Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
സൗദി: മണവാട്ടിയുടെ തട്ടം ഉയര്‍ത്തിയതിന് മണവാളന് പൊതിരെ തല്ല്, വിവാഹം മുടങ്ങി
റിയാദ്: വീട്ടുകാരുടെ സമ്മതത്തോടെയുള്ള വിവാഹമാണെങ്കില്‍ പലപ്പോഴും പെണ്ണുകാണല്‍ ചടങ്ങ് അഭിമുഖീകരിയ്‌ക്കേണ്ടി വന്നിട്ടുള്ളവര്‍ അധികമാണ്. പെണ്ണിന്റെ മുഖമൊന്നു കാണാതെ കെട്ടുറപ്പിയ്ക്കുന്നതിനെപ്പറ്റി ശരാശരി മലയാളിയ്ക്ക് ചിന്തിയ്ക്കാന്‍ പറ്റില്ല. എന്നാല്‍ ഇതിനൊന്നും ഇപ്പോഴും കഴിയാത്തവരുണ്ട് സൗദിയില്‍. വിവാഹത്തിന് ശേഷം മാത്രമേ ഭാര്യയുടെ മുഖം കാണാന്‍ സൗദിയിലെ പല ഭര്‍ത്താക്കന്‍മാര്‍ക്കും അവസരമുള്ളൂ. അതിന് മുമ്പ് ശ്രമിച്ചാലോ പ്രതിശ്രുത വധുവിന്റെ ബന്ധുക്കള്‍ വരനെ കൈകാര്യം ചെയ്യും, അത്രമാത്രം!
തമാശയാണെന്നൊന്നും കരുതല്ലേ. കാലം മാറിയിട്ടും ഫത്വകള്‍ അതേ പടി പിന്തുടരുന്ന സൗദിക്കാരാണ് കൂടുതല്‍. ഇത്തരൊമൊരു കുടബംത്തില്‍ നിന്ന് കല്യാണമുറപ്പിച്ച അറബിയ്ക്കാണ് വിവാഹ നിശ്ചയ ദിനം തന്നെ വധുവിന്റെ ബന്ധുക്കളുടെ മര്‍ദ്ദനം ഏല്‍ക്കേണ്ടി വന്നത്.
വധുവിന്റെ എല്ലാ ഡിമാന്റുകളും അംഗീകരിച്ച വരന്‍ വിവാഹ നിശ്ചയത്തിനിടെ ആവശ്യപ്പെട്ടത് ഒരേ ഒരു കാര്യം മാത്രം. തട്ടം മാറ്റി വധുവിന്റെ മുഖമൊന്നു കാണണം. എന്നാല്‍ വധുവിന്റെ ബന്ധുക്കള്‍ ആവശ്യത്തെ നിരസിച്ചു. വരനാകട്ടേ മണവാട്ടിയുടെ മുഖം കാണാന്‍ തിടുക്കപ്പെട്ട് തട്ടം മാറ്റൊനൊരുങ്ങി.
പോരേ പൂരം. വധുവിന്റെ സഹോദരന്‍ വരനെ ശരിയ്ക്കും പെരുമാറി. ഈ വിവാഹമേ വേണ്ടെന്ന് വധുവിന്റെ ബന്ധുക്കള്‍. തല്ല് കിട്ടിയ വരനും മറിച്ചൊരു അഭിപ്രായവും ഇല്ല. വിവാഹത്തിന് ശേഷം മാത്രമേ ഭര്‍ത്താവ് ഭാര്യയുടെ മുഖം കാണാന്‍ പാടുള്ളൂ എന്നും അതുവരെ അയാള്‍ പെണ്‍കുട്ടിയ്ക്ക് അന്യപുരുഷന്‍ മാത്രമാണെന്നുമാണ് പെണ്‍കുട്ടിയുടെ കുടുംബം പറയുന്നത്.
