു എന്നാണ് അഭിപ്രായ വോട്ടെടുപ്പുകൾ സൂചിപ്പിക്കുന്നത്. എന്വനാൽ, ഹെൽത്ത് സ്റ്റാഫിന്റെ കുറവ്, പ്രത്യേകിച്ച് ഗൈനക്കോളജിയിലും പ്രസവചികിത്സയിലും വൈദഗ്ദ്ധ്യം നേടിയവർ, പൊതു ആശുപത്രികളിലെ മറ്റ് പ്രശ്നങ്ങൾ എന്നിവ കാരണം അവരുടെ റേറ്റിംഗ് കുറഞ്ഞു.