ജമാല് ഖഷോഗി വധം; വിചാരണ നിര്ത്തിവയ്ക്കാന് തുര്ക്കി കോടതി, കേസ് സൗദിക്ക് കൈമാറും
അങ്കാറ: മുതിര്ന്ന സൗദി മാധ്യമപ്രവര്ത്തകന് ജമാല് ഖഷോഗിയെ വധിച്ച കേസില് വിചാരണ നിര്ത്തിവയ്ക്കാന് തുര്ക്കി കോടതി ഉത്തരവ്. കേസ് സൗദി അറേബ്യയ്ക്ക് കൈമാറാനും കോടതി നിര്ദേശിച്ചു. സൗദിക്ക് കൈമാറുന്നതിനെതിരെ മനുഷ്യാവകാശ സംഘടനകള് നേരത്തെ രംഗത്തുവന്നിരുന്നു. സൗദിയിലേക്ക് കേസ് കൈമാറിയാല് സുതാര്യമായ വിചാരണ നടക്കില്ല എന്നാണ് ആക്ഷേപം. സൗദി കിരീടവകാശി മുഹമ്മദ് ബിന് സല്മാന് ആരോപണം നേരിടുന്ന കേസാണിത്.
2018 ഒക്ടോബര് 2നാണ് ജമാല് ഖഷോഗി കൊല്ലപ്പെട്ടത്. തുര്ക്കിയിലെ ഇസ്താബൂളിലുള്ള സൗദി കോണ്സുലേറ്റില് എത്തിയതായിരുന്നു ഇദ്ദേഹം. പ്രതിശ്രുത വധുവിനൊപ്പമാണ് ഖഷോഗി എത്തിയത്. ഖഷോഗി മാത്രമാണ് അകത്തേക്ക് പോയത്. പിന്നീട് തിരിച്ചുവന്നില്ല. ഏറെ നേരം കാത്തിരുന്ന പ്രതിശ്രുത വധുവിനെ ജീവനക്കാര് മടക്കി അയക്കുകയായിരുന്നു. ഖഷോഗിയെ കൊലപ്പെടുത്തി മൃതദേഹം നശിപ്പിച്ചു എന്നാണ് കരുതപ്പെടുന്നത്. ഇതിന്റെ നിര്ണായകമായ ചില സൂചനകള് തുര്ക്കി പോലീസ് അന്വേഷണത്തില് കണ്ടെത്തിയിരുന്നു.
കേസുമായി ബന്ധപ്പെട്ട് 26 പേര്ക്കെതിരെയാണ് തുര്ക്കിയില് വിചാരണ നടക്കുന്നത്. കേസിലെ പ്രതികളെന്ന് സൗദി കണ്ടെത്തിയ ചിലര്ക്കെതിരെ സൗദിയില് വിചാരണ നടക്കുകയും ശിക്ഷ വിധിക്കുകയും ചെയ്തിരുന്നു. തുര്ക്കിയില് നടക്കുന്ന വിചാരണ സൗദിയിലേക്ക് മാറ്റിയേക്കുമെന്ന് വാര്ത്തകളും വന്നിരുന്നു. ഇതിനിടെയാണ് തുര്ക്കി കോടതിയുടെ വിധി.
സൗദി കിരീടവകാശി മുഹമ്മദ് ബിന്സല്മാന്റെ പല നയങ്ങളോടും വിയോജിപ്പുള്ള വ്യക്തിയായിരുന്നു ജമാല് ഖഷോഗി. അദ്ദേഹം ഇക്കാര്യം പരസ്യമാക്കുകയും ചെയ്തിരുന്നു. ഇതാണ് ഖഷോഗി വധത്തില് കിരീടവകാശിയെ സംശയമുനയില് നിര്ത്തിയത്. അതേസമയം, ഈ വിഷയത്തില് തുര്ക്കിയും സൗദിയും തമ്മില് ഉടക്കിയിരുന്നു. സാമ്പത്തിക ഞെരുക്കത്തിലായ തുര്ക്കി സൗദിയുമായി ബന്ധം മെച്ചപ്പെടുത്താന് ഇപ്പോള് ആഗ്രഹിക്കുന്നുണ്ടത്രെ. ജമാല് ഖഷോഗി വധവുമായി ബന്ധപ്പെട്ട കേസ് ഒഴിവാക്കിയാല് സൗഹൃദം മെച്ചപ്പെടുത്താന് തയ്യാറാണെന്ന് സൗദി ഉപാധി വച്ചിരുന്നുവെന്നും റിപ്പോര്ട്ടുകള് വന്നിരുന്നു. ഇതിനിടെയാണ് കോടതി ഉത്തരവ്.
കേസ് സൗദിക്ക് കൈമാറണമെന്ന് കഴിഞ്ഞാഴ്ച പ്രോസിക്യൂട്ടര് ശുപാര്ശ ചെയ്തിരുന്നു. ഇതിനെ തുര്ക്കി നിയമ മന്ത്രി പിന്തുണയ്ക്കുകയും ചെയ്തു. സൗദിയിലെ വിചാരണയില് സംതൃപ്തിയില്ലെങ്കില് തുര്ക്കിയില് വീണ്ടും വിചാരണ ആരംഭിക്കാമെന്നും പ്രോസിക്യൂട്ടര് അറിയിച്ചു. ജമാല് ഖഷോഗി വധവുമായി ബന്ധപ്പെട്ട് നേരത്തെ സൗദിയില് രഹസ്യവിചാരണയാണ് നടന്നത്. ഇനി പുതിയ വിചാരണ പരസ്യമായി നടത്തുമോ എന്ന കാര്യം അവ്യക്തമാണ്.
Recommended Video
-
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
ഖത്തറിന്റെ ആ മോഹം നടന്നേക്കില്ല; 10000 കോടിക്ക് 5 പദ്ധതി മതിയാകില്ല, പ്ലാന് ബി കണ്ടെത്തിയേക്കും -
ദുബായിൽ റോക്കറ്റ് പോലെ കുതിച്ച് സ്വർണവില; കൂടിയത് 20 ദിർഹത്തിൽ അധികം, 24 കാരറ്റിന്റെ വില എത്ര? -
യുഎഇയില് നാളെയും മറ്റന്നാളും മഴ കനക്കും! മോശം കാലാവസ്ഥയുടെ അവസാന തരംഗമെന്ന് മുന്നറിയിപ്പ് -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം
Click it and Unblock the Notifications
Sign in with Google