Click it and Unblock the Notifications
Just In
Don't Miss
-
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
പ്രവാസികളറിയാന്‍...യുഎഇയില്‍ പുതിയ വിസാ പരിഷ്‌കാരം വരുന്നു..കാര്യങ്ങള്‍ കുഴയുമോ ?
യുഎഇ പുതിയ വിസാ പരിഷ്‌ക്കാരം നടപ്പില്‍ വരുത്തുന്നു
അബുദാബി: പ്രൊഫഷണലുകളെയും വിവിധ മേഖലകളിലെ വിദഗ്ദരേയും ലക്ഷ്യമിട്ട് യുഎഇ പുതിയ വിസാ പരിഷ്‌കാരം നടപ്പാക്കുന്നു. പുതിയ പദ്ധതിക്ക് മന്ത്രിസഭ അംഗീകാരം നല്‍കി. ഉയര്‍ന്ന യോഗ്യതയും കഴിവും ഉള്ളവരെ രാജ്യത്തേക്ക് ആകര്‍ഷിക്കാന്‍ ലക്ഷ്യമിട്ടാണ് സര്‍ക്കാര്‍ പുതിയ വിസാ പരിഷ്‌കാരം നടപ്പാക്കുന്നത്.
ദുബായ് ഭരണാധികാരി ഷെയ്ക് മുഹമ്മദ് ബിന്‍ റാഷിദ് അല്‍ മക്തൂമിന്റെ നേതൃത്വത്തില്‍ ചേര്‍ന്ന മന്ത്രിസഭായോഗമാണ് പുതിയ പദ്ധതിക്ക് പച്ചക്കൊടി കാട്ടിയത്.
പുതിയ പരിഷ്‌കാരം നടപ്പാക്കുന്നതിലൂടെ ടൂറിസം, ആരോഗ്യം, വിദ്യാഭ്യാസം എന്നീ മേഖലകളെ ശക്തിപ്പെടുത്താനാണ് സര്‍ക്കാര്‍ ഉദ്ദേശിക്കുന്നത്. വിവിധ ഘട്ടങ്ങളിലായാണ് പരിഷ്‌കാരം നടപ്പാക്കുക. മേല്‍പ്പറഞ്ഞ വിഭാഗങ്ങളിലുള്ള വിദഗ്ദര്‍ക്കാണ് ആദ്യഘട്ടത്തില്‍ വിസ നല്‍കുക.
ശാസ്ത്രം, സാങ്കേതികം, സാംസ്‌കാരികം തുടങ്ങിയ മേഖലകളില്‍ നിന്നുള്ളവരെയാണ് രണ്ടാമതായി പരിഗണിക്കുക. ഇവര്‍ക്കുള്ള വിസാ നടപടികള്‍ സര്‍ക്കാര്‍ വേഗത്തിലും എളുപ്പത്തിലുമാക്കും. പദ്ധതി സംബന്ധിച്ച് നിര്‍ദേശങ്ങള്‍ നല്‍കുന്നതിനായി പ്രത്യേക കമ്മിറ്റിയേയും സര്‍ക്കാര്‍ നിയോഗിച്ചിട്ടുണ്ട്.
രാജ്യത്തിനകത്തും അന്താരാഷ്ട്ര തലത്തിലും പുതിയ സമ്പ്രദായത്തിന്റെ വിവിധ വശങ്ങള്‍ പഠിച്ച് റിപ്പോര്‍ട്ട് നല്‍കുക എന്നതാണ് ഈ കമ്മിറ്റിയുടെ ചുമതല. അന്ത്ാരാഷ്ട്ര കമ്പനികള്‍ക്ക് അവരുടെ ആസ്ഥാനങ്ങള്‍ യുഎഇയില്‍ സ്ഥാപിക്കാന്‍ ആവശ്യമായ പദ്ധതികളും പുതിയ പരിഷ്‌കരണത്തിലുണ്ടാകും.
വിസയില്‍ ഇത്തരത്തിലുള്ള പരിഷ്‌കാരം വരുന്നത് മലയാളികള്‍ അടക്കമുള്ള പ്രവാസികള്‍ക്ക് ഗുണകരമാകും എന്നാണ് വിലയിരുത്തപ്പെടുന്നത്. സാങ്കേതിക മേഖലയില്‍ കഴിവ് തെളിയിച്ചിട്ടുള്ള മലയാളി യുവാക്കള്‍ക്ക് ഏറെ തൊഴിലവസരം ഉള്‍പ്പെടെ ലഭിക്കാന്‍ പുതിയ പരിഷ്‌കാരം വഴി സാധിക്കും.
